OKHURULA 10
10
Likhupako lietsisiche
1Ma OMWAMI nabool'la Musa mbu, “Tsia olole omuruchi. Mal'le okhumukhola halala nabemeli baabe okhutinyia emioyo chiabwe khe mbe onyala okhukhola akamangalimwa yaka hakari wabwe, 2khandi khe mbe onyala okhubool'la abaana benywe nende abetsukhulu benywe obwa ndakhola Abaamisiri okhuba abahingwa olwa ndakhola akamangalimwa yaka. Inywe mwesi mulamanya mbu ise nise OMWAMI.”
3Kho Musa nende Haruni batsia khumuruchi nibamubool'la mbu, “OMWAMI Nyasaye wa Baheburania aboolanga mbu, ‘Notsilil'le oluhono sina okhubula okhwelela khu ise? Lekha abandu banje batsie okhundekayakaya. 4Noba notsilil'la okhusuula, kho nandeere tsisiche musibala sisio mukamba. 5Natsibe tsinyinji kata natsitsusie esibala siosi. Natsilie ebindu biosi ebiamachina keifula kabula okhwononia, kata nende emisaala echiasikala. 6Natsitsule hango haho nende mutsinyumba tsiabemeli baabo nende etsiabandu baabo. Natsibe etsiokhwononia okhusila okhuyombakhwo etsiabakuka benywe balola.’ ” Ma omuruchi nasukhana natsia.
7Abemeli bomuruchi nibamubool'la mbu, “Omundu uno natsilil'le okhukhuhelesia omunyakahano okhwola lina? Lekha Abaisiraeli batsie okhwekayakaya OMWAMI Nyasaye wabwe. Ibe siololanga obwesibala sie Misiri sitsuyemwo nende amanyakhano tawe?”
8Kho Musa nende Haruni baleerwa imbeli womuruchi ma naye nababool'la mbu, “Munyala okhutsia okhwekayakaya OMWAMI Nyasaye wenywe. Nebutswa nibena abakwan'ne okhutsia?”
9Musa nakalusia omuruchi mbu, “Ifwe fwesi halala nende abaana nabandu bakhulundu. Nakhubukule abasiani nefwe, nende abakhaana, nende amakondi nende tsing'ombe tsiefwe, sichila okhwola khukhole lisabo liokhuhelesia OMWAMI oluyali.”
10Omuruchi naboola mbu, “Ndesuhanga khu MWAMI oli mwoyo mbu sindakhalekhakhwo mubukule abakhasi benywe nende abaana tawe. Kali habulafu mbu muloosianga okhukhola indiri. 11Sikanyalikha tawe! Abasaatsa bonyene nibo abanabatsie okhwekayakaya OMWAMI yako nikali niko akawenyanga.” Khwing'ana yili Musa nende Haruni bakhungwa imbeli womuruchi.
12Ma OMWAMI nabool'la Musa mbu, “Chinguula omukhono kukwo khusibala sie Emisiri okhuleera tsisiche. Tsitsa okhwitsa ma tsilie esindu siosi esimelanga, siesindu sia amachina keifula karakhupa.” 13Kho Musa yachinga indabusi yiye ma OMWAMI naleera omuyeka okhurula ebukwe okhuhungutsa khusibala litukhu yilio liosi nende obutukhu yibwo bwosi. Olwa bwasia omuyeka kwali nikuler're tsisiche. 14Tsietsa mumisinga ma nitsiyeela khusibala siosi. Tsiali emisinga emikali etsiomundu wosi asili okhulolakhwo khandi etsiomundu alibula okhulolakhwo khandi tawe.#Okhub. 9:2-3 15Tsietsula khusibala ma nisimwama ti. Tsialia siesindu esia amachina keifula kalekha, kata nende amatunde kokhumisala, sibulakhwoho esindu siosi esibisi esiatsialekha khumusaala kwosi nohomba khusiraakwa siosi musibala sie Misiri siosi tawe.
16Ma omuruchi nalanga Musa nende Haruni matetekhana, naboola mbu, “Mal'le okhwon'na OMWAMI Nyasaye wenywe halala n'nenywe. 17Luno mundekhele tsimbi tsianje luno lwonyene ma musaaye khu MWAMI Nyasaye wenywe ahiinie esinyasio esibi yisi khu ise.” 18Musa yarula khumuruchi ma nasaaya khu MWAMI. 19Ma OMWAMI nakalukhania omuyeka okwahungutsanga okhurula ebukwe nakukhola okhuhungutsa netsingufu okhurula emasaba nikubukula tsisiche nikutsipulusia okhutsia munyanza inzakhanyu. Kata isiche ndala siyasikalakhwo mu Misiri mwosi tawe. 20Nebutswa OMWAMI yatinyia omwoyo kwomuruchi naye siyalakhuula Abaisiraeli tawe.
