1 VAKORINZO 16
16
1Kalunu, kolondekana na mateeva ginyu ga mwang'odera kigira mabese gi sadaka ivungizangwa kokonya avatakatifu vaveeye mu Vuyuda. Munyi kuduuka mukore kuli ndavolera amakanisa ga Vagalatia kokola. 2Vuli Jumapili umundu sa mulala aviiki halovega mabese kutura ku linyola lilie kunangwa lisolora livuli kuvaho lwa nziza yaho. 3Lwa ndiduuka yaho, ndakatumi yavo avamulitovola hagati hinyu ni zibarwa ziu kwimanyikanyia, valahile kihaanwa chiinyu Jerusalemi. 4Niiva galava malahi inzi kuzia, maku yavo vanyara kuzia harara ninzi.
Lilohiza lia Paolo
5Ndakaaze ku munyi nindakamara kuvitira Makedonia, kigira nzetegekaa kuvitira yo. 6Niganyalika ndakamenye ni munyi yaho ku ing'inga idukanaa; anoho niganyalika ndakamenye harara ni munyi mu ing'inga yoosi yuvukindu, kunangwa muduuki kongonya nzizagiliri no logendo lwange havundu hoosi handiva ninziizaa. 7Sinyenyaa kumulora chihungu lwambitaa mba. Suuviraa ndakamenye ni munyi ku ing'inga iduuki Umwami nayanza.
8Ndatanga komenya hano mu Efeso kuduuka lwi lidiku lia Pendekote liduka. 9Mali kwigulirwa muliango munene gwi miyinzi miduukiru hano ja jihaane amativuli malahi, kali niiva avasigu vaveeye vanyingi.
10Niiva Timateo alaza yaho, mulole ndi mumwingirizi vulahi hagati hinyu, kigira akolaa miyinzi ju Mwami, kuli inzi ngolaa. 11Kugene yago, umundu woosi atamulegiliza mba, navuzwa mumukonye azizagiliri no logendo lwilwe mu mirembe, aduuki kwirana ku inzi; kigira mulindiliraa yaaze harara na vaamitu vandi.
12Kalunu, ku makuva ga amwavo wiitu Apolo, ndaamuzuva ligali amuluuti harara na vamiitu vandi, navuzwa siliveeye lienya lia Nyasaye ligali yaaze ku ing'inga yiyi mba. Nitali alakaze lwaliva nu vwiyangu.
Amakuva gu kumaliriza
13Mulindi, musingiri vudinyu mu lisuuvira lienyu, muve valuviriri, kandi muve ni zinguru. 14Mukore choosi cha mukoraa mu vuyanzi.
15Kalunu, avaamitu vange, mumanyi vulahi ndi vandu vinyumba ya Sitefano vaali avandu vukutanga ligali konyoora lisuuvira lie Kikristayo mu Akaya, na vayituliza kutumikira vandu va Nyasaye. 16Mugoonyaa, avaamitu vange, mwegehizi kandi mulonde vwimiliri vwa vandu kuli yavo, nu vwimiliri vwa vuli mundu okolaa imiyinzi kandi utumikaa harara navo.
17Inzi mbeeye nu vuyanzi vonene ligali ku liduka lia Sitefano, Foritunato na Akaiko kigira vatwekizi yicho chenyekangi lwa munyi mwaali nimutaveeye ho. 18Vayaanzizi umwoyo gwange harara nu gwinyu. Kulwa yaga, genyekaa kuhaane luyali ku vandu vu lugano yilu.
19Amakanisa goosi ga Asia gaamuchelizi. Akwila na Berisila, harara na vandu vosi vi likanisa lia Nyasaye avaveeye munyumba yaavo vamuchelizi mu Mwami nu mwoyo gwosi. 20Avaamitu vosi hano vamuchelizi. Na munyi muchelizane ni livuusana litakatifu liu vu Nyasaye.
21Inzi Paolo mbachelizi ning'oda ibarwa yiyi nu mukono gwange mwene.
22Ku vosi mundu natayaanza Umwami, alaamwe.
Umwami wiitu hamba!
23Zimbavasi ziu Mwami Yeso zive ni munyi.
24Uvuyanzi vwange vove ni munyi mwosi mu Kristo Yeso. Amini.
