Dhewuteronome 34
34
Gufa ga Mosi
1Mosi a di khuga khu mapanini ga Mowabhi a gwela gigomoni ga Nebhu, tshokhatunu nya gigomo gya Pisiga, gi nga khedzanago ni Jeriko. Pfhumu Nungungulu a di mu yeyedza litigo latshavbo, gukhugela Gileyadhi kala Dhani, 2ni litigo latshavbo la na Nafitali, la na Efrayimi ni la na Manasi, ni la na Judha watshavbo kala phwani ga Pfoladambo, 3ni la Negebhi, lipani nya kova wa Jeriko, lidhoropa nya migindru, kala Zowari. 4#Wona gambe: Gen 12:7. Pfhumu Nungungulu a di mu embela, khuye: “Eli khilo litigo nyi sambanyidego gu ninga Abrahama, ni Jakobe. Nyi na li ningela ga livelego laye. Uwe u li wone khu maho yago, aholu khu na nga ya bela umo.”
5Mosi, githumi gya Nungungulu, a difa avbo vbale, tigoni gwa Mowabhi kha nga idzo a ganedego khidzo Pfhumu Nungungulu. 6A mu dzingide tigoni ga Mowabhi, kovani, wu khedzanago ni Bheti-Peyori, aholu kala na muhuno mwalo a litigo lithowo laye. 7Mosi fude nari lizana ni magumavili (120) myaga; aholu maho yaye gima kha ma nga vbela tshivba ni tshivba yaye kha ya nga vbunguga gilo. 8Va na Israyeli va di lila Mosi, mapanini gwa Mowabhi magumararu matshigu kala va enedza matshigu nya gililo gyaye.
9Josuwa, mwamana wa Nuni, a di tala khu liphuvbo nya guti, kholu Mosi a di mu handzegide mandza; va na Israyeli va di mu yingela va landrisa kha nga idzo Pfhumu Nungungulu a nga bani a leletede khidzo Mosi.
10 # Wona gambe: Eks 33:11. Tigoni gwa Israyeli gima kha ga nga dugelela gambe mumbe muprofeti nya gufanane ni Mosi oyu a nga wonanago ni Nungungulu khovbe ni khovbe, 11ambari khu satshavbo siwoniso ni sisamadziso ni siliwugiso esi Pfhumu Nungungulu a nga mu rumago guya gira mbeli ga Faro, tigoni ga Egipito ni mbeli ga vathu vaye vatshavbo ni tigoni gwaye gwatshavbo; 12ni tshivba yaye nya yikhongolo, ni mithumo yaye yatshavbo nya gusamadzise, eyi Mosi a yi giridego mahoni ga vatshavbo va na Israyeli.
Currently Selected:
Dhewuteronome 34: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