Likhupa liesiilima
21Ma OMWAMI nabool'la Musa mbu, “Chinguula omukhono kukwo mwikulu ne esiilima esikali siitsa okhuba khusibala sie Misiri siosi.” 22Musa yachingula omukhono kukwe mwikulu ne esiilima esikali siali khusibala sie Misiri siosi khulwamatukhu kataru.#Etsisa. 105:28; Okhub. 16:10 23Abaamisiri sibali abanyala khulolana nabasiabwe tawe, ne abulaho owarula munyumbamwe olwene yilwo tawe. Nebutswa Abaisiraeli bali nobulafu ahabamenyanga.
24Omuruchi naboola mbu, “Munyala okhutsia okhwekayakaya OMWAMI; kata abakhasi benywe nende abaana benywe banyala okhutsia n'nenywe. Nebutswa amakondi kenywe netsimbusi tsienywe nende tsing'ombe tsienywe okhwola tsisikale.”
25Musa nakalusia mbu, “Khe ibe niwe owanokhuhe emiruko chiokhuhaana emisango nende emisango chindi chiokhusambwa echianakhuhaane khu MWAMI Nyasaye wefwe? 26Tawe khutsie halala nemiruko chiefwe kata ndala sinesikalekhwo tawe. Ifwe abene okhwola khwele emiruko echia khukwana okhwekayakaya OMWAMI Nyasaye wefwe n'natsio. Ne kata olwa nakhube nikhwol'leyo, sinakhumanye emiruko chiokhuhaana omusango tawe.”
27OMWAMI yatinyia omwoyo kwomuruchi ne siyabalakhuula tawe. 28Yabool'la Musa mbu, “Rula imbeli wanje! Oralekha khulolekhwo khandi tawe. Olwa ndikhulola litukhu yilio wakhafwe!”
29Musa namukalusia mbu, “Oli habwene. Siwakhandolekhwo khandi tawe.”
Currently Selected:
OKHURULA 10: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
OKHURULA 10
10
Likhupako lietsisiche
1Ma OMWAMI nabool'la Musa mbu, “Tsia olole omuruchi. Mal'le okhumukhola halala nabemeli baabe okhutinyia emioyo chiabwe khe mbe onyala okhukhola akamangalimwa yaka hakari wabwe, 2khandi khe mbe onyala okhubool'la abaana benywe nende abetsukhulu benywe obwa ndakhola Abaamisiri okhuba abahingwa olwa ndakhola akamangalimwa yaka. Inywe mwesi mulamanya mbu ise nise OMWAMI.”
3Kho Musa nende Haruni batsia khumuruchi nibamubool'la mbu, “OMWAMI Nyasaye wa Baheburania aboolanga mbu, ‘Notsilil'le oluhono sina okhubula okhwelela khu ise? Lekha abandu banje batsie okhundekayakaya. 4Noba notsilil'la okhusuula, kho nandeere tsisiche musibala sisio mukamba. 5Natsibe tsinyinji kata natsitsusie esibala siosi. Natsilie ebindu biosi ebiamachina keifula kabula okhwononia, kata nende emisaala echiasikala. 6Natsitsule hango haho nende mutsinyumba tsiabemeli baabo nende etsiabandu baabo. Natsibe etsiokhwononia okhusila okhuyombakhwo etsiabakuka benywe balola.’ ” Ma omuruchi nasukhana natsia.
7Abemeli bomuruchi nibamubool'la mbu, “Omundu uno natsilil'le okhukhuhelesia omunyakahano okhwola lina? Lekha Abaisiraeli batsie okhwekayakaya OMWAMI Nyasaye wabwe. Ibe siololanga obwesibala sie Misiri sitsuyemwo nende amanyakhano tawe?”
8Kho Musa nende Haruni baleerwa imbeli womuruchi ma naye nababool'la mbu, “Munyala okhutsia okhwekayakaya OMWAMI Nyasaye wenywe. Nebutswa nibena abakwan'ne okhutsia?”
9Musa nakalusia omuruchi mbu, “Ifwe fwesi halala nende abaana nabandu bakhulundu. Nakhubukule abasiani nefwe, nende abakhaana, nende amakondi nende tsing'ombe tsiefwe, sichila okhwola khukhole lisabo liokhuhelesia OMWAMI oluyali.”
