O YEHEZKIEL 43
43
Ma Jou womaidulu Ai Tauika
1Ipaha o nauru gënanga wohiao ngohi o ngorana ma amo-amokika ihö hima-himanga o wange mahiwaroko, 2#Yeh. 10:3-4, 18-19, 11:22-23; Him. 1:15 deʼ genangoka tamake iboa o wange mahiwaroko deyaiha cahaya iloleletongo ihinonako o Israeloka manga Jou Madutu Ai boa. Ma Jou Madutu Ai ilingi hokä o ngöto ma ago-agomo maruruhu, deʼ o dunia kaima hidoleletonguku karana ma Jou Madutu ai boa masahaya. 3O lolega gënanga kaimatero hokä tamö make-make maöraha ma Jou Madutu woboa mangale wabinaha o Yerusalem, deʼ hokä tamö make-make o Kebar ma Ngairoka. Daha ngohi tomarubauku ahi diri de talibukuuku. 4O cahaya o loleletongo gënanga imakelu yanonu o ngorana ma amo-amoko o wange mahiwaroko daha iwohama ma Jou Ai Tau magoronaika.
5Ma Jou Ai womaha ihi goraka ngohi de ihiao ngohi o looa magoronakaika; genangoka tamake ma Jou Ai Tau yakilolitino ma Jou Ai boa masahaya. 6Maöraha o nauru gënanga kawoma okoinohi ahi datekoka, toihene ma Jou wohitemo ngohino ma Jou Ai Tau magoronaino, wato, 7”Hei o nyawa nokokakaliua, nënanga Ahi pareta makuruhi. Nenangoka Ngohi aha togogere o umati o Israel manga hidogoronaka deʼ Tapareta önanga kahi ado-adonika. Yaoa önanga, yaoa toönanga manga kokoano, aha yapesekokauaoli Ahi romanga itebi-tebini de yahuba o gomanga ekola deʼ yalungunu toönanga manga kokoano manga maiyeti o ngïoka nënanga. 8Mahira toönanga manga kokoano yodiai hagala o hita de toönanga manga kadato mangorana maliate-liate madatekoka aha o Tau mahita-hita de mangorana maliate-liate, hiädono duga-duga naga moi o bebeno dika mahi dogoronaka. Onanga yapesekoka Ahi romanga itebi-tebini de toönanga manga manarama haö emo-emono. Hababu gënanga Tabinaha önanga Ahi gangamo magoronaka. 9Mamulaenge öraha nënanga önanga kiani imatogumu yahuba o gomanga de yatururu toönanga manga kokoano manga maiyeti. Iböto gënanga, Ngohi aha togogere toönanga manga hidö dogoronaka mangale kahi ado-adonika.”
10Daha ma Jou wotemoli, ”Hei o nyawa nokokakaliua, nahi ngahu o Israel ma umatika mangale Ahi Tau nënanga, de nähuloko önanga yatailako ihidodiai manga datoro. Yadiai önanga idadi yamal̄eke karana hagala toönanga manga baradoha. 11De önanga yamal̄eke ibotino karana hagala manga manarama önanga, nohitararono Ahi Tau nënanga madatoro onangika: madüku, hagala mangorana hohupu de howohama mabangunan malape, hagala ma atoranga de hagala matita. Natulihi mata-mata gënanga onangika hupaya önanga yakunu yamake de yohohininga madodagi yodatoro hagala moi-moi ikali ihi ngounu mata-mata madatoro. 12Nenangala ma Jou Ai Tauino mabiaha. Madaera ingodumu yakilolitino o l̄oku matubuoka ganga duru itebini.”
