2 KORINTUS 10
10
I Paulus nontutuhakonmo kahondoannyo ia nompojalan kalajanyo
1Uuka aiya aku i Paulus, monsisikmo apa-apaa hi beleyum. Aku aiya de koonyo nu mian manonong de mompaha ahop tiba komiu, panyo baani de to majo'onanmo. Jadi, kalana kanonongan ka' ka'ima'an nu kinyonyoa i Kristus, 2kupoita sabole-bole boli monsaduakon aku, sahingga aku masigomo hi komiu de aku tokamo itina'. Kalana aku ko kahanda'mo masigo na mongatun to mia-mian anu nonontaloakonmo tukoonyo kami mokalaja ola kalana kapentingan nu dunia. 3Kami memang daagi' tutuu' i uno nu dunia, panyo kami madi' mombau apa-apaa de ola kalana kapentingan nu dunia. 4Posadiaon toongon anu opake mami i uno nu usaha mami misa' posadiaon toongon nu dunia aiya, panyo posadiaon toongon nu Tumpu Allah, anu matangkas na kuasa-Nyo. Tiba posadiaon toongon haha aijo' kami monggalisi to bente-benteng; pompedas mami de kami painggagamo, 5ka' montumpak to bente-benteng nu kasombongan anu opotinjo bau pongewa kapandean da osumbu' na Tumpu. Ihungku'anmo mami na pikilan nu to mia-mian, ka' mompotimbalimo aha tinundu'mo hi Kristus. 6Ka' de komiu tulu-tulutanmo totu-totu'u, kami mohukumo mian iwi-iwi' anu madi' tulu-tulutan.
7Sinsu-sinsumbu'mo ahi' na komiu i han anu sahondo-hondonyo. De toto samian palesayamo tukoonyo, ia anumo i Kristus, yo tutugimo ahi' na posi butong, ka' sinsumbu'mo ahi' saba' kami singkona anumo i Kristus pokakana sumo ia. 8Aku madi' ma'ambang de aku talalo mombuulakon kakuasa'an anu binee'mo nu Tumpu hi kami, kalana kakuasa'an aijo' binee' mae da mombangonakon komiu misa' da mongidei. 9Aku madi' mongka'oho' komiu mongoa'i au'aitu aku mompopobuhuk komiu nu sulatku haha aiya. 10Mian notatae, “Sulat i Paulus haha aijo' talalo hondo mapohos ka' o'adati hondo, panyo de posi ia na aiya hi kita, butongnyo mangkuyu ka' potataenyo madi' ko alati'nyo apa-apaa!” 11Sabenanyo mian anu sumo aijo' sinsumbu' ahi', de kami daagi' aiya hi komiu, pongatun mami memang pokakana sumo apaa na anu tinulismo mami i uno nu sulat mami haha aijo'.
12Memang ahi' kami madi' baani na momposukatakon kabai montampatakon butong mami pokakana tiba to mia-mian anu mongoa'i butongnyo pande hondo. Ponga' hondo na aha! Aha mosi bau sukatan ka' mosi angga'i butongnyo nu sukatan aijo'. 13Kami madi' sumo aijo'. De kami kobubuun, kami madi' moliu-liu batas. Kami jojoong i batas-batas nu da'erah pokalajan anu tiniju'mo nu Tumpu hi kami. Ka' komiu tinonsoopmo suele i uno nu da'erah aijo'. 14Jadi, tempo'nyo kami namba nolenga komiu ka' nomboa Lele Ma'ima' mongkona i Kristus hi komiu, kami totu-totu'u madi' nosabat lengkat i batas-batas nu da'erah pokalajan mami. 15Kami madi' mompuji' posi butong mami i pokalajan nu mian sangga'at anu daagi' i sambiha'nyo nu batas anu tiniju'mo nu Tumpu Allah hi kami. Ola ahi' kami tataap i batas-batas anu tiniju'mo nu Tumpu hi kami ka' montaha'imani da komiu mompaka palesaya hi Kristus, da kami timbali mombau kalaja anu lebe daka' hi komiu. 16Desumo aitu yo kami timbali mompolele suele Lele Ma'ima' aijo' i to lipu-lipu' sangga'at mau madi' pilenje mombuulakon butong i pakalaja'an anu binaumo i da'erah pokalajan nu mian sangga'at.
17 #
Yer. 9:24
I uno nu Kitab nu Tumpu tinulismo, “Mian anu mongka'oho' mombuulakon apa-apaa, tionyo ahi' mombuulakon apaa na anu binaumo nu Tumpu.” 18Kalana mian anu opuji' aitumo mian anu nu puji' nu Tumpu, misa' mian anu mosi puji' butongnyo.
Currently Selected:
2 KORINTUS 10: LAILOE
Highlight
Copy
Compare
Share
Want to have your highlights saved across all your devices? Sign up or sign in
