Matius 1
1
Yesus Kristus ebpalak aiklak dagatil 12 wegesa wene
(Lukas 3:23-38)
1At Yesus Kristus Abraham Daud onomlogo ano e’balak aiklak edip pam en dagatil wegesa a’ge ononuk yu o.
2At Abraham en Ishak deriselat,
Ishak en Yakub deriselat,
Yakub en Yehuda osi enemin dagenebiselat, tegei.
3At Yehuda en hwe Tamar wesirik e, Peres o, Zerah o, e’birek dagenebiselat,
at Peres en Hezron deriselat,
Hezron en Ram deriselat, tegei.
4Ram en Aminadab deriselat,
Aminadab en Nahason deriselat,
Nahason en Salmon deriselat, tegei.
5Salmon en e, hwe Rahab wesirik e,
Boas deriselat,
Boas en hwe Rut wesirik e, Obed deriselat,
Obed en Isai deriselat,
6 #
2Raj. 24:14,15; 2Taw. 36:10; Yer. 27:20 Isai en e, ap Daud ’gain onuk logo a’ge ano deriselat, asogo dagatil wegesa.
Ye, ai en e, Daud en Uria ugwe lisogo woluk libagarik e, Salomo deriselat,
7Salomo en e, Rehabeam deriselat,
Rehabeam en Abia deriselat,
Abia en Asa deriselat, tegei.
8Asa en Yosafat deriselat,
Yosafat en Yoram deriselat,
Yoram en Uzia deriselat, tegei.
9Uzia en Yotam deriselat,
Yotam en Ahas deriselat,
Ahas en Hizkia deriselat, tegei.
10Hizkia en Manasye deriselat,
Manasye en Amon deriselat,
Amon en Yosia deriselat, tegei.
11Yosia en ap Yahudi a’ge o Babel wogonoboluk legesa eria hegit, at Yekhonya arilak emin dagenebegei.
12Ap Yahudi a’ge o Babel wogonoboluk legesema welat e, pobuk at Yekhonya en e, Sealtiel deriselat,
Sealtiel en Zerubabel deriselat, tegei.
13Zerubabel en Abihud deriselat,
Abihud en Elyakim deriselat,
Elyakim en Azur deriselat, tegei.
14Azur en Zadok deriselat,
Zadok en Akhim deriselat,
Akhim en Eliud deriselat, tegei.
15Eliud en Eleazor deriselat,
Eleazor en Matan deriselat,
Matan en Yakub deriselat, tegei.
16Yakub en Yusuf, hwe Maria ogun ano, deriselat, hwe Maria en e, Yesus nis en Kristus ogu lege a’ge ano deriselat, edipmu en dagatil wegesa.
17Asogo dagatil wegesarik ap Abraham dagaga hwerli en, ap Daud dagaga ai hwerli pam enebpalak enaiklak enebe 14 hwerli en dagatil wegesa. Daud dagaga hwerli pam en e, ap Yahudi a’ge wogonoboluk o Babel legesa ai hwerli pam en ene’balak enaiklak 14 hwerli en e, pobuk dagatil wegesa. Ap Yahudi a’ge o Babel wogonoboluk legesa hwerli en e, Kristus dagaga ai pam, enebe 14 hwerli en pobuk dagatil wegesa.
Yesus Kristus dagaga wene
(Lukas 2:1-7)
18 #
Luk. 1:27
At Yesus Kristus dagaga ai ebe disogo dagaga. Ia Maria ai, ap Yusuf ebe wo erlak owan la’bulu erlak oruakhwe, Allah Arogun en emalik ogola pesi o. 19Ogola pesimu re, at Yusuf ebabut op ano pam e, ogola en,
“An hwele ai aphwami enilem ukpoma re e’gerli emano, oluk e, hisakho ukpaik o,” oluk ede epesi. 20Asogo epasulat, huba’go nogo osoma, at malaikat Allah en ’bogorl pam yo’go noso a’ge mesik e’bek wagarik e, wene disogo mo’gulesi,
“Yusuf, Daud omlogo yu o. Hat e, hwele Maria ai wo nebit oluk hogola epagun o. Emalik ai Allah Arogun enat ogola pesimu oruak o. Holuk e, wemen o. 21#Luk. 1:31Emalik ai ebe abat dorua o. Doruema re, ue ari wiak togwi a’ge at en onowiak no’gorlogo wouwarik delonobua o, oluk onuk Yesus tualino,” oluk mo’gulesi. 22Asogo tua oluk e, Nenaik ’gain Onuk Logo a’ge en, ap agaikhe pageat yo’go pesimu wene mog’ulentasulat pelal wokho pesi ano hegitsogoat emak oluk egei ai o. 23#Yes. 7:14At en e,
“Hwele mesik emalik ogola emarik e, abat dorua ani o. Dagago holuk e, nis neniak pam, Allah nenemin oruakma, u ’gela’ge, onuk Imanuel ogu lema o,”
oluk pelal wokho pesi a’ge hegitsogoat aga ai o.
24Ai re, Yusuf elaluk agarik e, at malaikat Nenaik ’gain Onuk Logo a’ge en perakpou wagama, abi pam mo’gulesi a’ge ano hegitsogoat hwe Maria ano wesi. 25#Luk. 2:21Wesi a’geat de, ugwe ano e’birek nogo u erlak welegesarik en, emalik abat deregeimu onuk Yesus tualegei.
Currently Selected:
Matius 1: Wul
Highlight
Share
Copy
Want to have your highlights saved across all your devices? Sign up or sign in