1 Juan 1
1
1Qamkunamanmi Kawatsikuq Palabra imanö kanqanta#1.1 Kawatsikuq Palabraqa Jesucristum. qellqamü. Payqa imapis manarä kaptinmi karqanna.#Juan 1.1; 1Juan 2.13-14. Paytam rikayarqü, yatayarqü y wiyayarqü. 2Tsay Kawatsikuqta Tayta Dios mandamuptinmi payta rikayarqä.#Juan 1.14, 18. Tsaymi qamkunata willayä mana ushakaq kawayta qaramaqnintsik kanqanta. Paymi Tayta Dioswan kaykanqanpita noqantsikman shamushqa. 3Rikayanqäta y wiyayanqätam qamkunata musyatsiyä. Tsaynöpam Tayta Diospa y Tsurin Jesucristupa puntanchö kawayanqänö qamkunapis paypa puntanchö kawayanki. 4Tsaykunatam qellqamü kushishqa kawanantsikpä.
Jutsata mana ruraypa kawanantsikpä ninqan
5Jesucristo yachatsiyämanqallantam willayä: Tayta Diosqa aktsim. Paychöqa manam ima tsakaypis kantsu.#1.5 Tayta Dios aktsi kar paychö ima tsakaypis mana kanqanta nirqa jutsaynaq kanqantam nin. 6Tsaymi mayqantsikpis <<Tayta Dios munanqannömi kawaykä>> nikar tsakäpakushqanö purirqa llullakuykantsik. Tsaynö kawarqa manam rasunpatsu Tayta Dios munanqannö kawaykantsik. 7Tayta Dios atsikyaychö kanqannö noqantsikpis atsikyaychö kawarmi#1.7 Tayta Dios atsikyaychö kanqanta nirqa Tayta Dios rasun kaqllata ninqanta y jutsaynaq kanqantam nin. Noqantsikpis atsikyaychö kawanantsikpä nirqa Tayta Dios munanqannö kawanantsikpämi nin. juknintsik juknintsik kuyanakuntsik. Tsaynöllam Tsurin Jesucristo yawarninwan llapan jutsantsikta mayllamantsik.
8Mayqantsikpis <<jutsaynaqmi kä>> nirqa manam rasun kaqtatsu parlaykantsik, sinöqa llullakuykantsikmi. 9Jutsa ruranqantsikpita confesakushqam sïqa promitimanqantsikta cumplir Tayta Dios perdonamäshun. Payqa alli ruraq karmi llapan jutsantsikta mayllamäshun.
10<<Noqaqa jutsaynaqmi kä>> nirqa pay ninqankunata manakaqmanmi churaykantsik. Tsaynö karqa manarämi willakuyninta chaskikurquntsikrätsu.#Prov. 20.9.
Currently Selected:
1 Juan 1: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.