Currently Selected:
1 VAKORINZO 16: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
1 VAKORINZO 16
16
1Kalunu, kolondekana na mateeva ginyu ga mwang'odera kigira mabese gi sadaka ivungizangwa kokonya avatakatifu vaveeye mu Vuyuda. Munyi kuduuka mukore kuli ndavolera amakanisa ga Vagalatia kokola. 2Vuli Jumapili umundu sa mulala aviiki halovega mabese kutura ku linyola lilie kunangwa lisolora livuli kuvaho lwa nziza yaho. 3Lwa ndiduuka yaho, ndakatumi yavo avamulitovola hagati hinyu ni zibarwa ziu kwimanyikanyia, valahile kihaanwa chiinyu Jerusalemi. 4Niiva galava malahi inzi kuzia, maku yavo vanyara kuzia harara ninzi.
Lilohiza lia Paolo
5Ndakaaze ku munyi nindakamara kuvitira Makedonia, kigira nzetegekaa kuvitira yo. 6Niganyalika ndakamenye ni munyi yaho ku ing'inga idukanaa; anoho niganyalika ndakamenye harara ni munyi mu ing'inga yoosi yuvukindu, kunangwa muduuki kongonya nzizagiliri no logendo lwange havundu hoosi handiva ninziizaa. 7Sinyenyaa kumulora chihungu lwambitaa mba. Suuviraa ndakamenye ni munyi ku ing'inga iduuki Umwami nayanza.
8Ndatanga komenya hano mu Efeso kuduuka lwi lidiku lia Pendekote liduka. 9Mali kwigulirwa muliango munene gwi miyinzi miduukiru hano ja jihaane amativuli malahi, kali niiva avasigu vaveeye vanyingi.
10Niiva Timateo alaza yaho, mulole ndi mumwingirizi vulahi hagati hinyu, kigira akolaa miyinzi ju Mwami, kuli inzi ngolaa. 11Kugene yago, umundu woosi atamulegiliza mba, navuzwa mumukonye azizagiliri no logendo lwilwe mu mirembe, aduuki kwirana ku inzi; kigira mulindiliraa yaaze harara na vaamitu vandi.
12Kalunu, ku makuva ga amwavo wiitu Apolo, ndaamuzuva ligali amuluuti harara na vamiitu vandi, navuzwa siliveeye lienya lia Nyasaye ligali yaaze ku ing'inga yiyi mba. Nitali alakaze lwaliva nu vwiyangu.
Amakuva gu kumaliriza
13Mulindi, musingiri vudinyu mu lisuuvira lienyu, muve valuviriri, kandi muve ni zinguru. 14Mukore choosi cha mukoraa mu vuyanzi.
15Kalunu, avaamitu vange, mumanyi vulahi ndi vandu vinyumba ya Sitefano vaali avandu vukutanga ligali konyoora lisuuvira lie Kikristayo mu Akaya, na vayituliza kutumikira vandu va Nyasaye. 16Mugoonyaa, avaamitu vange, mwegehizi kandi mulonde vwimiliri vwa vandu kuli yavo, nu vwimiliri vwa vuli mundu okolaa imiyinzi kandi utumikaa harara navo.
17Inzi mbeeye nu vuyanzi vonene ligali ku liduka lia Sitefano, Foritunato na Akaiko kigira vatwekizi yicho chenyekangi lwa munyi mwaali nimutaveeye ho. 18Vayaanzizi umwoyo gwange harara nu gwinyu. Kulwa yaga, genyekaa kuhaane luyali ku vandu vu lugano yilu.
19Amakanisa goosi ga Asia gaamuchelizi. Akwila na Berisila, harara na vandu vosi vi likanisa lia Nyasaye avaveeye munyumba yaavo vamuchelizi mu Mwami nu mwoyo gwosi. 20Avaamitu vosi hano vamuchelizi. Na munyi muchelizane ni livuusana litakatifu liu vu Nyasaye.
21Inzi Paolo mbachelizi ning'oda ibarwa yiyi nu mukono gwange mwene.
22Ku vosi mundu natayaanza Umwami, alaamwe.
Umwami wiitu hamba!
23Zimbavasi ziu Mwami Yeso zive ni munyi.
24Uvuyanzi vwange vove ni munyi mwosi mu Kristo Yeso. Amini.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019