YESAYA 63
63
Tumpu nompatundu'mo bansa-bansa
Anu monjagai,
1 #
Yes. 34:5-17, Yer. 49:7-22, Yeh. 25:12-14, 35:1-15, Am. 1:11-12, Ob. 1-14, Mal. 1:2-5 “Ihe na ia anu tinokamo lengka mae i Bozra daerah Edom?
baju'nyo momea', pakeannyo ma'ima' hondo, ia lumajang anggasan ka' mule' tagap.”
Tumpu
“Akumo na Tumpu anu moko ala momposalamat
ka' toka mae momboa lele nu kamangan.”
Anu monjagai
2“Kadaka' pakean nu beleyum momea' sumo atina'
susumo baju' nu anu mompeeti bua' nu anggur?”
Tumpu
3 #
Why. 14:20, 19:13, 19:15 “Sausa'-Ku na ninsoop i tampat pompetian anggur
aha mian anu palesayamo hi beleng-Ku madi' ko anu nontulungi Aku.
To bansa-bansa pinahampeja'akon-Kumo bau nu tambuha'-Ku,
susumo nompeja-peja'mo bua' nu anggur.
Baso' nu aha tinolopinjitmo mae nohomei baju'-Ku,
nohumimi'imo songko-songko baju'-Ku.
4Aku noko batanga'mo sinaanyo anu pombalosakonanmo
ka' tempo'nyo pompobebasanmo mian anu palesayamo hi beleng-Ku.
5 #
Yes. 59:16
Aku nolio, panyo madi' ko anu nontulungi mae,
Aku binangangmo kalana madi' ko anu nombantui mae.
Lantas posi kahosonan-Ku na nontulungi mae Aku
tambuha'-Ku na nontulungi mae Aku.
6I uno nu tambuha'-Ku anu talalomo hondo,
Ku pahampeja'akonmo na to bansa-bansa;
Ku silakaimo na aha,
ka' baso' nu aha Ku bubusakonmo i tano'.”
Kanonongan nu Tumpu hi Israel
7Aku kahanda'mo moleleakon kalibosan nu Tumpu
ka' mompuji' Ia kalana palabuatan-Nyo.
Molabi-labi na balakat-Nyo hi mian anu palesayamo hi Ia,
kalana Ia talalo molibos ka'
kalibosan-Nyo madi' kokamingkotannyo.
8Tumpu notatae, “Memang aha aijo' mian anu palesayamo hi beleng-Ku
to ana-anak anu madi' monsusa'i mae.”
Sahingga Ia tinimbalimo anu Nomposalamatmo aha,
9Iamo ahi' na kinona nu kasusa'an nu aha,
Tumpu madi' nonsai mian kabai anu mombolosakon,
posi Iamo ahi' na nompobebas aha
kalana liibos ka' kalibosan-Nyo.
Ia saja' ahi' monjagai aha
daagi' pe'e naipuan mae.
10Panyo aha notomuhukmo
ka' mule' nomposusa'mo kinyonyoa nu Tumpu.
Sahingga Ia tinimbalimo sampobali' nu aha
posi Iamo ahi' na nahampate nongewa aha.
11Lantas tinonginau'mo tempo'nyo naipuan mae
tempo'nyo i Musa, posaihon nu Tumpu.
Aha nompokilawamo, “Iyamo mae na Tumpu
anu nolaya'mo to pola-polaya' nu aha mian anu pa lesayamo hi Ia notulu i ambai?
Iyamo mae na Tumpu
anu nombee'mo kuasa-Nyo hi aha?
12 #
Kel. 14:21
Iyamo mae na Tumpu anu nonsangaluimo i Musa,
nu lima-Nyo maho-mahoson hondo
ka' nombagimo ohua' na uee i ahop nu aha
da sanggo-nyo talasanggo sampe toka sidu-sidutu'?
13Iyamo mae na Tumpu anu nolaya'mo aha
ilumajang notulu i uee anu maleeng?
Susumo ajahan notulu ipang tampat anu mateges
aha madi' ahi' toho' tinosumpun.”
14Tumpu nomboamo aha itampat pilawean,
susumo potuu'on binoamo da mongotot hemput itampat padang anu ewa.
Sumo aijo'mo na Ia mompotiju' mian anu palesayamo hi Ia,
da sanggo-Nyo opopodaka'.
Do'a mongkakase da okalibosi ka' otulungi mae
15O, Tumpu, toa mae mo uuka atina' i suluga',
lengkat mae atina' ikajojoongan nu Belento anu susi' ka' talasanggo.
Iyamo mae na kalibosan tiba kabaanian nu Belento?
Iyamo mae na kanonongan tiba kalibosan nu Belento?
Boli mae montahan aijo', bee'mo mae hi kami.
16Te misa' Belentomo ahi' na Tuuma mami?
I Abraham tiba i Yakub madi' Monsumbu' kami.
Panyo belento o, Tumpu atina'mo ahi na Tuuma mami
anu Nomposalamatmo kami daagi' pe'e naipuan mae.
17O, Tumpu kadaka' Nu pojohokmo mae na kami sala' na palabuatan mami?
Kadaka' Belento mompobakasmo kinyonyoa mami
sahingga kami madi'mo mongkabuhuk Belento?
Pinsusule'mo mae, o'inau' ahi' na to posa-posaihon nu Belento
O, inau' ahi' mae na mian anu palesayamo hi Belento anu Belentomo na tumpunyo.
18Kadaka' Nu pojohokmo na sampobali' mompahampeja'akonmo Laigan nu Belento,
ka' to mia-mian mohumimi'imo puge'nyo nu Belento anu susi'?
19Belento nongatunmo kantumuu'an mami susumo
au'aitu Belento madi' toho' nongkuasai kami;
susumo au'aitu kami madi' toho' tinimbali mian anu palesayamo hi Belento.
Currently Selected:
YESAYA 63: LAILOE
Highlight
Copy
Compare
Share
Want to have your highlights saved across all your devices? Sign up or sign in