O huhuba mangï
13 #
Kel. 27:1-2; 2Taw. 4:1 Nenanga maduduga o huba mangï imamoteke o duduga yapö pake-pake mangale ihituga ma Jou Ai Tau. O huba mangï ma l̄ou yakilolitino naga moi o baraka maluku o metere mahononga de mangoata o metere mahononga de madateke maporetino mangigorino magurutil̄e ngade senti monaoko demotoa. 14O baraka de yaino hiädono mameta o huba mangï duru matimi-timiuku, magurutil̄e o metere hinoto, de iholoi ieteke mahononga ngaro de o huba mangï mal̄ou magilolitino. O hidoku mahangeoka, enagënanga o huba mangï matubu, o metere mahonongaö iholoi ieteke ngaro de mahidoku magoronaika magilolitino. 15Mahidoku mahangeoka nënanga enagënanga o huhuba yatuhu-tuhuku mangï; magurutil̄e o metere hinoto. Malibuku iata naga itol̄omika hokä o tataduku. 16O huhuba mangï gënanga matubu madüku ipahagi iata; madateke yogetongo maduduga o metere butanga. 17Mahidoku magoronaika o ipahagi iata madateke yogetongo maduduga o metere tumidi, de moi madateke mapigiri maporetoka magurutil̄e o senti monaoko demotoa. (Mabaraka mangoata o metere mahononga.) Madateke o wange mahiwaroko idaduoka naga o ngute madumutu o huhuba mangï matubuika.
O huba mangï matabisang
18 #
Kel. 29:35-37
Ma Jou Duru woko Kurutil̄e wohitemo ngohino, ”Hei o nyawa nokokakaliua, noihene okia Totemo ngonaika. Nako o huba mangï gënanga ibötoka ihigoko, ngona kiani natabisang deʼ notuhuku o huhuba ma l̄okuoka de nodohurero de o huhuba o awunu. 19Duga-duga o imam o Zadok aidifauku o Lewi aihoanino dika yakunu yoboa Ahi himangika mangale yaleleani o puji. Ngohi, o Jou Duru toko Kurutil̄e tohi popareta o hali gënanga. Nahi döaka onangika o hapi manauru magö o dutu moi mangale o baradoha ma apongo mahuhuba. 20Na l̄ë mahuhutulu ma awunu deʼ nohi ehe hagala o tatadukika malibuku iata o huhuba mangï gënanga matubuoka, hoko genangö malibuku-libuku mahidoku magogoronaino ikali o huba mangï gënanga madateke magilolitino. De madodagi gënanga ngona nohitebini o huba mangï gënanga de nohitingaka mangale Ngohi. 21Ipaha nal̄ë o hapi manauru mangale o baradoha ma apongo gënanga, de natuhuku mangï ihitan tantuoka, enagënanga ma Jou Ai Tau itebi-tebini magilolitino maporetoka. 22Iyarehino ngona kiani nohihuba o kabingi manauru o dutu moi koiwa makuranga mangale o huhuba o baradoha ma apongo. Natebini o huhuba mangï gënanga de o kabingi ma awunu gënanga, kaimatero nadodiai de o hapi manauru magö gënanga. 23Nako ibötoka ngona nadiai, nal̄ë o hapi manauru magö o dutu moi dë o kabingi manauru magö o dutu moi, hinotö koiwa ma abo, 24Daha nao Ngohino. O imam-imam kiani yoderero o gahi mawaja o aiwani hinoto ma l̄okuuku gënanga de yatuhuku idadi o huhuba Ngohino. 25O wange ihigetongo o wange tumidino madëkana, ngona kiani nohihuba o kabingi o dutu moi, o hapi manauru magö, deʼ o kabingi manauru mangale o baradoha ma apongo mahuhuba. O aiwani-aiwani gënanga yakunua naga de manabo. 26O wange tumidi madekana o imam-imam kiani yodiai o huhuba mangï matabisang maupacara gënanga deʼ yoböbotoka mangale yakunu yapake. 27O wange matumidi mabobahaoka gënanga iböto, o imam-imam kiani yomulaenge ihihuba o huhuba mangï mal̄okuoka gënanga o huhuba ituhu-tuhuku de o dame mahuhuba mangale o umati. Done Ngohi aha tosanangi dede ngini mata-mata. Ngohi, o Jou Duru toko Kurutil̄e totemoka.”
