1 TIMUTIU 2
2
Na lumungu-na na kabungguru
1Na kawunga-na, nyungga kukarai pambana-kai, ka màtawa na lii kamahingu, na hamayangu, na hamaya pa-tunggungu dàngu na lii malangu kai patàka-nya lai Ala nduma mbuu ndàbana na tau; 2ndumada da hanganji dàngu nduma mbuu ndàbada da tau da ma-katangu kuaha. Karaiwa ka peku luri mambiru dàngu mànjaku-nda ba talumu-nya i Ala ba nawàngu pa-paràkangu na huri lurinda. 3Nunaya na mahàmu dàngu na maliya na etina i Ala, na Ma-pamàna-nda. 4Na pambuha-na màta ka pamàna hàlanya na tau dàngu ka napinya na ma-deningu wàna. 5Nadu ba haàtu-ana na Ala, dàngu ba haàtu-ana na mali padua la Ala dàngu la tau, nu i Karitu Yehu. 6Nyuna haàtu taumaya na mambàda pa-jàmangu wikina la pa-pahàla ndàbaya na tau welingu la nja - njalada. Nu ba tuna nu i Ala pawuwa-nanya la rehi ma-jàngapu, ba na-mbuhangu Nyuna ka pamàna-nya mbuu ndàbana na tau ba wàna. 7Nuna-duyaka na kirina hi palewa-ka nyungga palua tomaha da tau nda Yahundi la pa-bobaru-nja lii rukuna na pawai na ma-padeningu. Yiana na pa-jakaru-nggu ma-deningu-maya, nda kambàliku-anggunya.
8Na pambuha-nggu nyungga ka la nggi bia màtawa da tau mini ka da-hamayangu wàngu eti matua-da, àmbu wàngu mbeni dàngu pa-hilitu-da.
9Màtawa da tau kawini ka ràka-ana ba dawotu ngaüda dàngu ba dawotu paki manggepi. Àmbu da-pandoi-ha da lunggida da majulu mata tau, jàka ndia paki ngaü marara, jàka ndia hàda anahida, jàka ndia paki mbana wilikai. 10Tàka hauya duna, màtawa da tau kawini ka da-pahàmu wikida wàngu pawunda-da da mahàmu, hama tuna na maràka-na la kawini na malumu-nya i Ala. 11Màtawa na haàtu kawini ka na-papekangu la pakandii dàngu la pa-manundu. 12Nda ku-pamàna-anya nyungga na kawini ma-papeka-nya dàngu ma-pareta-ya na tau mini; dakandii-ma-a bàdi. 13Nadu na pa-kawunga wulu jiaya i Andamu hi mangupa i Hawa. 14Nda nyuna-a i Andamu, tàka na kawini duna na pa-panyonga, hi lupa dapangga-ya na pareta-na i Ala. 15Na nyuna ba tuna, na kawini napa pa-pamara-ya ba na-paanangu anana, mili ka dàngu karàda etina nyuna#nyuna; jàka ndia: nyuda. ba na-padaingu papawai lai Karitu dàngu ka na-padaingu la pa-mbuhangu anguna hamanai ka na-panuda-nya na lurina ndumana i Ala.
Currently Selected:
1 TIMUTIU 2: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
