O YEHEZKIEL 48
48
Yahikodoku o tonaka hagala o hoana manga hidogoronaka
1-7Maribatingi o tonaka o koremieuku idaduoka itatauroko o wange mahiwaroko, mulaenge o Ngöto i Kokorona mameta o Hetlon makotaika, o ngekomo howoha-wohama o Hamatika, o Hazar-Enan makota, hiädono maribatingika o Damsyik makota deʼ o Hamat makota mahidogorona. Hagala o hoana yanïkino nënanga moi-moi kiani yamake o hidoku moi o tonaka malua-luasino mahiribatingi o wange mahiwaroko dëyaiha madumutu o wange madumuniha hiädono o Ngöto i Kokoronaika, madatoro magoronaka hokä hoko nënanga o koremie deya il̄e hiädono o koreharail̄e:
O Dan
O Asyer
O Naftali
O Manasye
O Efraim
O Ruben
O Yehuda
O Daera ihitö tinga-tingakoka o berera gënanga matitioka
8O hidoku ituruino o tonakino gënanga kiani yodingaka mangale ihipake yodinga-dingakoka. Magurutu kiani o kilo ngimoi de hinoto de mahononga mabatingi o koremieuku deya il̄e hïdono o koreharail̄e. Hagala mabatingi o wange mahiwaroko deʼ o wange madumuniha kiani imatero magurutu deʼ hagala o hidoku ihidö döa-döaka o Israel manga hoanika. Ma Jou ai Tau aha ihigoko o hidokuoka gënanga.
9O hidoku moi o daeraino gënanga ihitinga-tingakoka mangale ma Jou, enagënanga o tonaka o batingi moi mahidoku matitioka, magurutu o kilo ngimoi dehinoto de mahononga de mangoata o kilo ngimoi. 10Mahidoku mahidogoronaino o tonaka gënanga aha ihigoko ma Jou Ai Tau. Hagala o imam kiani yamake o hidoku o daera itebi-tebinino gënanga. Toönanga manga hidoku enagënanga o kilo ngimoi deʼ hinoto de mahononga madateke o wange mahiwaroko deyaiha o wange madumuniha, de o kilo motoa madateke o koremieuku deyail̄e o koreharail̄e. 11O daera ihitö tinga-tingakoka gënanga aha idadi to imam-imam madutu o Zadok aidifauku. Onanga iwi leleanioka ma Jou deʼ manga setia deʼ hokä o Lewi manyawaua o hoana moi dede önanga imakinïki yodiai o baradoha kamamoi deʼ hagala o Israeloka manyawa mahomoa. 12Hababu gënanga o Zadok aidifaukuika kiani nia hidöaka o tonaka itotinga-tingakoka o tonaka madatekoka aha yahi dö döa-döaka o Lewi manyawaika. De o tonaka itö tinga-tingakoka gënanga duru itebini. 13Hagala o Lewi manyawa manga tonaka gënanga magurutu o kilo ngimoi de hinoto de mahononga o wange mahiwaroko deyaiha o wange madumuniha, deʼ mangoata o kilo motoa o koremieuku deyail̄e o koreharail̄e deʼ magogere imateroino de o imam-imam manga tonaka. 14Kao buhänga moiö o tonaka gënanga yakunua önanga yahukunu ekola önanga yatagali; o hidoku duru ma oa-oa o Israel manga tonakino yakunua nia tururu o nyawa mahomoa manga giamika, hababu o tönaka gënanga ihitingakoka mangale ma Jou dë idadi to Unanga madutu.
