EZRA 2
2
Daputan nu to mia-mian anu ninsusule'mo lengkat mae i Babel anu pinomboan aha
(Neh. 7:4-73)
1Manjoo' na to mia-mian anu binoa i Babel nompala'imo da'erah Babel lantas ninsusule'mo i Yerusalem ka' Yehuda, toto samian ninsusule'mo i posi kota'nyo. Aha tinumuu'mo i Babel anu pinomboan aha salatanmo pe'e aha ingato i tomundo Nebukadnezar. 2To pola-polaya' nu aha aijo'mo, i Zerubabel, i Yesua, i Nehemia, i Seraya, i Reelaya, i Mordekhai, i Bilsan, i Mispar, i Bigwai, i Rehum tiba i Ba'ana.
Aiyamo na daputan nu aha sa'anakan mae bansa Israel ka' konjoo'nyo nu mian toto sa'angu' na tulunan anu ninsusule'mo lengkat mae i Babel pinomboan aha:
| 3-20Aha sa'anakan mae i Paros | – 2.172 |
| i Sefaca | – 372 |
| i Arah | – 775 |
| i Pahat-Moab (lee' mae i Yesua ka' i Yoab) | – 2.812 |
| i Elam | – 1.254 |
| i Zatu | – 945 |
| i Zakai | – 760 |
| i Bani | – 642 |
| i Bebai | – 623 |
| i Azgad | – 1.222 |
| i Adonikam | – 666 |
| i Bigwai | – 2.056 |
| i Adin | – 454 |
| i Ater (anu osanggohi suele i Hizkia) | – 98 |
| i Bezai | – 323 |
| i Yora | – 112 |
| i Hasum | – 223 |
| i Gibar | – 95 |
21-35To mia-mian anu mompolee'nyo mae, jinojoong i sinin na kota ka' mule' aiya na anu ninsusule'mo mae lengkat i Babel anu pinomboan aha:
| i Kota Betlehem | – 123 |
| i Kota Netofa | – 56 |
| i Kota Anatot | – 128 |
| i Kota Asmawet | – 42 |
| i Kota Kiryat-Arim, Kefira ka' Beerot | – 743 |
| i Kota Rama ka' Gaba | – 621 |
| i Kota Mikhmas | – 122 |
| i Kota Betel ka' Ai | – 223 |
| i Kota Nebo | – 52 |
| i Kota Magbis | – 156 |
| i Kota Elam sangga'at | – 1.254 |
| i Kota Harim | – 320 |
| i Kota Lod, Hadid ka' Ono | – 725 |
| i Kota Yerikho | – 345 |
| i Kota Senaa | – 3.630 |
36-39Aiyamo na daputan nu aha sa'anakan mae na to ima-imam anu ninsusule'mo lengkat mae i Babel anu pinomboan aha:
| i Yedaya (lee' mae i Yesua) | – 973 |
| i Imer | – 1.052 |
| i Pasyhur | – 1.247 |
| i Harim | – 1.017 |
40-42Aha sa'anakan mae i Lewi anu ninsusule'mo lengkat mae i Babel anu pinomboan aha:
| i Yesua tiba Kadmiel (lee' mae i Hodawya) | – 74 |
| Anu lewa' manyanyi i Laigan nu Tumpu (lee' mae i Asaf) | – 128 |
| Mian anu monjagai sabatan daka' i Laigan nu Tumpu (lee' mae i Salum, i Ater, i Talmon, i Akub, i Hatita tiba i Sobai) | – 139 |
43-54Aiyamo na daputan nu aha sa'anakan mae anu mokalaja i Laigan nu Tumpu anu ninsusule'mo lengkat mae i Babel anu pinomboan aha:
I Ziha, i Hasufa, i Tabaot, i Keros, i Siaha, i Padon, i Lebana, i Hagaba, i Akub, i Hagab, i Samlai, i Hanan, i Gidel, i Gahar, i Reaya, i Rezin, i Nekoda, i Gazam, i Uza, i Paseah, i Besai, i Asna, i Neunim, i Nefusim, i Bakbuk, i Hakufa, i Harhur, i Bazlut, i Mehida, i Harsa, i Barkos, i Sisera, i Temah, i Neziah, tiba i Hatifa.
