Dzindzimo 141
141
Gulomba gu vhikedwa guvivbani
Ndzimo ya Dhavhidhe
1 Pfhumu Nungungulu, nyi ngu gu rana,
yingisa lito langu nya gu gu rana.
2 # Wona gambe: Gutu 5:8. Nombelo wangu wu na gwele kha nga libani li vbiswago mbeli gwago,
mandza yangu ma na khugege iyo gwago kha nga phaso nya silambo.
3 Pfhumu Nungungulu vega muwoneleli nya likana langu
a khedzisela nyangwa nya likana langu.
4U nga digi monyo wangu wu dogorela guvivba;
nyi nga hengeli ni va nya guvivba mithumoni gwawe,
mwendro gu hodza navo mibuzo yawe.
5Nya gu tsayiswa khu muthu nya gululame,
nya gu wona nari gwadi ga eni,
a gu nyi kawuka, gu na gira nga mafura nya gunungele gwadi,
nyi thedwago hungoni gwangu.
Aholu gima kha nya dzumela gu zundzwa khavo va girago guvivba,
kholu kha nyi garali khu gu lombelela
nyi dwana ni mithumo yawe nya guvivbe.
6Vafumeli vawe va gu rinywa wulanga nya siwindri
va thega vbavbatshi,
khavbo vathu va na pimago gukhavo magana yangu khya lisine.
7Marambo yawe ma na phalalega nyangwani nya lithowo,
gu fanana ni mafu nya gulimwe ma wusedwa.
8Aholu eni nyi nga gu simama gu tumba uwe, Pfhumu Nungungulu;
nyi ngu thavela avbo gwago, u nga nyi digi.
9Nyi vbulugise ga mazinga va nyi dembedego,
ni milaphwi ya vathu nya guvivbe.
10Va nya guvivba va na modwe khu milaphwi va dembidego vabune,
gasi eni nyi na vbuluge nyi simama ndzilani gwangu.
Currently Selected:
Dzindzimo 141: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