15O koreharail̄e idaduoka o tonaka ihi tinga-tingakoka gënanga, kanagaohi mahou magurutu o kilo ngimoi de hinoto de mahononga, dë mangöata o kilo hinoto de mahononga. O hidoku gënanga itebinua deʼ yakunu yapake o kawaha mangale mangï yogogere deʼ mangale o momo matonaka malua-luasi, ma hidoku mahidogoronaino kiani ihigoko moi o kota. 16O kota gënanga kiani madüku ipahagi iata, madateke yogetongo maduduga o kilo hinoto de o metere o ratuhu hinoto deʼ moritoa. 17Yakilolitino o kota yamode-modekika gënanga kiani naga o tanalapanga mangoata o metere o ratuhu moi deʼ monaoko demotoa. 18O wange mahiwaroko de madumuniha o kota gënanga naga o tanalapanga moi-moi maduduga magurutu o kilo motoa de mangoata o kilo hinoto de mahononga. O tanalapanga hinoto gënanga kiani yapake mangale o dumule matonaka mangale o kota manyawa. 19Hagala o nyawa o Israel manyawaino mata-mata yögogere o kota gënanga yakunu yakarajanga o tonaka gënanga.
20Ho, o daera yamode-modekika gënanga, idogoika o tonaka yodinga-dingakoka deʼ o tonaka mangale o kota, madüku ipahagi iata maduduga o kilo ngimoi deʼ hinoto de mahononga madateke yogetongo. 21-22O tonaka o wange madumuniha idaduoka de o wange mahiwaroko madaera yodinga-dingakoka yasadia mangale ma Jou Ai Tau, o imam-imam, o Lewi manyawa deʼ o kota gënanga, ganga mangale yokokuaha yopopareta. O wange mahiwaroko idaduoka o tonaka gënanga maluasika hiädono imaribatingi o wange mahiwaroko, de o wange madumuniha idaduoka hiädono o Ngöto i Kokorona, deʼ magogere o Yehuda matonaka deʼ o Benyamin matonaka mahidogoronaoka.
O tonaka mangale hagala o hoana mahomoa
23-27O tonaka naga o koreharail̄e idaduoka madaera yodinga-dingakoka gënanga, ganga mangale hagala o hoana mahomoa. Maluasi o tonaka gënanga mulaenge maribatingi o wange mahiwaroko deyaiha mameta o wange madumuniha hiädono o ngöto iKokorona, deʼ yaregu imamoteke madatoro nënanga o koremieuku de yail̄e o koreharail̄e:
O Benyamin
O Simeon
O Isakhar
O Zebulon
O Gad
28O Gad matonaka o koreharail̄e idaduoka naga maribatingi i mulaenge o Tamar o wange madumuniha o koreharail̄e idaduoka yatilakuru o Kades-Meriba majobubu daha mameta o wange madumuniha o koremieuku idaduoka magurutika imaribatingi o Mesir hiädono o Ngöto iKokoronaika.
29Ma Jou Duru woko Kurutil̄e wotemo, ”Hoko genangala o tonaka gënanga kiani nia regu-regu o Israeloka manga hoa-hoanika.”
Hagala mangorana ma ago-agomo o Yerusalem
30-34 #
Him. 21:12-13
O ngorana howoha-wohama o Yerusalem makotaika mata-mata naga ngimoi de hinoto. Mabebeno o mehele iata moi-moi maduduga o kilo hinoto deʼ o metere o ratuhu hinoto deʼ moritoa, de toenanga mangorana ma ago-agomo hange. Mangorana ma ago-agomo yogetongo ihi romanga imamoteke moi ani o Israeloka manga hoana maromanga. Hagala o ngorana ma ago-agomo o koremieuku ihiromanga o Ruben, o Yehuda de o Lewi; hagala o ngorana ma ago-agomo o bebeno o meheloka o wange mahiwaroko ihiromanga o Yusuf, o Benyamin ikali o Dan; naga o bebeno o meheloka o koreharail̄e hamake o roma-romanga o Simeon, o Isakhar deʼ Zebulon; ena hioko o bebeno o meheloka o wange madumuniha ihidöaka o romanga o Gad, o Asyer, de o Naftali. 35Mata-mata o bebeno o mehele gënanga magurutu o kilo hiwo. De mulaenge öraha nënanga o nyawa ihiromanga o kota gënanga: ”MA JOU NAGA GENANGOKA!”
