Dzindzimo 142
142
Nombelo nya muthu a saniswago
(1 Samuweli 22:1; 24:3)
Ndzimo nya sileletelo sa Dhavhidhe. Nombelo a nga gira na sihade phagoni
1Nyi ngu khusa lito nyi womba huwa ga Pfhumu Nungungulu;
nyi ngu lombelela ga Pfhumu Nungungulu.
2Nyi ngu vega sigaradzo sangu mbeli gwaye,
nyi mu bikela gusaniseka gwangu.
3Avbo nyi vbelago tshivba,
uwe u ngu giti igyo nyi yelago gu gira.
Ndzilani nyi gimbilago,
va dembide milaphwi va nyi riya.
4Khedzisa gwadi maphuvbo yatshavbo,
mwalo a thelago kota khu eni,
kholu nyi mwalo wulanga nya guthavele avbo.
5Nyi di rana uwe Pfhumu Nungungulu, kheni:
“Uwe khuwe wuthavelo wangu;
khuwe thomba yangu tigoni nya vathu va vbanyago.
6Yingisa gulila gwangu, nyi mwalo gambe tshivba;
nyi vbulugise ga avo va nyi tshanisago,
kholu va ngu nyi pala khu tshivba.
7Nyi duse pasoni momu, gasi nyi rungudze lina lago;
nyi na randredwa khu vathu nya gululame,
wa gu nyi ninga makategwa.”
Currently Selected:
Dzindzimo 142: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
