Guti 9
9
Solomoni a ngu lomba guti
1“Nungungulu wa vababe vathu ni Pfhumu nya wuhindzi,
u vangidego silo satshavbo khu magana yago,
2u wumbidego muthu khu guti gwago,
gasi gu a fuma vbatshani nya sivangwa u si ningidego womi,
3gasi gu fumela litigo khu gululama ni guaga, gasi gu lamula khu monyo nya gululame,
4 # Wona gambe: Mav 8:27-30; 1 Dzipf 3:6-9; 2 Dzik 1:6-10. nyi ninge guti gu khadego vbagikhalotunu nya wufumu Wago,#9:4 Guti gu na ni lisima ni giemo nya wunungungulu, kholu gu khade vbagikhalotunu nya wufumu wa Nungungulu. Wona: Sirk 1:1.
u nga nyi dusi tengoni nya sanana sago, kha nga moyo a gu mwalo fanelo nya gukhale gyanana gyago.
5 # Wona gambe: Dzind 116:16. Eni nyi githumi gyago, gyanana gya githumi gyago nya nyamayi,
muthu nyambana tshivba ni guvbanya nya gurole, nyamba dzi kodza guti gululama ni milayo yago.
6Kholu muthu nya gukari ambari na lulamide vbakari nya vathu,
aholu nyambana guti gutago khiyo gwago, kha na phasa gilo.
7Uwe U nyi hathide gasi gu nyi khala mufumeli wa vathu vago,
ni mulamuli wa sanana sago nya vama ni vanyamayi.
8U nyi rumide gu vbaha Nyumba ya Nungungulu
vbatshani nya gigomo gyago nya guage,
ni giluvelo dhoropani, u vbanyelago umo, gukhedza khu makhalelo nya Tshatsha nya Guage,
u wu dongisedego gukhugela guhegulani.
9 # Wona gambe: Mav 8:22-31; Rom 11:34; 1 Kor 2:16. Vbafuvbi gwago gomo guti, gutigo mithumo yago, gu nga bani guromo gikhati U giridego litigo latshavbo,
gutigo egi gi tsakisago mahoni gwago ni egi gi lulamidego gukhedza khu sileletelo sago.
10Khu guralo, gu rumele khu ndzadzini gwago nya guage,
gu rumele khu vbagikhalotunu nya wudhumo wago gasi guta nyi phasedzela mithumoni gwangu
nyi fela gu kodza guti esi si gu tsakisago.
11Ugo gu nguti ni gu tugula silo satshavbo;
gu na gimbidzisa mithumo yangu khu guti;
gu na nyi vhikela gungangamelani nya wudhumo waye.
12Kharati, mithumo yangu yi na gu tsakisa, nyi na fumela vathu vago khu gululama,
nyi mana fanelo nya guzundzege vbagikhalotunu gya babe wangu.
13Khu wevbini muthu a gi pimago gikungo gya Nungungulu,
khu mani a hingigedzago esi Pfhumu Nungungulu a si vbwetago?
14Mipimiso nya vathu va emedwego khu gufa kha ya tiya gilo,
ni mapimo yathu nayo kha ma tiya.
15Kholu givili gi emedwego khu guhina gi ngu lemedza hefemulo,
ni nyumba yeyi ya mafuni yi ngu tshanisa liphuvbo li tadego khu gukhathalela.
16Gu ngu garadza gupima esi si guromo tigoni, ambari ni esi si guromo vbafuvbi gwathu, hi ngu garadzega gu si pima.#9:16 Khu mapimo ni wugengeli waye basi, mwendro khu guti nya wuthu, mwalo muthu a dzi kodzago gu lulamisa guvbanya gwaye gwatshavbo gukhedza khu gugola gwa Nungungulu. Wona Isa 40:13; Rom 10:13. Guvbwetega giphaso nya wenengedzo wa vbatshani, wuhigo nya liphuvbo ni guti. Wona Dzind 51:12-14; Jer 31:31-34; Ezek 37:1-14; Joy 3:1-2.
Khu mani a kodzago gutugula iso si guromo ndzadzini?
17Khu mani a gi tugulago gikungo gyago, Pfhumu Nungungulu,
wa gumba phela khu gu mu ninga guti gwago, wa gumba mu rumela Liphuvbo lago nya Guage khu vbatshani ndzadzini?
18Kharati dzi lulamisidwe dzindzila dza vale va guromo tigoni,
vathu va hevbude iso si gu tsakisago. Khu guti va vbulugisidwe.”
Currently Selected:
Guti 9: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.