Lucas 11
11
Tayta Diosta mañakunantsikpä Jesús yachatsikunqan
Mateo 6.9-15; 7.7-11
1Juk kutichönam Tayta Diosta Jesús mañakuykarqan. Mañakuyta ushaskiptinnam juk discïpulun Jesústa nirqan: <<Taytay, discïpulunkunata Juan#11.1 Juanpä parlarqa Bautizaq Juanpämi nirqan. yachatsinqannö noqakunatapis Tayta Diosta mañakuyänäpä yachaykatsiyämay>>.
2Jesúsnam nirqan: <<Tayta Diosta mañakur niyanki:
<<[Ciëluchö kaykaq] Papä,
jutiki respitashqa katsun.
Kay patsachö mandaq kanaykipä shamuykullay.
[Ciëluchö cäsuyäshunqaykinö kay patsachöpis cäsuykuyälläshuy.]
3Cada junaqpä mikuylläkuna ama faltaykutsuntsu.
4Chikimaqnïkunata perdonayanqänö noqakunatapis perdonaykayällämay.
Ama jutsa rurayman dëjaykayällämaytsu.
[Tsaypa rantinqa mana allikunapita tsapaykayällämay]>>.
5Mastam Jesús nirqan: <<Juk runash pullan paqas amïgunpa wayinman aywar ninä: <Amïgu, kimsa tantaykita prestaykamay. 6Juk amïgümi wayïman patsakamushqa. Imäpis manam kantsu qaranäpä>. 7Tsaynö mañakuptinshi amïgun ninä: <¿Imanirtä kay hörarä shamunki? Punküpis trancashqanam y wamräkunapis punuykäyannam. Kay höraqa manam atiendiyta puëdïtsu>.
8<<Noqam nï: Amïgun kanqanta reqiykar shärimuyta mana munaykarpis yaparir yaparir takakuptinqa alistapanqam. 9Tsaymi qamkunata nï: Mañakuyaptikiqa Tayta Dios qarayäshunkim. Ashirqa tariyankim. Punkuta takakuyaptikiqa kichapuyäshunkim. 10Mañakuq kaqqa chaskinmi. Ashiq kaqqa tarinmi.#Deut. 4.29; 2Crón. 15.2-4; Jer. 29.13. Punkuta takakuq kaqtaqa kichapunmi.
11<<Mayqaykitapis wamraykikuna [tantata mañakuyäshuptiki ¿rumitatsurä aptaparkuyankiman?] Pescäduta mañakuyäshuptiki ¿culebratatsurä qarayankiman? 12Runtuta mañakuyäshuptiki ¿atuq kurutatsurä qarayankiman? 13Qamkuna mana alli ruraq karpis wamraykikunata alli kaqllata qaraykäyaptikiqa ¿manatsurä ciëluchö kaykaq Papänikipis mañakuq kaqtaqa Espíritu Santuta qaranqa?>>
Jesúspa contran parlayanqan
Mateo 12.22-30; Marcos 3.20-27
14Juk kutinam mana parlaq runapita supayta Jesús qarqurqan. Supay yarquskiptinnam tsay runa parlar qallaykurqan. Tsayta rikaykurmi runakuna espantakuyarqan. 15Peru wakin runakunam niyarqan: <<Kay runaqa supaykunapa mandaqnin Beelzebúpa poderninwanmi supaykunata qarqun>>.
16Wakinnam manakaqman churayta munar Jesústa niyarqan: <<Taytay, Tayta Dios rasunpa mandamushunqaykita musyayänäpä ima milagrutapis ruramuy>>.
17Paykuna mana allita yarpäyanqanta musyarmi Jesús nirqan: <<Juk nacionchö runakuna kikinkunapura chikinakurqa ¿manatsurä wanutsinakur ushakäyanman? Tsaynöllam juk wayichö täraqkuna chikinakurqa ¿manatsurä wakpa kaypa aywakur ushakäyanman? 18Tsaynöllam kikinpa contran shäriptinqa Satanáspa mandakuyninpis ushakanqa. Tsaynö nï Beelzebúpa poderninwan supaykunata qarqunqäta niyaptikim.
19<<Beelzebúpa poderninwan supaykunata qarquptïqa ¿pipa poderninwantä discïpuluykikunaqa supaykunata qarquyan? Diospa poderninwan supaykunata qarquyanqanta tantiyaykarqa ¿imanirtä tantiyayankitsu noqapis Diospa poderninwan qarqunqäta? 20Diospa poderninwan supaykunata qarquptïmi Tayta Diospa mandakuynin qamkunaman chämunqanta musyayanki.
