2Tesalonika 2
2
Kristus wagidek werek nggorlek, at obabut mondok weyak mende etnogo selekma atluk oba nen kagasugun wene
1Nagarlagi nirugi o. Ninewe Endaganggok Yesus Kristus ebe witluk nen, at ninom omanggimo doguwogoluk nandot ninabi wisigin eti pasik, kinasuk dikogo wasik. 2Ninewe Endaganggok wisigin etinem arat kagat lagama salek, it akoni amberek nen,
“Allah Agurengge nen yigit diluk yokneke mendeat,” yiluk yokisigik, it amberek nen,
“Wene ebe yigit diluk mendeat,” yiluk yokisigik, it amberek nen, wene nit nen kolal mbalko mende pasik,
“Ebe yigit diluk mendeat,” yiluk yokisigik, yiligogi eti paga, kinendainggen ibat narlok-karlok yiluk dil wasunogo yiluk yokisigi o. 3Akoni amberek nen,
“Allah ninaʼit,” yiluk, togot diyalok dukigik, at obabut mondok weyak mende yabunggane Allah nen kindu aik weyakma laʼbiyagin mende etnogo selekma agik, esigit diluk ndak kagasugun eti paga, it amberek nen yigit diluk yigik, ndigit diluk yigik, yisi dogolik, nuket dinagunogo. Naʼit. 4At eti ebe selekma atluk nen, Allah ago palekma melasi unggiluk, enggaerek nen pogorakasi dogolik,
“Akoni nen, yi mende ndi mende paga panggot diluk dogolik pogorarigogi mende inom,
Ninombae ebe yi, yiluk yiligogi mende eti taʼbokogonat inom, erlok dek arlek mende, nggok Allah nebe anat o,” yiluk yisi dogogin o.
5Taʼbokogonat esigit diluk kagat lasigin eti pasik, an kit ninom dogolik yokisasi lagagi etnogo kinakla eberek dek werek nogo? Eberegat werek ambaligogo. 6At obabut weyak mende ebe wagidek werek eti, omanggi mende nen paʼbiluk werek, yiluk, kiniluat o. Paʼbiluk werekma, at Allah nenat,
“Selekma asuwak,” yiluk yigin ndak-ndagat selekma asiginat o. 7Mende, akoni amberek nen,
“Allah ninaʼit o,” yiluk, togot diyalok dukiluk inobabut weyak kagasugun mende, yogondak limago kagarigogiat o. Mende, at omanggi nen paʼbiluk werek mende eti Allah nen wula ʼbumo, 8at obabut mondok weyak mende etnogo selekmaat wisigin. Witluk nen, weyak kagako werekma, ninewe Endaganggok Yesus pogorako nggorlek yabunggane wago dogolik ambelaga nen pupogo ebe warogo mondok deget digin o. 9Warogo deget digin mende awan werek nggorlek, at obabut mondok weyak mende etnogo, Iblis nen obatne wogosumo akoni nen pogorakik, at oba ebekik, kagasuwagaluk, yi mende ndi mende kagasusak dek mende eberogonat salek elalinat kagako dogogin. 10Elalinat kagako dogolik, ebe wene eti, akoni warlok nen waganumo Allah nen ndil inabusak mendeat, at obabut weyak mende etnogo nen nukerinakonem, it nen,
“Ebe wene eti ninaʼit o,” yiluk, yisi dogogun eti paga weyagarinabigin o. 11-12It akoni eti nen ebe wene eberogonat yiluk waganggidek dogolik,
“Weyak mende etiat warlok,” yiluk kagako dogogun mende eti inebe taʼbokogonat Allah nen wene inoba ʼbiluk, weyagarinabigiluk, nukerinabigogo mende obatne werek mende omanggi laʼbi wisigin. Laʼbi wisumo, enggalat yigin mende, eberogonat salek waganugun o.
“Kit Allah nen ndil kinabigiluk mikinakike,” yiluk yogisasike wene
13Nagarlagi nirugi o. Kinebe ninewe Endaganggok nen kinaʼbuwa werek o. Erlo paga Allah nen kinebe ndil kinabigiluk mikinakikemo, kit nen ebe wene eti eberogonat yiluk waganggik, nen, kinebe Allah Agurengge nen Allah enggaerek ake ʼbakalok nggarelogo ʼbiyigik, kagako dogogun eti paga ndil kinabigin eti paga, nit Allah keyagi wasusak ndak-ndagat, kit kinake keyagi wako mondok werek o. 14Ninewe Endaganggok Yesus Kristus pogorako mondok dogoligogi kak, kit esigit dilugat kinom pogot kinabuwagaluk, Allah warlok nen pano wene nit nen yokisa wagagu eti paga, kinayonggo ʼbinagekemo werek. 15Eti paga, nagarlagi nirugi o. Wene nit nen yanggul kisasi dogolik ninane paga nen yokisigik, kolal mbalogo kinoba laʼbi wagik, kagakugu mende eti kininggi aʼbetogo pago dogolik, kinobatnerogo mendek dogono o. 16At ninewe Endaganggok Yesus Kristus, ninombae Allah imbisak inobabut pano etnogo nen, ninaʼbuwa niyigik, ninendainggen aborlok dek mondok dogowagaluk ago wat dinanggik, pano asigin yiluk oba eberek dogowagaluk ninakla nggagalkik, kagarigogi o. 17Esigit diluk kagarigogi mende etnogo nen, kit kininggi nen pano mende kagakik, kinane paga pano mende yogisigik, kagako dogobagik nen yiluk, kinakla panot kinakik, kinendainggen korlet kinakik, kagako dogowak o.
