Maheberu 13
13
A miphahlelo yi xalalisako Nungungulu.
1Ngha li simamisa a liranzo la nwina la wumakabye.
2Mu nga rivali ku amukela vafambi, hakuva hi ku maha lezo a vanwani va rurele tingelosi na va nga ti tivi. Gen. 19:2; Mat. 25:35
3Alakanyani lava va nga makhotsweni, muku khwatsi mu bohilwe zinwe navo; alakanyani ni lava va xaniswako, kota lezi na nwinawu mu nga ni mimiri, Rom. 12:15
4Ngha na kutekana ku dzunzeka ka vanhu vontlhe, ngha sango gi nga nyenyeziswi; hakuva a zirembi ni zibhayi Nungungulu i ta zi lamula.
5Ngha na mahanyela ya nwina ma ngavi ya ku ranza mali; eneliswani hi lezi mu nga nazo; hakuva Nungungulu i ngalo: Cima nzi nga ta ku tsika, hambu ku ku siya. Gen. 28:15; Jox. 1:5
6Hikwalaho hi nga wula na hi tiyilehlana, hiku:
A Hosi hi muvuni wa mina, nzi nga ta chava;
A vanhu va nga nzi mahela yini ke? Tis. 27:1; 56:11, 12
7Alakanyani varangeli va nwina, lava va mu byelileko mhaka ya Nungungulu; pimani a kugumesa ka kuhanya kabye, mu ecanyisa a kukholwa kabye.
8Jesu Kristu hi yaloyi wa tolo ni nyamutlha ni ku kala kupinzuka. Joh. 8:58; Kuv. 1:4
9Mu nga pengiswi hi tixaka ti tsalangeneko ta tigonzo leti ti nga tibyiwiko; hakuva zi sasekile loku a mbilu yi tiyiswa hi tipswalo, na ku nga hi zakuga, lezi zi nga vuniko nchumu lava va zi tsumbako. Rom. 14:17; Efe. 4:14
10Hina hi na ni alati, laha va nga faneliko a ku gela kona lava va khozelako tabernakeli. 1 Kor. 9:13; 10:15
11Hakuva a zihari lezi a nkhata wa zona wu yiswako Wutshanwini go Basabasa hi mupristi wa hombe hi kota ya zionho, a nyama ya zona yi hiswa lahandle ka wugovelo. Levi 6:30
12Hizalezo na Jesu i lo xaniseka lahandle ka nyangwa, lezaku a fela ku basisa vanhu hi nkhata wakwe. Joh. 19:17
13Hikwalaho a hi humeni hiya kakwe lahandle ka wugovelo, na hi rwele a kurukwa kakwe. 1 Ped. 4:14
14Hakuva seno a hi na muti wu simamisako, kanilezi hi lava lowu wu ta ngata. Mika 2:10; Fil. 3:20
15Hikwalaho a hi maheleni Nungungulu ha Jesu a muphahlo wa kubonga lowu wu simamisako, lezo hiku ngalo, a mbhanzo wa milomu leyi yi dumisako vito gakwe. Levi 7:12; Hos. 14:2; Efe. 5:20
16Kanilezi mu nga rivali a ku maha kusasa ni kuha zisiwana; hakuva Nungungulu wa tsaka khwatsi hi miphahlelo ya kunghaho. Rom. 12:13; Fil. 4:18
17Ingisani a varangeli va nwina, mu ti koramisa ka vona; hakuva va rinzela a mihefemulo ya nwina, hakuva va ta ti hlamulela ha yona. Va ingiseni lezaku va fela ku tira hi kutsaka, na ku nga hi kuketa; hakuva lezi zi nga ta mu vuna nchumu. Ekso. 3:17; 1 Tim. 5:17
18Hi khongeleleni, hakuva ha tsumba lezaku hi na ni livalo li nene, na hi xuva kuva ni mahanyela ma nene matlhelweni wontihe. Miti. 23:1; Kol. 4:3
19Nza mu khongotela nguvu ku maha lezo, kasi nza fela ku wuyiselwa ka nwina lokuloku.
20Makunu ngha Nungungulu wa kurula, loyi a wuyisileko hi ka vafileko a Hosi ya hina Jesu, loyi a nga murisi wa hombe wa tiyivu, hi nkhata wa xivumelwano xa pinzukelwa, Isa. 40:11; Ezek. 34:23; Zak. 9:11; Joh. 10:11, 14; Rom. 4:24; 15:33
21a mu maha mu mbhelela mitirweni yontlhe yo saseka, kasi mu maha kuranza kakwe; na a tira ka nwina ha Jesu Kristu lezi zi tsakisako mahlweni ka yena. A wudzunzo a give ka yena kala kupinzuka ni kupinzuka. Amen! Gal. 1:5; 1 Ped. 5:10
22Kanilezi nza mu khongotela, vamakabye, timiselani ni mhaka leyi ya ku mu luleka; hakuva nzi mu tsalele hi timhaka ti tsongwani. 1 Ped. 5:12
23Tivani lezaku a makabye wa hina Timote i tlhatlhilwe; loku a hatla ata nzi ta ta mu wona na nzi hi zinwe naye. 1 Tim. 6:12
24Rungulani vontlhe lava va mu rangelako, ni vobasa vontlhe. Lava va le Italia va mu rungula.
25A tipswalo a tive na nwina nwentlhe. Amen!
Currently Selected:
Maheberu 13: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
