Guti 11
11
Guhingigedzela sihevbudzo nya Guduge khu Egipito
(Guti 11:1—19:21)
1 # Wona gambe: Dhet 18:15-18; 34:10. Khu mandzani ya moyo nya muprofeti nya guage, guti gu andriside mithumo yaye.
2Va di tsemakanya giwula nyamba khala muthu, gambe va tsitside mitshatsha yawe malangani nya giwula.
3Va di dwana khu gutiya ni avo va nga bani va gu va dhumela, va di va liginya.
4 # Wona gambe: Eks 7:14-21. Va dipwa lidora, va gu lomba, Uwe u va ninga mati khu mugiwindrini nya gutiye;
khu giwindrini nya gutiye gu dugide rendre nya gutshime lidora.
Tsayiso wa Vagipiti
5Sile si nga thumiswago gu tsayisa valala vawe,
khiso va ningidwego avo, gasi gu phasega khiso vbakari nya sigaradzo!
6Wulangani nya mati nya tsongo nya khongolo, ma vhilugisidwego khu maraga nya novba,
7u nga tsayisago khayo vale va nga ruma gu songetela sanana nya sikhwathana, u va ningide mati nya mangi nyamba ma lindrela.
8Khavbo nya lidora li va tshanisidego, u va nonedzide gulemela nya
tsayiso u nga tsayisago khuwo valala vawe.
9Khu guralo, gikhati va lingidwego ni gu kawukwa khu lihaladzo,
va di tugudziswa idzo va nga tshanisekago khidzo va nya guvivbedwa khu myonyo,
va nga lamudwa khu likhulo.
10Kholu avo u va lingide kha nga babe a layago;
aholu, valala vawe u di va tsayisa kha nga mufumeli nya gigaha a tsayisago khu tshivba.
11Vale va nga bani vari hwindzo mwendro ga avo va nga bani vari vbafuvbi;
vatshavbo va na mane tshanisa nya idzosaye.
12Gulemela nya wuvi wawe gu di bhanywa guvili,
va di lila ni gu dilela khu gu alakanya guvivba gu dugeledego gale.
13Gikhati va dzitidego gukhavo sitsayiso va nga si manago si reside giphaso ga vathu vago,
va di tugula gukhavo silo sesi sa guta khu mandzani ga Pfhumu Nungungulu.
14 # Wona gambe: Eks 2:1-10. Wule gale, a nga digwa ni gutseketsedwa,
khu guhegisa,
khade givangelo nya gusamadzise,
gikhati va ngapwago lidora nya guhambane ngudzu ni eli la va nya gululama.
15Mipimiso nya wupumbu ni guvivba ga Vagipiti, si va pengiside si va bedza gighohoni;
khu tsayiso nya mithumo yawe, va di kozela sirengwanana nyambana mapimo, dzinyoga ni sirengo nya gukhwirire khu lididi;
ni sirengo nyamba siza gilo,
Khu gufela gu va tsayisa, u di va rumela talo nya sirengo nya gunyenyeze,
16gasi va pime gukhavo muthu ni muthu a gu tsayiswa gukhedza khu guthisa nya gighoho gyaye.
17Gwa sa garadza gilo ga libogo lago nya tshivba,
li vangidego litigo latshavbo, nari gukhwatshi u di dzina gu va rumela dhudhudhu nya sikankanka ni dzinghala nya gigaha.
18Uwe nu dzi kodzide gu vanga simbe sirengo nyamba tidwa, nya limbe lifumbu nya liphya, nya gutale khu wurena;
sirengo si dusago malavbelavbe nya nilo khu dzithonvuni;
mwendro gu gamba mapfhi nya wutshi khu kanani;
mwendro gu dusa guketiga nya guthise khu mahoni.
19Sirengo soso, si di hadza gu mana tshivba, nasiri basi nya gudhumele ni gumbembisa vathu khu gu va hodza,
aholu si di hadza gu songa khu hwanga vatshavbo avo va si khedzisago.
20Ambari na guri mwalo esi, va di hadza gu songwa khu furugedzo moyo basi,
na va gu landreledwa khu wululamo, va phalalegiswa khu furugedzo nya tshivba yago.
Aholu, Uwe u vegedzede satshavbo gukhedza khu pimo ni tengo ni gulemela.
21Tshivba yago nya yingi, yomo gikhati gyatshavbo yi gu thumela;
khu mani a na dzi kodzago gu vhika tshivba nya libogo lago?
22Mbeli gwago, litigo latshavbo la gu vegwa vbagikalotunu
la gulemela idzosaye ni tshota nya mafu,
mwendro kha nga lidoto nya thondrwane li thegago dzimindrudzile mafuni.
23Aholu u ngu pwela wuhindzi vatshavbo,
kholu u ngu kodza satshavbo;
u ngu pfhuma maho gasi u si woni sihoso nya vathu,
khu gufela gukhuwe va dzi laya va vbindrugedza mavbanyelo.
24Kholu uwe u ngu gola silo satshavbo si guromo,
khu nyenyi ni gilo gimwegyo basi nya esi u si vangidego,
kholu nari gukhwatshi u di nyenyide gilo gimwegyo nya iso, gima wa sa si vanga.
25Gi di hadza gu manega kharini gilo u si ginigo uwe?
Gi di hadza gu simamisa kharini na giromo, nari gukhwatshi khwa nga gi vanga?
26Aholu u ngu tsetsa vatshavbo,
kholu vatshavbo va gu lumba uwe, Pfhumu Nungungulu, u golago womi.
Currently Selected:
Guti 11: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.