Currently Selected:
2Tesalonika 2: DNA
Highlight
Copy
Compare
Share
Want to have your highlights saved across all your devices? Sign up or sign in
2Tesalonika 2
2
Kristus wagidek werek nggorlek, at obabut mondok weyak mende etnogo selekma atluk oba nen kagasugun wene
1Nagarlagi nirugi o. Ninewe Endaganggok Yesus Kristus ebe witluk nen, at ninom omanggimo doguwogoluk nandot ninabi wisigin eti pasik, kinasuk dikogo wasik. 2Ninewe Endaganggok wisigin etinem arat kagat lagama salek, it akoni amberek nen,
“Allah Agurengge nen yigit diluk yokneke mendeat,” yiluk yokisigik, it amberek nen,
“Wene ebe yigit diluk mendeat,” yiluk yokisigik, it amberek nen, wene nit nen kolal mbalko mende pasik,
“Ebe yigit diluk mendeat,” yiluk yokisigik, yiligogi eti paga, kinendainggen ibat narlok-karlok yiluk dil wasunogo yiluk yokisigi o. 3Akoni amberek nen,
“Allah ninaʼit,” yiluk, togot diyalok dukigik, at obabut mondok weyak mende yabunggane Allah nen kindu aik weyakma laʼbiyagin mende etnogo selekma agik, esigit diluk ndak kagasugun eti paga, it amberek nen yigit diluk yigik, ndigit diluk yigik, yisi dogolik, nuket dinagunogo. Naʼit. 4At eti ebe selekma atluk nen, Allah ago palekma melasi unggiluk, enggaerek nen pogorakasi dogolik,
“Akoni nen, yi mende ndi mende paga panggot diluk dogolik pogorarigogi mende inom,
Ninombae ebe yi, yiluk yiligogi mende eti taʼbokogonat inom, erlok dek arlek mende, nggok Allah nebe anat o,” yiluk yisi dogogin o.
5Taʼbokogonat esigit diluk kagat lasigin eti pasik, an kit ninom dogolik yokisasi lagagi etnogo kinakla eberek dek werek nogo? Eberegat werek ambaligogo. 6At obabut weyak mende ebe wagidek werek eti, omanggi mende nen paʼbiluk werek, yiluk, kiniluat o. Paʼbiluk werekma, at Allah nenat,
“Selekma asuwak,” yiluk yigin ndak-ndagat selekma asiginat o. 7Mende, akoni amberek nen,
“Allah ninaʼit o,” yiluk, togot diyalok dukiluk inobabut weyak kagasugun mende, yogondak limago kagarigogiat o. Mende, at omanggi nen paʼbiluk werek mende eti Allah nen wula ʼbumo, 8at obabut mondok weyak mende etnogo selekmaat wisigin. Witluk nen, weyak kagako werekma, ninewe Endaganggok Yesus pogorako nggorlek yabunggane wago dogolik ambelaga nen pupogo ebe warogo mondok deget digin o. 9Warogo deget digin mende awan werek nggorlek, at obabut mondok weyak mende etnogo, Iblis nen obatne wogosumo akoni nen pogorakik, at oba ebekik, kagasuwagaluk, yi mende ndi mende kagasusak dek mende eberogonat salek elalinat kagako dogogin. 10Elalinat kagako dogolik, ebe wene eti, akoni warlok nen waganumo Allah nen ndil inabusak mendeat, at obabut weyak mende etnogo nen nukerinakonem, it nen,
“Ebe wene eti ninaʼit o,” yiluk, yisi dogogun eti paga weyagarinabigin o. 11-12It akoni eti nen ebe wene eberogonat yiluk waganggidek dogolik,
“Weyak mende etiat warlok,” yiluk kagako dogogun mende eti inebe taʼbokogonat Allah nen wene inoba ʼbiluk, weyagarinabigiluk, nukerinabigogo mende obatne werek mende omanggi laʼbi wisigin. Laʼbi wisumo, enggalat yigin mende, eberogonat salek waganugun o.
“Kit Allah nen ndil kinabigiluk mikinakike,” yiluk yogisasike wene
13Nagarlagi nirugi o. Kinebe ninewe Endaganggok nen kinaʼbuwa werek o. Erlo paga Allah nen kinebe ndil kinabigiluk mikinakikemo, kit nen ebe wene eti eberogonat yiluk waganggik, nen, kinebe Allah Agurengge nen Allah enggaerek ake ʼbakalok nggarelogo ʼbiyigik, kagako dogogun eti paga ndil kinabigin eti paga, nit Allah keyagi wasusak ndak-ndagat, kit kinake keyagi wako mondok werek o. 14Ninewe Endaganggok Yesus Kristus pogorako mondok dogoligogi kak, kit esigit dilugat kinom pogot kinabuwagaluk, Allah warlok nen pano wene nit nen yokisa wagagu eti paga, kinayonggo ʼbinagekemo werek. 15Eti paga, nagarlagi nirugi o. Wene nit nen yanggul kisasi dogolik ninane paga nen yokisigik, kolal mbalogo kinoba laʼbi wagik, kagakugu mende eti kininggi aʼbetogo pago dogolik, kinobatnerogo mendek dogono o. 16At ninewe Endaganggok Yesus Kristus, ninombae Allah imbisak inobabut pano etnogo nen, ninaʼbuwa niyigik, ninendainggen aborlok dek mondok dogowagaluk ago wat dinanggik, pano asigin yiluk oba eberek dogowagaluk ninakla nggagalkik, kagarigogi o. 17Esigit diluk kagarigogi mende etnogo nen, kit kininggi nen pano mende kagakik, kinane paga pano mende yogisigik, kagako dogobagik nen yiluk, kinakla panot kinakik, kinendainggen korlet kinakik, kagako dogowak o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in