Dzindzimo 146
146
Ndzimo nya gudhumise Nungungulu muvbanyisi
A na dhumiswe Pfhumu Nungungulu!
1Aleluya!
Dhumisani Pfhumu Nungungulu!
Uwe hefemulo wangu, dhumisa Pfhumu Nungungulu!
2Nyi na rungudza Pfhumu Nungungulu matshigu yatshavbo nya guvbanye gwangu;
gikhati gyatshavbo nyi na vbanyago nyi na embelela
dzindzimo nya wuzundzo ga Nungungulu wangu.
3Mu nga tumbini vafumeli mwendro sanana nya vathu,
va gu mwalo tshivba nya gu mi vbanyise.
4Wa gu vbindra hefemulo wawe, va gu wuya va khala kudzudzwane;
ga ilo litshigu, ma gu hegisa guralo makungo yawe yatshavbo.
5Kategide uye a manago giphaso ga Nungungulu wa Jakobe,
uye a vegago gitumbo ga Pfhumu Nungungulu waye
6 # Wona gambe: Mith 4:24; 14:15. a nga vanga ndzadzi, mafu ni linene,
ni satshavbo si guromo umo,
a tumbegidego gikhati gyatshavbo;
7Uye a lamulelago avo va saniswago,
a ningago guhodza avo va gu ni ndzala.
Pfhumu Nungungulu a ngu tshula avo va khothedwego.
8 Pfhumu Nungungulu a ngu tula maho sikhumu,
a gu wusa avo va vbelago tshivba;
Uye a ngu gola vale va lulamidego.
9 Pfhumu Nungungulu a ngu emela valuveli;
a ngu tangadzisa dzikhulungu ni dzinoni,
gambe a ngu segela dzindzila va nya guvivba.
10 Pfhumu Nungungulu a na fuma kala gupindruga;
Nungungulu wago uwe Siyoni,
a na fuma mimela yatshavbo kala gupindruga.
Aleluya!
A na dhumiswe Pfhumu Nungungulu!
Currently Selected:
Dzindzimo 146: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
