O TITUS 3
3
O Haranioka manyawa manga kalakuanga
1Nahidöaka o hohininga ani jemaat-jemaat mangoha-ngohaka hupaya önanga yotomoteke o tutuda-tutudaika deʼ yakokuaha o negara, deʼ ihi ngounu deʼ imasadia yodiai moi-moi o hali maoa-oa. 2Nätemo onangika hupaya uha hi ade-ade itotorou ekola imateke roributu de o nagonaö dika, duga-duga hupaya önanga manga jako yongamo-ngamoua. Kokiani önanga salalu manga jako manga hininga ibole-bole o nyawaika mata-mata. 3Hababu mahira ngoneö mahirete hobodo, hanïki o ngëkomo ihowo-howono deʼ hohi ngounua. Ngone imägilaongo hagala rupa o hininga itotorou deʼ o nahihu; deʼ ngone howango de nanga niati itotorou deʼ o hininga homa kogogono, de kahoma kokodohatika. 4Mä ma Jou Madutu, Wonahi hohalamati ngone wohimatoko ngoneino Ai dora deʼ Ai hininga maoa. 5Unanga wonahi halamati ngone, koigoungua karana ngone hodiaioka okianaga moi maoa-oa, duga-duga karana Unanga mahirete wonä dora ngone. Unanga wonahi halamati ngone madodagi de ma Jou Madutu ai Womaha, inahi döaka ngoneino o dodadi mahungi deʼ o ngango mahungi de mangëkomo ina ihoro ngone. 6Ma Jou Madutu wona doburaraha ai Womaha ngoneuku de mangëkomo o Yesus Kristus, nanga Koano Wonahi hohalamati, 7hupaya de o Yesus ai hayanga de Ai dora, ngone homateke oa-oa okali de ma Jou Madutu deʼ ngone hamäke o ngango madutu deʼ ikokakali ganga ngone höngano-nganono. 8O demo nënanga igoungu itiai.
Ngohi tomau ngona nohiduku o hali-o hali nënanga, hupaya hagala o nyawa iwi ngaku-ngaku ma Jou Madutuika i gou-goungu yousaha mangale yodiai o manarama maoa-oa deʼ iföfaidä mangale o nyawa mata-mata. 9Maʼ nomahi rehene ima teke roributu o demo maföfaidäua, o jarita kiaino nanga ahali, o ributu deʼ o gangamo mangale o agama matita. Mata-mata gënanga koiwa mafaidä deʼ koiwa mautumu. 10O nyawa yododiai o hababu o gitingaka o jemaat magoronaka, kokiani ngona nätaaëre nohigali mamoi mahinoto; iböto de gënanga uhali nimateke dodiawoli dede önanga. 11Ngona nohi öriki o nyawa hoko gënanga marupa manga kalakuanga itorou, deʼ hagala manga baradoha ihi nyata igoungu önanga yahowono.
O hidumutu-hidumutu mabobaha
12 #
Kis. 20:4; Ef. 6:21-22; Kol. 4:7-8; 2Tim. 4:12 Ipaha de ngohi tähuloko o Artemas ekola o Tikhikus ngonaika itaiti nomahi dailako de majapati laʼ naino ngohino o Nikopolisino, hababu ngohi ahi dungutu togögogere dokengoka madëkana o duma mäta maöraha. 13#Kis. 18:24; 1Kor. 16:12 Nohi dailako nagou-goungu mangale näriwo o Zenas, wosö sosawaro mangale o hukumu gënanga, deʼ o Apolos, hupaya önanga yakunu yoiki yosobo deʼ makuranga okia-kiaua. 14Hagala nanga nyawa kokiani imä dotoko yodiai o hali maoa-oa hupaya yakunu yäwëdono okia naga yapö päke-päke duru yopöparalu; uha hiädono önanga yowango mafaidä koiwa.
15O riadodoto mata-mata mima kokomoteke dede ngohi, ihi dingoto manga tabea ngonaika. Nohingahu mia tabea nanga dodiawoika homa teke o ngongaku moi.
Tanu ma Jou wahi barakati o Riadodoto mata-mata.
Tongomi mia horomati, o Paulus
Currently Selected:
O TITUS 3: TLB
Highlight
Copy
Compare
Share
Want to have your highlights saved across all your devices? Sign up or sign in