Currently Selected:
O YEHEZKIEL 48: TLB
Highlight
Copy
Compare
Share
Want to have your highlights saved across all your devices? Sign up or sign in
O YEHEZKIEL 48
48
Yahikodoku o tonaka hagala o hoana manga hidogoronaka
1-7Maribatingi o tonaka o koremieuku idaduoka itatauroko o wange mahiwaroko, mulaenge o Ngöto i Kokorona mameta o Hetlon makotaika, o ngekomo howoha-wohama o Hamatika, o Hazar-Enan makota, hiädono maribatingika o Damsyik makota deʼ o Hamat makota mahidogorona. Hagala o hoana yanïkino nënanga moi-moi kiani yamake o hidoku moi o tonaka malua-luasino mahiribatingi o wange mahiwaroko dëyaiha madumutu o wange madumuniha hiädono o Ngöto i Kokoronaika, madatoro magoronaka hokä hoko nënanga o koremie deya il̄e hiädono o koreharail̄e:
O Dan
O Asyer
O Naftali
O Manasye
O Efraim
O Ruben
O Yehuda
O Daera ihitö tinga-tingakoka o berera gënanga matitioka
8O hidoku ituruino o tonakino gënanga kiani yodingaka mangale ihipake yodinga-dingakoka. Magurutu kiani o kilo ngimoi de hinoto de mahononga mabatingi o koremieuku deya il̄e hïdono o koreharail̄e. Hagala mabatingi o wange mahiwaroko deʼ o wange madumuniha kiani imatero magurutu deʼ hagala o hidoku ihidö döa-döaka o Israel manga hoanika. Ma Jou ai Tau aha ihigoko o hidokuoka gënanga.
9O hidoku moi o daeraino gënanga ihitinga-tingakoka mangale ma Jou, enagënanga o tonaka o batingi moi mahidoku matitioka, magurutu o kilo ngimoi dehinoto de mahononga de mangoata o kilo ngimoi. 10Mahidoku mahidogoronaino o tonaka gënanga aha ihigoko ma Jou Ai Tau. Hagala o imam kiani yamake o hidoku o daera itebi-tebinino gënanga. Toönanga manga hidoku enagënanga o kilo ngimoi deʼ hinoto de mahononga madateke o wange mahiwaroko deyaiha o wange madumuniha, de o kilo motoa madateke o koremieuku deyail̄e o koreharail̄e. 11O daera ihitö tinga-tingakoka gënanga aha idadi to imam-imam madutu o Zadok aidifauku. Onanga iwi leleanioka ma Jou deʼ manga setia deʼ hokä o Lewi manyawaua o hoana moi dede önanga imakinïki yodiai o baradoha kamamoi deʼ hagala o Israeloka manyawa mahomoa. 12Hababu gënanga o Zadok aidifaukuika kiani nia hidöaka o tonaka itotinga-tingakoka o tonaka madatekoka aha yahi dö döa-döaka o Lewi manyawaika. De o tonaka itö tinga-tingakoka gënanga duru itebini. 13Hagala o Lewi manyawa manga tonaka gënanga magurutu o kilo ngimoi de hinoto de mahononga o wange mahiwaroko deyaiha o wange madumuniha, deʼ mangoata o kilo motoa o koremieuku deyail̄e o koreharail̄e deʼ magogere imateroino de o imam-imam manga tonaka. 14Kao buhänga moiö o tonaka gënanga yakunua önanga yahukunu ekola önanga yatagali; o hidoku duru ma oa-oa o Israel manga tonakino yakunua nia tururu o nyawa mahomoa manga giamika, hababu o tönaka gënanga ihitingakoka mangale ma Jou dë idadi to Unanga madutu.