21<<Kallpayuq runa armanwan wayinta täpaykaptinqa manam pipis imantapis suwanmantsu.#11.21 Alli armashqa kallpayuq runatam Satanásman iwalatsin. Wayintanam poderninchö tsararanqan runakunaman iwalatsin. 22Peru paypita mas kallpayuq runa chaykurmi sïqa armanman yärakuykaptinpis vinciskir qechunqa. Tsaypitam imaykankunatapis apar rakipänakuyanqa.#11.22 Mas puëdiq runaqa Jesúsmi kaykan.
23<<Pipis favornï mana karqa conträmi kaykan. Noqawan mana qorimuq kaqqa qarqunmi.#11.23 Tsaynö parlarqa Jesús nirqan: Runakuna Diospa mandakuyninchö kawayänanpä noqawan mana qoriq kaqqa tsapatam churapaykan.
Runaman supay kutinqan
Mateo 12.43-45
24<<Runapita supay yarqurmi maychöpis tänanpä ashir tsunyaq jirkakunapa purin. Mana tarirnam nin: <Yarqamunqä wayïman kutishä>. 25Kutiykurnam pitsapakushqa y churapakushqa jäkuykaqtana tarin. 26Tsaynöta tariykurmi supay mayinkunaman aywar paypita mas mana alli qanchis supaykunata pushakurkur tsay täranqanman kutin. Tsaymi ñöpata kanqanpitapis mas peorrä tsay runa tikran>>.
Diosta cäsukuqkuna kushishqa kawayänanpä Jesús ninqan
27Jesús tsaynö parlaykaptinnam runakunapa chawpinpita juk warmi nimurqan: <<¡Ima kushishqarä wachashuqniki y chuchushuqniki mamayki!>>
28Tsaynö niptinnam Jesús nirqan: <<Tayta Diospa palabranta wiyar cäsukuqkunam paypita masrä kushishqa kaykäyan>>.
Milagrutarä Jesús rurananta munayanqan
Mateo 12.38-42; Marcos 8.12
29Tsaytsika runakuna qorikäyaptinmi Jesús nirqan: <<Kanan witsan runakunaqa mana cäsukuqmi kaykäyan. Milagruta ruranäta munayaptinpis manam ima milagrutapis rurashätsu. Tsaypa rantinqa profëta Jonásta salvar milagruta ruranqannömi Tayta Dios juk milagruta ruranqa. 30Imanömi Nínive runakuna Jonásta chaskiyänanpä Tayta Dios milagruta rurarqan, tsaynöllam kanan witsan runakuna Runapa Tsurinta chaskiyänanpäpis milagruta ruranqa.
31<<Salomón yachatsinqanta wiyananpämi mandaq reinapis sur kaq lädu karu nacionpita shamurqan.#1Rey. 10.1-10; 2Crón. 9.1-12. Peru kananqa Salomónpita mas yachaq kaqmi willaykäyäshunki.#11.31 Salomónpita mas yachaq kaqpä parlarqa kikinpämi Jesucristo parlarqan. Tsaymi juiciu finalchö tsay reina shärimur kanan tiempu runakunata shimpinqa.
32<<Jonás willakunqanta cäsurmi Nínive runakuna jutsankunata dëjayarqan.#Jon. 3.5. Peru kananqa Jonáspita mas poderyuq kaqmi willaykäyäshunki.#11.30-32 Runapa Tsurinpä parlar y Jonáspita mas poderyuq kaqpä parlarqa kikinpämi Jesucristo parlarqan. Tsaymi juiciu finalchö Nínive runakuna shärimur kanan tiempu runakunata shimpiyanqa>>.
Alli yarpayyuq kaqkuna Jesústa chaskiyanqan
Mateo 5.15; 6.22-23
33<<Manam pipis aktsita tsariskatsir pakapanman ni manka rurinman churantsu, sinöqa wayiman yaykuqkuna rikayänanpämi alayriman churan.#11.33 Aktsita rikananman churanqanta parlarqa runakuna tantiyayänanpä yachatsinqantam Jesucristo parlarqan. 34Ñawikikunam shonquykipä aktsinö. Tsaymi ñawikikuna alli kaptinqa shonquykipis aktsichö kaykan. Peru ñawikikuna mana alli kaptinmi sïqa paqaschö kayanki.#11.34 Tsaynö parlarqa Jesucristo nirqan: Alli yarpayyuq karqa aktsichönö kaykar Tayta Dios mandamanqanta tantiyayankim. Mana alli yarpayyuq karmi sïqa mana tantiyar pasaypa tsakäpakushqanö kaykäyanki.