Currently Selected:
O YEHEZKIEL 43: TLB
Highlight
Copy
Compare
Share
Want to have your highlights saved across all your devices? Sign up or sign in
O YEHEZKIEL 43
43
Ma Jou womaidulu Ai Tauika
1Ipaha o nauru gënanga wohiao ngohi o ngorana ma amo-amokika ihö hima-himanga o wange mahiwaroko, 2#Yeh. 10:3-4, 18-19, 11:22-23; Him. 1:15 deʼ genangoka tamake iboa o wange mahiwaroko deyaiha cahaya iloleletongo ihinonako o Israeloka manga Jou Madutu Ai boa. Ma Jou Madutu Ai ilingi hokä o ngöto ma ago-agomo maruruhu, deʼ o dunia kaima hidoleletonguku karana ma Jou Madutu ai boa masahaya. 3O lolega gënanga kaimatero hokä tamö make-make maöraha ma Jou Madutu woboa mangale wabinaha o Yerusalem, deʼ hokä tamö make-make o Kebar ma Ngairoka. Daha ngohi tomarubauku ahi diri de talibukuuku. 4O cahaya o loleletongo gënanga imakelu yanonu o ngorana ma amo-amoko o wange mahiwaroko daha iwohama ma Jou Ai Tau magoronaika.
5Ma Jou Ai womaha ihi goraka ngohi de ihiao ngohi o looa magoronakaika; genangoka tamake ma Jou Ai Tau yakilolitino ma Jou Ai boa masahaya. 6Maöraha o nauru gënanga kawoma okoinohi ahi datekoka, toihene ma Jou wohitemo ngohino ma Jou Ai Tau magoronaino, wato, 7”Hei o nyawa nokokakaliua, nënanga Ahi pareta makuruhi. Nenangoka Ngohi aha togogere o umati o Israel manga hidogoronaka deʼ Tapareta önanga kahi ado-adonika. Yaoa önanga, yaoa toönanga manga kokoano, aha yapesekokauaoli Ahi romanga itebi-tebini de yahuba o gomanga ekola deʼ yalungunu toönanga manga kokoano manga maiyeti o ngïoka nënanga. 8Mahira toönanga manga kokoano yodiai hagala o hita de toönanga manga kadato mangorana maliate-liate madatekoka aha o Tau mahita-hita de mangorana maliate-liate, hiädono duga-duga naga moi o bebeno dika mahi dogoronaka. Onanga yapesekoka Ahi romanga itebi-tebini de toönanga manga manarama haö emo-emono. Hababu gënanga Tabinaha önanga Ahi gangamo magoronaka. 9Mamulaenge öraha nënanga önanga kiani imatogumu yahuba o gomanga de yatururu toönanga manga kokoano manga maiyeti. Iböto gënanga, Ngohi aha togogere toönanga manga hidö dogoronaka mangale kahi ado-adonika.”
10Daha ma Jou wotemoli, ”Hei o nyawa nokokakaliua, nahi ngahu o Israel ma umatika mangale Ahi Tau nënanga, de nähuloko önanga yatailako ihidodiai manga datoro. Yadiai önanga idadi yamal̄eke karana hagala toönanga manga baradoha. 11De önanga yamal̄eke ibotino karana hagala manga manarama önanga, nohitararono Ahi Tau nënanga madatoro onangika: madüku, hagala mangorana hohupu de howohama mabangunan malape, hagala ma atoranga de hagala matita. Natulihi mata-mata gënanga onangika hupaya önanga yakunu yamake de yohohininga madodagi yodatoro hagala moi-moi ikali ihi ngounu mata-mata madatoro. 12Nenangala ma Jou Ai Tauino mabiaha. Madaera ingodumu yakilolitino o l̄oku matubuoka ganga duru itebini.”