10Omuruchi naboola mbu, “Ndesuhanga khu MWAMI oli mwoyo mbu sindakhalekhakhwo mubukule abakhasi benywe nende abaana tawe. Kali habulafu mbu muloosianga okhukhola indiri. 11Sikanyalikha tawe! Abasaatsa bonyene nibo abanabatsie okhwekayakaya OMWAMI yako nikali niko akawenyanga.” Khwing'ana yili Musa nende Haruni bakhungwa imbeli womuruchi.
12Ma OMWAMI nabool'la Musa mbu, “Chinguula omukhono kukwo khusibala sie Emisiri okhuleera tsisiche. Tsitsa okhwitsa ma tsilie esindu siosi esimelanga, siesindu sia amachina keifula karakhupa.” 13Kho Musa yachinga indabusi yiye ma OMWAMI naleera omuyeka okhurula ebukwe okhuhungutsa khusibala litukhu yilio liosi nende obutukhu yibwo bwosi. Olwa bwasia omuyeka kwali nikuler're tsisiche. 14Tsietsa mumisinga ma nitsiyeela khusibala siosi. Tsiali emisinga emikali etsiomundu wosi asili okhulolakhwo khandi etsiomundu alibula okhulolakhwo khandi tawe.#Okhub. 9:2-3 15Tsietsula khusibala ma nisimwama ti. Tsialia siesindu esia amachina keifula kalekha, kata nende amatunde kokhumisala, sibulakhwoho esindu siosi esibisi esiatsialekha khumusaala kwosi nohomba khusiraakwa siosi musibala sie Misiri siosi tawe.
16Ma omuruchi nalanga Musa nende Haruni matetekhana, naboola mbu, “Mal'le okhwon'na OMWAMI Nyasaye wenywe halala n'nenywe. 17Luno mundekhele tsimbi tsianje luno lwonyene ma musaaye khu MWAMI Nyasaye wenywe ahiinie esinyasio esibi yisi khu ise.” 18Musa yarula khumuruchi ma nasaaya khu MWAMI. 19Ma OMWAMI nakalukhania omuyeka okwahungutsanga okhurula ebukwe nakukhola okhuhungutsa netsingufu okhurula emasaba nikubukula tsisiche nikutsipulusia okhutsia munyanza inzakhanyu. Kata isiche ndala siyasikalakhwo mu Misiri mwosi tawe. 20Nebutswa OMWAMI yatinyia omwoyo kwomuruchi naye siyalakhuula Abaisiraeli tawe.
Likhupa liesiilima
21Ma OMWAMI nabool'la Musa mbu, “Chinguula omukhono kukwo mwikulu ne esiilima esikali siitsa okhuba khusibala sie Misiri siosi.” 22Musa yachingula omukhono kukwe mwikulu ne esiilima esikali siali khusibala sie Misiri siosi khulwamatukhu kataru.#Etsisa. 105:28; Okhub. 16:10 23Abaamisiri sibali abanyala khulolana nabasiabwe tawe, ne abulaho owarula munyumbamwe olwene yilwo tawe. Nebutswa Abaisiraeli bali nobulafu ahabamenyanga.
24Omuruchi naboola mbu, “Munyala okhutsia okhwekayakaya OMWAMI; kata abakhasi benywe nende abaana benywe banyala okhutsia n'nenywe. Nebutswa amakondi kenywe netsimbusi tsienywe nende tsing'ombe tsienywe okhwola tsisikale.”
25Musa nakalusia mbu, “Khe ibe niwe owanokhuhe emiruko chiokhuhaana emisango nende emisango chindi chiokhusambwa echianakhuhaane khu MWAMI Nyasaye wefwe? 26Tawe khutsie halala nemiruko chiefwe kata ndala sinesikalekhwo tawe. Ifwe abene okhwola khwele emiruko echia khukwana okhwekayakaya OMWAMI Nyasaye wefwe n'natsio. Ne kata olwa nakhube nikhwol'leyo, sinakhumanye emiruko chiokhuhaana omusango tawe.”
27OMWAMI yatinyia omwoyo kwomuruchi ne siyabalakhuula tawe. 28Yabool'la Musa mbu, “Rula imbeli wanje! Oralekha khulolekhwo khandi tawe. Olwa ndikhulola litukhu yilio wakhafwe!”
29Musa namukalusia mbu, “Oli habwene. Siwakhandolekhwo khandi tawe.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019