Guti 12
12
1Liphuvbo lago li sifigo lomo ga sivangwa satshavbo.
2 # Wona gambe: Luk 15:7. Khu kotani nya isoso, khu vbadugwana vbadugwana, u ngu kawuka vale va thegago,
u ngu laya avo va ghohago ni gu va luleka sighohoni gwawe,
gasi va nyenya guvivba gwawe, va khodwa ga uwe, Pfhumu Nungungulu.
Nungungulu a gu vbweta basi guvbanyisa vathu
3U diri ni likhulo ga vathu va nga bani va gu vbanya gale tigoni gwago nya guage,#12:3 Avba gu thudwa litigo la Khanani ni vathu vaye.
4kholu, khu tumbunugo wawe, va di gu gira mithumo nya gunyenyeze, nya nga eyi: Wuloyi ni miphaso nya guvivbe;
5dzihanyi ni gu songetela sanana sawe, nyambana gisiro;
mibuzo nya guhodze dzinyama, mahembe ni novba nya vathu,
ni gu gira mikhuwo nya tumbunugo khu sivbango nya vathu.
6Vavelegi vovo nya sighevenga, va nga bani va gu songetela sanana sawe nya sidugwanana nyambana vavhikeli,
u va mbembiside khu mandza ya vababe vathu,#12:6 Vakhanani va nga girago sighoho ni guvivba nya gukhongolo ngudzu guvbindra Vagipiti, Nungungulu na va mbembiside khu gumogo, aholu a di va tsayisa khu vbadugwana vbadugwana gasi gu va ninga gikhati nya gu dzi laye, va vbindrugedza mavbanyelo.
7 # Wona gambe: Levh 18:21; Dhet 12:31; 2 Dzipf 3:27; Jer 7:31-34. gasi gu mafu yaya, u ma golago ngudzu vbakari nya mayigo yatshavbo,
ma hakhe vathu nya gugolege va gu na ni lisima ni wuzundzo nya sanana sa Nungungulu.
8 # Wona gambe: Gen 1:26-28; Dzind 8:5-7. Khu guralo, kholu avo navo va diri vathu, uwe u di va pwela gisiro,
u phela khu gu va rumela mabhawa kha nga libutho lago li phelago khilo gu vboha,
gasi gu va mbembisa khu vbadugwana, vbadugwana.
9Khwa padwa gu vbedza vathu vovo nya guvivbedwa khu monyo
khu gu va ningela va padwa nyimbini khu vathu nya gululame,
mwendro gu va pfhungumulela muphelo khu sirengo nya likhabi,
mwendro gu va mbembisa khu lito limwedo lago basi.
10Aholu, khu wuwadi wago, u di va tsayisa khu vbadugwana, vbadugwana, u va ninga gikhati nya gu va dzi laya,
ambari u nga bani u si hangwi khu gukhuwe lihundzu lawe li vadwe, vathu nya guvivbe khu tumbunugo wawe,
mipimiso yawe gima kha yi na nga vbindrugedza.
11Khu magirelo yoyo, lihundzu lawe li vadwe gukhugela gutumbunugani gwawe.
Khandri khu kotani nya guthave muthu u ngamba va tsayisa mayelano ni sighoho sawe,
gambe u di dzi yeyedza kha nga mutsetseleli ga sighoho sawe.
12 # Wona gambe: Job 9:12; Rom 9:13-23. Khu mani a na tiyago gu gu embela, khuye:
“Ginani u giridego?”
Khu mani a na himbedzelago gudzina gwago?
Khu mani a na gu ningago nandru khu gu nu mbembiside mayigo u ma vangidego?
Khu mani a na gu wugelago gasi gu vhikela avo va gu ni nandru?
13Mwalo mumbe Nungungulu,
vbavbandze gwago, a dzi kodzago gu fumela silo satshavbo,
gasi gu yeyedza gukhuwe gu mwalo wuvivbi gulamulani gwago.
14Mwalo mufumeli, ambari muthangeli nya lunya
a kodzago gu gu wugela a gu wudzisa khu vale u va tsayisidego.
15Uwe u lulamide;
u ngu fumela satshavbo khu gululama,
gambe wa gu wona na gu si yelani ni tshivba yago,
gu ninga nandru uye a gu mwalo fanelo nya gutsayiswe.
16Wufumu wago litshina nya gululame gwago, kholu uwe khuwe Pfhumu ya vatshavbo,
u ngu tsetselela vatshavbo.
17U ngu yeyedza tshivba yago ga avo va si khodwigo khu wufumu wago,
u ngu tsayisa vathu va wutigo wufumu wago, aholu va wu kanyisa khu gwenye.
18Aholu uwe, Nungungulu nya Tshivba Yatshavbo,
u ngu lamula khu wuwadi,
u ngu hi fumela khu gutsetselela nya gukhongolo,
kholu gikhati gyatshavbo, wa gu dzina, u ngu dzi kodza gu thumisa tshivba yago.
19Khu magirelo yaya,
u hevbudzide vathu vago gukhuwe uye a lulamidego a na ni fanelo nya gugole vathu,
u ningide ga sanana sago gitumbo nya gyadi,
kholu, hwane nya sighoho sawe u ngu va ninga gikhati nya gu dzi laye.
20Olu valala va sanana sago,
va fanedego gu songwa, u va tsayisidego khu wuwadi ni wuhindzi,
u va ninga gikhati ni wulanga gasi va dzi laya, va vbindrugedza mavbanyelo, va hambana ni guvivba,
21khu wuhindzi nya wukhongolo ngudzu u na lamula sanana sago, esi
vavelegi vawe u va ningidego khu gusambanya, sidzumeledzwano ni situmbiso nya sadi ngudzu!
22Khu guralo, khu gufela gu hi hevbudza,
u ngu tsayisa valala vathu khu wuwadi,
gasi gu, gikhati hi lamulago, hi dundruge wuwadi wago,
hi lindrele wuhindzi wago gikhati hi lamudwago.
23 # Wona gambe: Eks 8:22; Dhet 7:25-26; 25:16. Khu kharato, a navo vale khu wupumbu, va vbanyidego muguvivbani,
u va giride va tshaniseka khu gunyenyeza gwawe.
24Kholu va dzi pengiside ngudzu, va bela khu dzindzila nya guphazame;
va khozela, kha nga vanungungulu, sirengo nya gunyenyeze,
va dzi diga va phazamiswa kha nga sanana nyambana mapimo.
25Khu guralo, kha nga sanana nyambana mapimo, u va ningide tsayiso nya gihegiso wu nga va thela dzitshoni.
26Aholu avo va nga bomba gu vbindrugedza khu gukawukwa gogo,
va manide tsayiso nya yadi ya Nungungulu.
27Va di tshaniswa khu sivangwa sile va nga bani va gu si khozela kha nga vanungungulu;
va di pwiswa wuvi khiso, va goroga,
va muti kha nga Nungungulu nya lisine,
wule gale va nga bani va gu bomba gu mu khozela kha nga Nungungulu.
Khu guralo, va di konwa, va gu tshaniswa khu tsayiso nya guvbindrise.
Currently Selected:
Guti 12: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.