KELUARAN 26
26
Manetualain Lalaa Teman-na
1“Tao fe Au Lalaa Temak esa neme tema aba lutu biak 10 mai, tenun no tema kabeli momo'dok, pilabalanggeok ma pilas. Seu kerub-pa. dulan-na neu temak ndia. 2Muse uku tema bibiak sila-la fo uukun-nala sama, nanalun-na metel sanahulu dua ma loloan-na dua metel. 3Muse tuti temak biak lima, fo ana da'di sama leo ofak-ka laan esa, ma biak ka lima fe'ek-kala muse seu taon leondiak boe. 4Tao ndelin-nala neme tema momo'ok-ka mai, fo taon neu tema ka duak sila-la su'udoon duas, 5temak esa soona, tao ndeli limahulu neu. 6Taom-ma soloka'do lilopilas limahulu soaneu tu'ti tema ka duak sila-la fo ela ala da'di temak esa.
7Taom-ma temak biak sanahulu esa neme bi'ihiik-ka bulun-na mai, fo da'di Lalaa Temak ndia sinin-na. 8Tema bibiak sila-la, uukun-nala muse sama, nanalun-na metel sanahulu telu, ma loloan-na metel dua. 9Muse tuti biak lima, fo da'di temak esa, ma muse seu bia ka neek-kala leondiak boe. Tututi ka neek-kala, muse diku duak-kana fo ela ana potiketu Lalaa Temak-ka uluk. 10Seu ndeli limahulu neu tema makasososak-ka su'udoon-na, ma limahulu neu tema ka dua-a su'udoon-na. 11Taom-ma soloka'dok limahulu neme liti mai, fo tutin neu ndeli sila-la, fo ela tema ka duak sila-la da'di esa, fo ana da'di Lalaa Temak-ka sinin-na. 12Tema bibiak manadai lenak-ka nde bee soona, soaneu ana potiketu Lalaa Temak-ka dea. 13Temak manadai lenak fo loloan-na senti metel limahulu ma ana su'di Lalaa Temak-ka nanalun-na ndia, boso kee henin, nemen-na fo ana potiketu Lalaa Temak ndia boboan-na.
14Taom-ma tatanak dua soaneu Lalaa Temak-ka dean-na, esa neme bi'ilopo mane loun-na mai fo lose pilas neu, ma esak-ka, taon neme bana lou mangana'uanak-ka mai.
15Tao Lalaa Temak ndia diin-nala neme ai akasia mai mandoo. 16Dii esa soona, deman-na metel haa, ma loan-na senti metel neehulu. 17Dii esa soona, tao ai papakuk dua neu, soona ka'bi duas nenik ai betubalak, fo ela dii sila-la, esa natutik no esa. 18Tao dii duahulu neu Lalaa Temak-ka boboan kona, 19no dii eik haahulu, taon neme lilofulak-ka mai, fo dii esan-na, tao dii eik dua neu dii pe'dan dae soaneu ai papaku ka dua-nala. 20Tao dii eik duahulu neu Lalaa Temak-ka boboan kii, 21no dii eik haahulu, taos neme lilofulak-ka mai, fo dii esa soona, tao dii eik dua neu dii pe'dan dae. 22Tao dii eik 6 neu Lalaa Temak-ka buin muli, 23ma dii eik dua neu bu'un-nala. 24Dii bu'uk sila-la, muse tutis nakandoo losa leo lain neu. Dii ka duak sila-la muse taon leondiak boe. 25Da'di basa-basan hapu dii 8 loo dii eik lilofulak 16, fo dii esa soona, tao dii eik dua neu dii pe'dan dae.
26Taom-ma ai betubalak 15 neme ai akasia mai, fo Lalaa Temak-ka boboan esa soona, tao dii lima neu, 275 neu boboa fe'en-na, ma 5 seluk neu Lalaa Temak-ka buin manai boboan muli. 28Ai betubala tala'dak-ka, dedeman-na muse ba'e duak dii-a, fo neme Lalaa Temak ndia pe'dak leo pe'dak neu. 29Lalaa Temak-ka diin-nala ma ai betubalan sila-la muse nananakadiditak nenik lilopilas. Suek fo lakataka ai sila-la, muse taos leme lilopilas-sa mai. 30Mapadedeik Lalaa Temak ndia tunga Au dale tutu'ung fo Au atu'dun neu o neme letek ia lain.
31Taom-ma tema lelesu esa neme tema abalutu mai fo tenun no tema kebelik momo'dok, pilabalanggeok ma pilas. Seu kerub-pa dulan-na neu temak ndia. 32Lona tema lelesu ndia neu dii akasia ka haak fo nananakadiditak lilopilas no soloka'do lilopilas fo nanapasak nai dii eik lilofula ka haak-kala lain. 33#Ibr. 6:19, 9:3-5 Lolo'e temak ndia neu soloka'do makadadalak-kala dae, fo nai Lalaa Temak-ka lain. Muse pe'da Peti Hehelu-balataak fo batu ka duak-kala lai dalek ndia neu temak ndia dea. Temak ndia ta'da Kama Malalao-malalafuk-ka no Kama Malalao-malalafuk nanseli-a. 34Pe'da Peti Hehelu-balataak-ka tatanan-na neu peti lain. 35Muse pe'da mei tunu-hotuk-ka neu Kama Malalao-malalafuk nanseli-a deak, fo nai boboan kii, ma banu eik-ka nai Lalaa Temak ndia dalek, fo nai boboan kona.
36Tao tema lelesu soaneu Lalaa Temak-ka lelesun-na. Taon neme tema abalutu mai, fo tenun no tema kabelik momo'dok, pilabalanggeok ma pilas, ma balias-sana nenik seseu-sosoo mana'a. 37Muse taom-ma dii lima neme ai akasia mai soaneu Lalaa Temak ndia, fo makadiditak-kasa nenik lilopilas, fo tutis leu soloka'do lilopilas ka limak-kala. Taom-ma dii eik lima neme liti-a mai soaneu dii sila-la.”
Currently Selected:
KELUARAN 26: twu
Highlight
Copy
Compare
Share
Want to have your highlights saved across all your devices? Sign up or sign in
