2 Juan 1
1
Apóstol Juan saludanqan
1Tayta Dios akranqan warmi y wamrankuna:#1.1 Tayta Dios akranqan warmi nirqa juk markachö iglesiapämi nin. Wamrankuna nirqa tsay iglesiachö qorikaq wawqikuna y panikunapämi nin.
Mayor wawqi karmi kay cartata cartakamü. Llapan shonqüwanmi qamkunata kuyä. Manam noqallatsu kuyä, sinöqa Tayta Diospa willakuyninta wakin chaskikuqkunapis kuyayäshunkim. 2Qamkunata kuyayä Tayta Diospa willakuyninta noqakunanö chaskikushqa kayaptikim. Paypa willakuynintaqa manam imaypis qonqashuntsu. 3Tayta Dios y Tsurin Jesucristo kuyapäyäshurniki alli kawayänaykipä y alli willakuynin ninqannö kawar kuyanakuyänaykipä yanapaykuyälläshuy.
Kuyanakur kawanantsikpä ninqan
4Wakin wamraykikuna Tayta Diospa mandamientun ninqannö kawayanqanta rikarmi pasaypa kushikü.#1Juan 3.23; 3Juan 3. 5Tsaymi kanan qamta rugakü jukniki juknikipis kuyanakuyänaykipä. Kay mandamientuqa manam mushuqtsu, sinöqa unaypitanam musyarquntsik.#Juan 13.34; 15.12, 17. 6Rasunpa kuyakuq karqa Tayta Diospa mandamientunkunata cäsushun. Paypa mandamientunmi kuyanakunantsikpä nimantsik. Kuyanakunantsikpä kanqantaqa unaypitanam musyarquntsik.#Juan 14.15, 23-24; 1Juan 5.3.
Llutan yachatsikuqkuna puriyanqan
7Kay patsachö atskaqmi llutan yachatsikuqkuna puriykäyan. Paykunam niyan: <<Jesucristuqa manam rasunpa runatsu>>. Runakunata tsaynö criyitsirmi anticristo kayan.#1Juan 2.18; 4.1-3. 8Cuidädutä tsay runakuna qamkunatapis criyitsiyäshunkiman. Criyitsiyäshuptiki Jesucristupa willakuyninta chaskikuyanqaykipis wallällam kanqa. Peru paykunata mana chaskirmi sïqa gloriachö premiuta chaskiyanki.
9Pipis Jesucristupa willakuyninta qonqaykur llutan yachatsikuyman criyikurqa manam rasunpatsu Tayta Dioswan kaykan. Peru Jesucristupa willakuyninta mana jaqiqkunam sïqa Jesucristuwan y Tayta Dioswanpis rasunpa kaykäyan.#1Juan 2.22-23.
10Tsaynö kaykaptinqa llutan yachatsikuqkuna chäyämuptin ama chaskiyaytsu ni wayikikunamanpis patsatsiyaytsu. 11Llutan yachatsikuqkunata chaskirmi paykunapa cumpinchin kaykäyan.
Carta ushanan
12Maspis kanrämi yätsinäpä. Peru cartallachö manam qellqamushätsu. Kikï shamurnam mastaqa yätsishayki.#3Juan 13-14. Tsaychömi shumaq kushikushun.
13Tayta Dios akranqan ñañaykipa wamrankunapis#1.13 Tayta Dios akranqan ñañayki nirqa juk markachö iglesiapämi nin. Wamrankuna nirqa tsay iglesiachö qorikaq wawqikuna y panikunapämi nin. saludayämushunkim. [Amén.]
Currently Selected:
2 Juan 1: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.