55-57Aha sa'anakan mae anu nongulus kaanon i Salomo, anu ninsusule'mo lengkat i Babel anu pinomboan aha:
i Sotai, i Soferet, i Peruda, i Yaala, i Darkon, i Gidel, i Sefaca, i Hatil, i Pokheret-Hazebaim tiba i Ami.
58Aha sa'anakan anu mokalaja i Laigan nu Tumpu ka' anu mongulus kaanon i Salomo, anu ninsusule'mo mae lengkat i Babel anu pinomboan aha konjoo'nyo 392 na mian.
59-60To mia-mian anu nolengkat mae i kota Tel-Melah, Tel-Harsa, Kerub, Adan ka' Imer, konjoo'nyo 652 na mian. Aha ninsoop sa'anakan mae i Delaya, i Tobia tiba i Nekoda, panyo aha madi'mo noko ala nompobukuti pa' aha aijo' daagi' lee' mae nu bansa Israel.
61-62Pa' sangkuka na aha sa'anakan mae nu to ima-imam suele madi'mo nohumpak tulisan anu montutuhakon lee' mae nu aha, aijo'mo aha sa'anakan mae i Habaya, i Hakos tiba i Barzilai. (Mompolee' mae nu aha sa'anakan i Barzilai no'osoa tiba samian na boune lee' mae nu aha sa'anakan i Barzilai mian nu Gilead, panyo imihinyo mae ia nongalamo sanggo nu aha sa'anakan mae nu moniannyo). Kalana aha madi'mo nonsumbu-sumbu' montutuhakon pa' ihe ahi' na mompolee' nu aha, sahingga aha madi' timbali ohangkat bau imam. 63#Bil. 27:21 I gubernur nu da'erah Yehuda madi' mompobee' aha mongkaan kaanon anu osombahkon hi Tumpu Allah, mompoitaje pokinde' hi Tumpu Allah na imam anu opakeakon Urim ka' Tumim pa' mosia na koo-Nyo.
64-67Anu ninsusule'mo mae i lipu'nyo na to mia-mian anu binoa i Babel konjoo'nyo 42.360 na mian. Ka' sangga'at mule' to posa-posaihon nu aha anu suele ninsusule'mo mae konjoo'nyo 7.337 na mian ka' to panya-panyanyi konjoo'nyo 200 na mian. Aha mule' nomboa mae ahi' binatang nu aha iwi-iwi' aijo'mo:
| Ajahan | – 736 |
| Bagal | – 245 |
| Unta | – 435 |
| Keledai | – 6.720 |
68Salatan mian haha aijo' anu binoa i Babel tinokamo mae i Laigan nu Tumpu kiijo' i Yerusalem, pa' aha tino pia-piangkuka na to pola-polaya' nu aha nombee'mo anu osombahkon kalana kasanangan nu aha da po'ule' obau na Laigan nu Tumpu. 69Aha nombee'mo bau pombantu i yayamo pa'sangkuka na anu pinoko ala nu aha toto samian sahingga anu i humpak 500 na kg, mosoni', 2.800 na kg, salaka, ka' 100 na baju' jubah anu bau baju' nu to ima-imam.
70 #
1Taw. 9:2, Neh. 11:3 To ima-imam, to mia-mian nu Lewi ka' sambahagian na mian da'isan anu jinojoongmo i Yerusalem ka' i iwi-iwi' na kota' anu madi' majo'on i Yerusalem. To mia-mian anu lewa' manyanyi, to mia-mian anu monjagai sabatan i Laigan nu Tumpu ka' to mia-mian Israel sangga'at jinojoongmo i iwi-iwi' na kota' anu kinajojoongan nu mompolee' nu aha naipuan mae.
Currently Selected:
EZRA 2: LAILOE
Highlight
Copy
Compare
Share
Want to have your highlights saved across all your devices? Sign up or sign in