15O koreharail̄e idaduoka o tonaka ihi tinga-tingakoka gënanga, kanagaohi mahou magurutu o kilo ngimoi de hinoto de mahononga, dë mangöata o kilo hinoto de mahononga. O hidoku gënanga itebinua deʼ yakunu yapake o kawaha mangale mangï yogogere deʼ mangale o momo matonaka malua-luasi, ma hidoku mahidogoronaino kiani ihigoko moi o kota. 16O kota gënanga kiani madüku ipahagi iata, madateke yogetongo maduduga o kilo hinoto de o metere o ratuhu hinoto deʼ moritoa. 17Yakilolitino o kota yamode-modekika gënanga kiani naga o tanalapanga mangoata o metere o ratuhu moi deʼ monaoko demotoa. 18O wange mahiwaroko de madumuniha o kota gënanga naga o tanalapanga moi-moi maduduga magurutu o kilo motoa de mangoata o kilo hinoto de mahononga. O tanalapanga hinoto gënanga kiani yapake mangale o dumule matonaka mangale o kota manyawa. 19Hagala o nyawa o Israel manyawaino mata-mata yögogere o kota gënanga yakunu yakarajanga o tonaka gënanga.
20Ho, o daera yamode-modekika gënanga, idogoika o tonaka yodinga-dingakoka deʼ o tonaka mangale o kota, madüku ipahagi iata maduduga o kilo ngimoi deʼ hinoto de mahononga madateke yogetongo. 21-22O tonaka o wange madumuniha idaduoka de o wange mahiwaroko madaera yodinga-dingakoka yasadia mangale ma Jou Ai Tau, o imam-imam, o Lewi manyawa deʼ o kota gënanga, ganga mangale yokokuaha yopopareta. O wange mahiwaroko idaduoka o tonaka gënanga maluasika hiädono imaribatingi o wange mahiwaroko, de o wange madumuniha idaduoka hiädono o Ngöto i Kokorona, deʼ magogere o Yehuda matonaka deʼ o Benyamin matonaka mahidogoronaoka.
O tonaka mangale hagala o hoana mahomoa
23-27O tonaka naga o koreharail̄e idaduoka madaera yodinga-dingakoka gënanga, ganga mangale hagala o hoana mahomoa. Maluasi o tonaka gënanga mulaenge maribatingi o wange mahiwaroko deyaiha mameta o wange madumuniha hiädono o ngöto iKokorona, deʼ yaregu imamoteke madatoro nënanga o koremieuku de yail̄e o koreharail̄e:
O Benyamin
O Simeon
O Isakhar
O Zebulon
O Gad
28O Gad matonaka o koreharail̄e idaduoka naga maribatingi i mulaenge o Tamar o wange madumuniha o koreharail̄e idaduoka yatilakuru o Kades-Meriba majobubu daha mameta o wange madumuniha o koremieuku idaduoka magurutika imaribatingi o Mesir hiädono o Ngöto iKokoronaika.
29Ma Jou Duru woko Kurutil̄e wotemo, ”Hoko genangala o tonaka gënanga kiani nia regu-regu o Israeloka manga hoa-hoanika.”
Hagala mangorana ma ago-agomo o Yerusalem
30-34 #
Him. 21:12-13
O ngorana howoha-wohama o Yerusalem makotaika mata-mata naga ngimoi de hinoto. Mabebeno o mehele iata moi-moi maduduga o kilo hinoto deʼ o metere o ratuhu hinoto deʼ moritoa, de toenanga mangorana ma ago-agomo hange. Mangorana ma ago-agomo yogetongo ihi romanga imamoteke moi ani o Israeloka manga hoana maromanga. Hagala o ngorana ma ago-agomo o koremieuku ihiromanga o Ruben, o Yehuda de o Lewi; hagala o ngorana ma ago-agomo o bebeno o meheloka o wange mahiwaroko ihiromanga o Yusuf, o Benyamin ikali o Dan; naga o bebeno o meheloka o koreharail̄e hamake o roma-romanga o Simeon, o Isakhar deʼ Zebulon; ena hioko o bebeno o meheloka o wange madumuniha ihidöaka o romanga o Gad, o Asyer, de o Naftali. 35Mata-mata o bebeno o mehele gënanga magurutu o kilo hiwo. De mulaenge öraha nënanga o nyawa ihiromanga o kota gënanga: ”MA JOU NAGA GENANGOKA!”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in