35<<¡Cuidädu kayay! Aktsichö kayanqaykita yarparpis tsakaychötä kayankiman. 36Ichikllapis shonquykikunachö tsakay ama katsuntsu. Shonquykikunachö atsikyaylla kaptinqa llapan rurayanqaykipis runakunapä allim kanqa. Aktsi atsikyaqnömi qamkunapis alli kawayanki>>.
Fariseukunata y ley yachatsikuqkunata Jesús ollqutupanqan
Mateo 23.1-36; Marcos 12.38-40; Lucas 20.45-47
37Jesús parlayta ushaskiptinnam juk fariseo runa wayinchö mikuyänanpä pusharqan. Chaykurnam mësaman Jesús jamakurqan. 38Fariseukunapa üsunkuna kanqannö mikunanpä makinta Jesús mana awikuqta rikarmi pushaq fariseo yarpachakurqan.
39Jesúsnam nirqan: <<Fariseukuna, qamkunaqa janallanpa awishqa pucillunö y matinömi kaykäyanki. Tsay plätukuna rurinchö qanra kanqannömi qamkunapis shonquykikunachö suwakuyänaykipä y mana allita rurayänaykipä yarpaykäyanki. 40¡Mana tantiyakuq runakuna! ¿Manaku musyayanki Tayta Dioslla cuerpuykikunata kamar shonquykikunatapis kamanqanta? 41Pobrikunata kuyapar imallawanpis yanapayay. Tsaynö yanapayaptikiqa shonquykikunapis limpium kanqa.
42<<¡Allaw, fariseukuna! Qamkunaqa mentapita, rüdapita y wakin jachapita diezmuta rakiykarpis manam runa mayikikunata kuyapäyankitsu ni Tayta Diostapis manam kuyayankitsu. Diezmupä rakir cumpliyanqaykinö runa mayikikunata y Tayta Diostapis kuyayankiman.
43<<¡Allaw, fariseukuna! Qamkunaqa sinagögachö punta bancakunamanrämi jamakuyta munayanki. Pläzakunachöpis saludar respitayäshunaykitam munayanki.
44<<¡Allaw, [allish tukuq fariseukuna y ley yachatsikuqkuna]! Qamkunaqa mana rikakaq sepultüranömi kaykäyanki. Mana rikakaq sepultüra jananpa pipis purir rurinchö melanaypä kanqanta mana musyanqannömi runakuna musyayantsu shonquykikunachö mana alli yarpaykuna kanqanta>>.
45Jesús tsaynö niptinmi ley yachatsikuq runa nirqan: <<Rabí, tsaynö nirqa noqakunatapis wiyaykätsiyämankim>>.
46Jesúsnam nirqan: <<¡Allaw qamkunapis, ley yachatsikuqkuna! Qamkunaqa mana puëdiyanqanyaq qepita aparitsiqnömi runakuna atska leykunata cumpliyänanpä mandayanki. Tsaynö kaptinpis cumpliyänanpä manam ichikllapis yanapayankitsu.
47<<¡Allaw, qamkuna! Unay castaykikuna wanutsiyanqan profëtakuna pamparaykäyanqan jananchömi nïchunkunata ruraykäyanki. 48Tsaynö rurarqa <allichömi wanuyashqa> niqnömi kaykäyanki.
49<<Tsaymi Tayta Dios yachaq kayninwan nirqan: <Paykunamanmi profëtakunata y apostolkunata mandamushä. Paykunatam wakinta wanutsiyanqa y wakin kaqtanam mana alli ruraqtanö qatikachäyanqa>. 50Kay patsata kamanqanpita profëtakunata wanutsiyanqanpitam kanan witsan runakunata Tayta Dios juzganqa. 51Abelta#Gén. 4.8. wanutsinqanpita hasta Zacaríasta#2Crón. 24.20-21. templu punkuchö wanutsinqanyaqmi Diospa profëtankunata wanutsiyarqan. Noqam nï: Tsay wanutsiq runakunatanömi kanan witsan Israel runakunata Tayta Dios juzganqa.
52<<¡Allaw, ley yachatsikuqkuna! Wayiman pipis mana yaykuyänanpä llävita tsararaqnömi Tayta Diospa willakuyninta mana chaskiyänanpä runakunata michaykäyanki. Tsaynöllam kikikikunapis chaskiykäyankitsu>>.
53Parlayta ushaskir Jesús aywakuptinmi ley yachatsikuqkuna y fariseukuna pasaypa rabyayarqan. Tsaymi qatipaykur aja kaqkunata tapuyarqan 54llutanta parlaptin shimpiyänanpä.
Currently Selected:
Lucas 11: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.