Efesios 1
1
Apóstol Pablo saludakunqan
1Éfeso#Hech. 18.19-21; 19.1. markachö kaykaq salvashqa kaqkuna:
Noqa Pablo, Jesucristupa apostolnin kanäpä Tayta Dios akramashqa kaptinmi qamkunaman kay cartata cartakamü. Jesucristo munanqannö kawarmi Tayta Diospana kaykäyanki. 2Papänintsik Tayta Dios y Señor Jesucristo kuyapäyäshurniki alli kawayänaykipä yanapaykuyälläshuy.
Tayta Diosta agradëcikunqan
3¡Señor Jesucristupa Papänin Tayta Dios alabashqa kaykullätsun! Jesucristuchö kashqam gloriachö kaykaq imaykaläya bendicionninkunata qaramarquntsik. 4Kay patsata manarä kamarmi Jesucristuman Tayta Dios churamarnintsik paypa puntanchö jutsaynaq y santu kanantsikpä akramarquntsik. 5Kuyamarnintsikmi kikin munanqannö destinamarqantsik Jesucristo raykur wamran kanantsikpä. 6Kuyay Tsurin raykur kuyakuq kayninwan destinamanqantsikpitam imaypis payta alabashun.
7Kuyapäkuq karmi Tsurinpa yawarninwan rantimarnintsik llapan jutsantsikpita perdonamarquntsik.#Mar. 10.45; 14.24; Heb. 9.12-14; Col. 1.14. 8Pasaypa kuyamarnintsik y yachayta qaramarnintsikmi 9runakuna mana musyayanqanta Tayta Dios musyatsimarquntsik. 10Tsaymi musyatsimarquntsik ciëluchö kaqkunata y kay patsachö kaqkunatapis pay destinanqan junaq Jesucristupa poderninman llapanta churananpä kanqanta.
11Kikin yarpanqannö llapantapis ruraq karmi noqantsiktapis Jesucristuchö kashqa Tayta Dios destinamarquntsik herenciata#Col. 1.12; 3.24; Tito 3.7; Heb. 10.34; 1Ped. 1.4. chaskir salvashqa kanantsikpä. 12Paymi permitishqa Israel runakuna Jesucristuman puntata yärakur payta alabayänanpä. 13Qamkunapis alli willakuyninta wiyarmi Jesucristuman yärakur salvakuyarquyki. Tsaynöpam awninqan Espíritu Santuwan#Luc. 24.49; Juan 14.26; 16.13-15; Hech. 1.4; 2.33. Tayta Dios shonquykikunata sëllayäshurquyki.#2Cor. 1.22; Efe. 4.30. 14Espíritu Santuta qaramarnintsikmi Tayta Dios musyatsimantsik herenciantsikta qaramänantsikpä kanqanta y wamran kanantsikpä rantimanqantsikta. Tsaynö salvamanqantsikpitam imaypis payta alabashun.
Wawqikunapä y panikunapä Tayta Diosta mañakunqan
15Tsaymi Señor Jesucristuman shumaq yärakur wawqikunawan y panikunawan kuyanakuyanqaykita musyar 16Tayta Diosta qamkunapä mañakur imaypis agradëcikü. 17Tsaynöllam Señornintsik Jesucristupa Papänin poderösu Tayta Diosta mañakü Espíritu Santuwan tantiyatsiyäshuptiki payta reqiyänaykipä. 18Shonquykikunachö tsaynö tantiyatsishuptikim musyayanki Tayta Dios qayashurniki imapä salvayäshunqaykita, pasaypa alli herenciata chaskiyanqaykita#Éxo. 34.9; Deut. 9.26, 29; 32.9; 1Rey. 8.53; Sal. 74.2; 135.4; Isa. 19.25; Jer. 10.16; 51.19. 19y payman yärakuqkunata poderninwan shumaq yanapanqanta. 20Tsay poderninwanmi Jesucristuta wanunqanpita kawaskatsimur gloriachö derëcha kaq lädunman jamatsishqa.#Sal. 110.1. 21Tsaynöpam Jesucristuta Tayta Dios churashqa kay vïdachö y washa vïdachöpis poderyuq kananpä. Tsaymi angelkunapita, supaykunapita y pïmaypitapis mas poderösu kaykan.
22Tsaynö poderösu kaptinmi llapan imaykatapis paypa poderninman Tayta Dios churashqa.#Sal. 8.6. Iglesiata kuyarmi payta churashqa llapanpapis mandaqnin kar uman kananpä. 23Noqantsiknam iglesian kar cuerpun kaykantsik.#Col. 1.18, 24. Tsaymi pay munanqannö kawanantsikpä imaypis yanapaykämantsik. Paypa poderninchömi llapan imaykapis kaykan.
Currently Selected:
Efesios 1: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.