Guti 13
13
Wupumbu wa avo va khozelago sivangwa.#13:0 Guti ni wupumbu kha si longoloki guvbanyani nya muthu. Muthu a gu na ni guti ni mapimo kha dzi kodzi gu vbanya khu wupumbu nya gukhozele sivanwa mi sithombe nya gugirwe khu mandza nya muthu.
1Lisine, sipumbu vathu vatshavbo vale,
khu guvbunguga mapimo, va ngamba muti Nungungulu. Va wonide dzithomba dzatshavbo dzi guromo mafuni,
aholu, kha va dzi kodza gu muti “Wule a gu Uye;”
va wonide sigiro saye, aholu kha va nga muti Mugiri wakone.
2Va di ninga githawo nilo, liphuvbo,
mwendro gingulu, ngongola nya dzinyeledzi, mavimbi nya mati,
mwendro siwenengedzo sa ndzadzini, va gu si khozela gukhwatshi vanungungulu ni vamwamangulu nya litigo.
3Va gu tsakiswa khu gumbura nya silo soso,
gukala va si wona kha nga vanungungulu,
gu di vbwetega vati gwadi gukhavo Pfhumu, a si giridego, mburide ngudzu guvbindra satshavbo,
kholu Nungungulu khuye muvangi nya wumburi watshavbo nya silo si va tsakisago.
4Aholu va gu bani va gu sengwa khu gu wona tshivba ni wudhumo nya sivangwa soso,
va na pime gukhavo muvangi nya iso a na ni tshivba ni wudhumo nya wukhongolo ngudzu guvbindra satshavbo.
5Kholu khavbo nya wugulu ni wumburi nya sivangwa,
hi ngu kodza gu samala khu gupimanisa wuzundzo wa uye mune Muvangi.
6Aholu, ava va emedwe basi khu gukawukwa#13:6 Va emedwe basi khu gukawukwa vale va si thumisigo mapimo ni wugengeli va ningidwego gasi gu tugula Nungungulu nya lisine Muvangi nya satshavbo. Aholu a ngu yela gu kawukwa gambe khu tshivba ngudzu wule a mu tidego Nungungulu, aholu a diga lisine a li pimago gwadi, aya khozela sivangwa ni simbe silo nyamba phasa gilo a si gira vanungungulu. nya guvbevbuge,
kholu a gu dzina saye va di manwa khu guphazama,
na va gu vbweta Nungungulu ni gu gola gu mu mana.
7Na va gu vbanya vbakari nya satshavbo esi Nungungulu a si vangidego, va ngu simama gu mu vbwetedzela gasi va muti;
aholu va ngu dzi diga va sengedzedwa khu makhalelo yawe,
kholu si mburide silo va si wonago.
8 # Wona gambe: Mith 17:27-28. Khu guralo, ambari ava navo, va mwalo tsetselelo,
9kholu, olu va yeyedzago gukhavo va na ni mapimo nya makhongolo nya gukodze
gu pima sivangwa satshavbo,
khu ginani va ngamba phela khu gu tugula
Pfhumu Nungungulu nya silo soso?
Gukhozela sifananiso
10 # Wona gambe: Dzind 115:3-8; Isa 40:18-20; Jer 10:1-16; Mith 17:24-29. Va tshanisekide ngudzu, avo va vegidego gitumbo gyawe ga sivangwa nya gufe,
vale va ranidego mithumo ya mandza nya vathu khavo vanungungulu:
Ndralama ni parata si thumidwego khu wumeseri,
sithombe nya sirengo, mwendro giwindri nyamba phasa gilo,
gi wumbidwego gale khu mandza ya vagale.
11Hi na pimisele khu muvati:
A gu pila gikhomo nya simbo a na kodzago gu gi thuma,
khu mapimo nya yadi a gu gi tshula ligomba latshavbo,
khu wugengeli nya wumeseri waye,
a gu gira khu igyo gyombo a na gi thumisago.
12Igyo gi tshalago ga thumo waye,
a gu gi thumisa gu phula khigyo guhodza gasi a hodza a khura.
13Igyo gi mu tshalelago gambe,
igyo nyamba phasa gilo, khu gu nari mapulango nya guwegele ni sipfhundro;
a gu gi thuma khu gikhati nya guhefemule,
a hagana khu gu gi vata ni gu gi khakhata khu wumeseri watshavbo gasi gu dzi hungata.
A gu gi ninga makhalelo nya nga muthu,
14mwendro makhalelo nya girengo nya gukari nya gunyenyeze;
a gu gi ninga guvbyuga,
a gu gi pendra khu livala nya gufuvile,
na gu lulamisela gughoheka ni gu tshikedzela gwadi malufa gi gu nawo.
15Khu hwane, a gu dongisela wulanga nya wuzundzo wu vbwetegago, a gi
vbayega vbandzaritunu, khu khogo;
16a gu gi sayisa gasi gi si thegi,
kholu a ngu dziti gwadi gukhuye kha gi na nga dzi phasa gyabune.
Giwumbedwa gya gu vbweta gu phasedzedwa.
17Aholu gikhati a girago nombelo khu dzithomba dzaye, khu dzegano waye,
mwendro khu sanana saye, kha khali dzitshoni khu gu ganela ni gilo gi gu mwalo womi,
ni gu lomba guvbanya ga igyo gi gu mwalo tshivba.
18A gu lomba womi ga igyo gi fudego, a lomba guphaswa khu gilo gi si kodzigo gu phasa;
19gasi gu dugelela umo nya wugwewo ni mithumoni gwaye,
a gu tutumela ga gilo gi si kodzigo gu gimbila;
a gu lomba ga wule a gumba dzi kodza ni gu khutha mandza yaye!
Currently Selected:
Guti 13: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.