Dzindzimo 140
140
Gulomba gu vhikedwa ga nala
Ga muthangeli nya tsawa nya vaembeleli. Ndzimo ya Dhavhidhe
1 Pfhumu Nungungulu nyi vbulugise ga vathu nya guvivbe,
nyi vhikele ga vathu nya sighevenga;
2avo va gu kho va alakanyela guvivba monyoni gwawe;
matshigu yatshavbo va gu tshangana va wusa mayunga.
3 # Wona gambe: Rom 3:13. Va gu lodza malimi yawe gukhwatshi dzinyoga,
magana yawe kha nga wuhungu nya mamba.
4Nyi vhikele Pfhumu Nungungulu mandzani ya va nya guvivba;
nyi vhikele ga vathu nya sighevenga,
va lugago makungo nya gu nyi these vbavbatshi.
5Va nya matshandza va dembide mazinga va nyi riya,
va riyide ligoga ndzilani gwangu,
va dembide dzingodzi gasi gu nyi mola khidzo.
6Eni nyi di ganela ga Pfhumu Nungungulu, kheni:
“Uwe khuwe Nungungulu wangu;
yingisa huwa nya gulile gwangu.”
7Uwe Pfhumu Nungungulu wangu, muvhikeli wangu nya tshivba,
u nyi vhikede u nyi emela litshigu nya litunga.
8 Pfhumu Nungungulu, u nga ningi va nya guvivba esi va si vbwetago;
u nga dzumeli gukhuwe makungo yawe nya guvivbe maye mbeli,
gasi va si ghiyi.
9U nga ningi tshivba valala vangu, va nyi pala
magana nya guvivbe va nyi valago khayo,
ma na va thegele mihungoni gwawe.
10Magala nya gungangamele, ma na thegele vbatshani gwawe;
va na rinywe niloni ni phalani nya guete nyamba duga gambe.
11Vathu nya malipha va na fuve mafuni,
muthu nya dzihanyi a na thegedwe khu libango kala li mu mbembisa.
12 Pfhumu Nungungulu, nyi ngu dziti gukheni u ngu lamulela gisiwana,
u ngu lulamisa mahungu ya ava va hamugago.
13Khu guralo, vathu nya gululame, va na rungudza lina lago,
vathu nya lisine, va na vbanya mbeli gwago.
Currently Selected:
Dzindzimo 140: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