O huhuba mangï
13 #
Kel. 27:1-2; 2Taw. 4:1 Nenanga maduduga o huba mangï imamoteke o duduga yapö pake-pake mangale ihituga ma Jou Ai Tau. O huba mangï ma l̄ou yakilolitino naga moi o baraka maluku o metere mahononga de mangoata o metere mahononga de madateke maporetino mangigorino magurutil̄e ngade senti monaoko demotoa. 14O baraka de yaino hiädono mameta o huba mangï duru matimi-timiuku, magurutil̄e o metere hinoto, de iholoi ieteke mahononga ngaro de o huba mangï mal̄ou magilolitino. O hidoku mahangeoka, enagënanga o huba mangï matubu, o metere mahonongaö iholoi ieteke ngaro de mahidoku magoronaika magilolitino. 15Mahidoku mahangeoka nënanga enagënanga o huhuba yatuhu-tuhuku mangï; magurutil̄e o metere hinoto. Malibuku iata naga itol̄omika hokä o tataduku. 16O huhuba mangï gënanga matubu madüku ipahagi iata; madateke yogetongo maduduga o metere butanga. 17Mahidoku magoronaika o ipahagi iata madateke yogetongo maduduga o metere tumidi, de moi madateke mapigiri maporetoka magurutil̄e o senti monaoko demotoa. (Mabaraka mangoata o metere mahononga.) Madateke o wange mahiwaroko idaduoka naga o ngute madumutu o huhuba mangï matubuika.
O huba mangï matabisang
18 #
Kel. 29:35-37
Ma Jou Duru woko Kurutil̄e wohitemo ngohino, ”Hei o nyawa nokokakaliua, noihene okia Totemo ngonaika. Nako o huba mangï gënanga ibötoka ihigoko, ngona kiani natabisang deʼ notuhuku o huhuba ma l̄okuoka de nodohurero de o huhuba o awunu. 19Duga-duga o imam o Zadok aidifauku o Lewi aihoanino dika yakunu yoboa Ahi himangika mangale yaleleani o puji. Ngohi, o Jou Duru toko Kurutil̄e tohi popareta o hali gënanga. Nahi döaka onangika o hapi manauru magö o dutu moi mangale o baradoha ma apongo mahuhuba. 20Na l̄ë mahuhutulu ma awunu deʼ nohi ehe hagala o tatadukika malibuku iata o huhuba mangï gënanga matubuoka, hoko genangö malibuku-libuku mahidoku magogoronaino ikali o huba mangï gënanga madateke magilolitino. De madodagi gënanga ngona nohitebini o huba mangï gënanga de nohitingaka mangale Ngohi. 21Ipaha nal̄ë o hapi manauru mangale o baradoha ma apongo gënanga, de natuhuku mangï ihitan tantuoka, enagënanga ma Jou Ai Tau itebi-tebini magilolitino maporetoka. 22Iyarehino ngona kiani nohihuba o kabingi manauru o dutu moi koiwa makuranga mangale o huhuba o baradoha ma apongo. Natebini o huhuba mangï gënanga de o kabingi ma awunu gënanga, kaimatero nadodiai de o hapi manauru magö gënanga. 23Nako ibötoka ngona nadiai, nal̄ë o hapi manauru magö o dutu moi dë o kabingi manauru magö o dutu moi, hinotö koiwa ma abo, 24Daha nao Ngohino. O imam-imam kiani yoderero o gahi mawaja o aiwani hinoto ma l̄okuuku gënanga de yatuhuku idadi o huhuba Ngohino. 25O wange ihigetongo o wange tumidino madëkana, ngona kiani nohihuba o kabingi o dutu moi, o hapi manauru magö, deʼ o kabingi manauru mangale o baradoha ma apongo mahuhuba. O aiwani-aiwani gënanga yakunua naga de manabo. 26O wange tumidi madekana o imam-imam kiani yodiai o huhuba mangï matabisang maupacara gënanga deʼ yoböbotoka mangale yakunu yapake. 27O wange matumidi mabobahaoka gënanga iböto, o imam-imam kiani yomulaenge ihihuba o huhuba mangï mal̄okuoka gënanga o huhuba ituhu-tuhuku de o dame mahuhuba mangale o umati. Done Ngohi aha tosanangi dede ngini mata-mata. Ngohi, o Jou Duru toko Kurutil̄e totemoka.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in