Guti 10
10
III. GUTI NDRANI NYA MATIMO YA VA NA ISRAYELI
(Guti 10—19)
Guti gu ngu gimbidzisa vanyapandre
1Khugo guti gu nga vegedza muthu nya guhegule, babe nya litigo,#10:1 Avba gu ganedwa khu Adhamu, muthu nya guhegule a nga vangwago khu Nungungulu a gu vegwa thembweni ga Hedheni. Wona Gen 1:27.
gikhati a vangidwego ekha; khugo gu nga mu vbulugisa ga gighoho gyaye;
2gu mu ningide tshivba nya gufumele silo satshavbo.
3Gikhati mwama moyo nya guvivbedwe khu monyo a hambanidego ni guti, likhuloni gwaye, a difa kholu a nga songa ndriyaye#10:3 Avba gu thudwa Kayimi, gyanana nya matiwula ga Adhamu, a nga songago ndriyaye Abheli khu lidiwo. Khuwo wughevenga nya guphele. Wona Gen 4:1-8.
4Gikhati ndrambi yi nga langaladzago mafu khu kotani gwaye,
guti gu di vbulugisa nyaluphye litigo,
khu gu khiledza muthu nya gululame ngalavani nya mapulango#10:4 Gu ganedwa khu Nowa a nga vbahago litaro, a nga vbanyela umo uye ni ngamo yaye ni mafumbu yatshavbo nya sirengo, mwama ni ngadzi, Gen 6:9-8:22.
5Khu hwane nya ugo, mayigo yatshavbo ma di patana gasi gu gira guvivba,
ma gumbembiswa khu kotani nya isoso. Guti gu diya hatha muthu nya gululame,#10:5 Khu Abrahama, gihathwa gya Nungungulu, babe wa vatshavbo va khodwago ga Nungungulu. Khu gukhodwa wonidwe nari muthu a lulamidego, a ningwa gitumbiso nya gukhale gikategiso ga mahundzu yatshavbo ya mafuni, Gen 17,1-22,19.
gu mu gira a simama nari mwalo gighoho mbeli ga Nungungulu;
gu mu ningide tshivba nya gupale gukhatala nya lihaladzo a nga bani nari nalo khu gyanana gyaye#10:5 Abrahama khu gukhodwa, a di dzumela gu songa gyanana gyaye a girela mhamba Nungungulu, Gen 22:1-19.
6Gikhati gu nga mbembiswago va nya guvivbedwa khu monyo, guti khugo gu nga vbulugisa muthu nya gululame,#10:6 Avba gu thudwa Loti tugulu wa Abrahama a nga vbulugiswago ni ngamu yaye khu guthavela hwindzo ni madhoropa ma nga mbembiswago Gen 19:1.
a nga bani a tutuma a thava nilo,
wu nga bani wu gu pfhungumula Livbandre Madhoropa.#10:6 Vambe valovi vari khavo “Pentapole khu gupwani Livbandre Madhoropa.
7Si ngu ninga wufakazai nya guvivbe gogo,
litigo li simamago gu tuviga ni gu khala giwula,
ni misimbo yi ningago mihandro yi gumba vidzwa;
kha nga gialakanyiso nya muthu nyamba khodwa, gi tshade githombe nya munyu na gi emide#10:7 avba gu thudwa mwangadzi wa Loti a nga yeyisa nayo khu gu thendregedza a khedzisa hwane, a gu dzegela gu banga a khala githombe nya munyu, Gen 19: 29.
8Kholu vale va nga nyenya guti,
kha va himbedzedwa basi guti wuwadi,
aholu va tshide gambe umo nya matimo wufakazi nya guhandruge gwawe, gasi sighoho sawe si si divadwi.
9Aholu, guti gu duside sigaradzoni avo va nga bani va gu thumela na va tumbegide.
10Khugo gu nga gimbidzisa khu ndzila nya gululame oyu a lulamidego,#10:10 Avba gu ganedwa khu Jakobe, gyanana gya Isaki, gikhati a nga thavelago ga kokwe waye Laboni, tigoni ga Harani, khu gu thava likhulo la ndriyaye Isawu. Gen 27:41-28:5.
gikhati a nga bani a thava likhulo la ndriyaye, gu mu nonedzide mufumo wa Nungungulu, bwelo khavbo
gu mu tulela guti silo nya guage;
Gu mu phaside, a dugelela mithumoni gwaye ni gu andrisa mihandro nya tshivba yaye.
11Guti gu mu vhikede ga vathu nya ligungo ni makolo va nga vbweta gu mu solola; gu mu giride a mana dzithomba.#10:11 Vathu nya ligungo ni makolo: Gu thudwa Laboni kokwe wa Jakobe a nga vbweta gu mu kalavela khu gu mu thumisa mahala myaga nya gulaphe, gasi gu mu ninga vanyamahegyane vaye va khala vagadzi vaye.
12 # Wona gambe: Gen 32:25,31; Hos 12:4-6; 1 Thim 4:8. Guti gu mu fenengedzide a si manwi khu valala vaye,
gu mu vhikede ga vale va nga bani va gu regera magana nya gu mu dembele,
gu mu ningide gupala ga nyimbi nya guthise,
gasi gu mu hevbudza gukhuye gukhodwa ni githawo ga Nungungulu gu na ni tshivba guvbindra satshavbo.
13Gikhati muthu nya gululame a rengisidwego,#10:13 Avba gu thudwa Josefa, gyanana gya Jakobe ni Rakeli, a nga rengiswa khu vandriyaye khu kotani nya lidiwo, Gen 37: 12-36. guti kha gwa mu diga ekha,
aholu gu di mu vhikela gasi a si thegi mugighohoni.
14Kha gwa mu diga, gu di relela naye phalani, gu mu bangaladza gikhati a nga khothedwago pasoni a gu thedwa dzingomondro, kala gu mu pharisa mandzani ndronga nya mufumo
ni tshivba nya gufumele vbatshani ga vatshanisi vaye.
Gu wonegiside malipha ya vasingedzi vaye, gu wuya gu mu ninga wuzundzo kala gupindruga.
Mosi ni Israyeli va di gimbidziswa khu guti
15Guti khugo gu ningidego gutshulega vathu nya gukatege,
lihundzu nyambana guvivba, ga litigo nya vatshanisi.
16 # Wona gambe: Eks 7:1-12; Dzind 135:9-10. Gu di bela hefemuloni ga githumi gya Nungungulu,
gu dwana ni vafumeli nya tshivba khu sikombiso nya siliwugiso.
17Guti gu ningide va nya gululama tshatshazelo nya mithumo yawe,
gu va gimbidzisa khu ndzila nya gutale khu siliwugiso.
Vbakari nya mihani, gu di khala ugo mutsa nya gu va vhikele, ni vbakari nya wutshigu, gu di va ninga wenengedzo nya dzinyeledzi.
18Gu va tshatugiside Yiphwa nya Gufuvile, gu va vbindrisa khu matini nya guete.
19Aholu, gu dzamiside valala vawe guetani nya nondrwa nya guthise, khu hwane, gu dusa vbavbandze sirumbi sawe.
20Gu diga nya ugo, va nya gululama va di phanga va nya guvivbedwe khu myonyo.
Khu kharato, va giride buzo, va rungudza lina lago nya guage, Pfhumu Nungungulu;
va patanide vatshavbo khu gumogo va bonga mandza yago nya guvhikele.
21Khu lisine, guti gu tude likana sidudu,
gu tshude lidimi nya sanana si kodza gu ganela khu wugengeli.
Currently Selected:
Guti 10: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.