1Tesalonika 5
5
“Ninewe Endaganggok wagonem, elokoma nggarelogo ʼbiluk dogusak,” yiluk yogisasike wene
1-2Nagarlagi nirugi o. Akoni amberek ininggi abusak waganuwogoluk kibanggo inonggodegat werekma wirigogi kak, ninewe Endaganggok wisigin etinem esigit dilugat werekma wisigin yiluk, kit dikogo kiniluat werek o. Eti paga, an nen,
“Etinem kagat lasigin, yinem kagat lasigin,” yiluk kolal mbalogo kinoba laʼbi wisusak dek o. 3Akoni nen,
“Nit pano laʼbukogo werek o,” yiluk, yisi nggorlegat, kumi ineyagi inaburla mende inonggodegat werekma inebe endaginabusak ndak-ndakma ineyak kenet weyak warigogi kak, esigit dilugat it inonggodegat werekma weyagarinakonem lo dukusak erlok dek asigin o. 4Mende, nagarlagi nirugi o. Kit o amummo dogolepma, akoni inonggodegat werekma ininggi abusak waganuwogoluk wagonem inagut liligogi kak, etinem kit kinonggodegat werekma kinagut lalep o. Mende, kit o amummo werek dek eti paga, kinagut lausak dek o. 5Akoni o dinggagane liya paga dogoligogi kak, kit taʼbokogonat liya eti indewerek mendeat werek o. Nit o kibanggo amummo dogoligogi kak, eti mende indewerek werek ʼbuk. Dek o. 6Eti paga, it amberek noge negen yiligogi eti nit esigit diluk yisi dogusak erlok dek o. At te, ninobabut kwalogo dogolik, ninendainggen enggerlogoat doguwok o. 7Akoni noge yiligogi eti kibanggoneat noge yiligogi o. Nen, anggur enggen ambusu nalok kunu-gunu negen arigogi eti kibanggoneat nalok kunu-gunu arigogi o. 8Mende, nit o liya paga werek mende yi, ninobabut kwalogo dogusak. Ninobabut kwalogo dogolik akoni amberek nen inasunogo yiluk sin inobake paga yirigogi kak, ninendainggen Allah oba panggot diluk dogolik, akoni inebe inaʼbuwarogo werek eti mendeat yikigik, inunggulowakma ninasunogo yiluk inunggulagiye aʼbet mende dangguligogi kak, Allah nen ndilogo panot ninabigin yiluk, ninakla pano werek eti mendeat dangguligik, kagako doguwok o. 9Allah akla agaga nit ninoba ʼbiluk weyagat ninabigiluk mik ninakike dek. At te, ninewe Endaganggok Yesus Kristus nen ndilogo panot ninabuwagaluk mikninakike o. 10At Yesus ebe nit ninake ninom niniluk mondok doguwogoluk watlagikesik nen, yabunggane wisigin eti ninebe watlatlukmo wisigin a? Niniluk werekma wisigin a. Pano arlek. At ebe witluk, ninom niniluk mondok dogogun o. 11Eti paga, kit yogondak ya kagarigogi kagat, kit-kit kinasuk wat-wat yigik, kinendainggen ago wat-wat yigik, kagako dogono o.
Wene ilugun oba arat inasuk wakik, keyagi warinakik, kagakike wene
12Nagarlagi nirugi o. Kineugi pakisek werek eti, ninewe Endaganggok nen mendiyasikemo dogolik, kit kinake inobatnerogo kagakik, kinasuk wakik, kagarigogi eti paga, irat inapma dogolik, kinane inalon palogo yogisasi dogono o. 13It esigit diluk kagarigogi eti paga, kinakla nen,
“Irat nineugi inalon palogo doguwok o,” yiluk ambasi dogolik, inebe inaʼbuwarogo dogono o. Inaʼbuwarogo dogolik, kit-kit kinom dambukogo panorogo kagako dogono o.
14Nagarlagi nirugi o. Kit nen, it amberek yabu waganuʼbuk ininggi waganu weyak mende eti inasuk wakik, inayuk weyak mende eti inakla nggagalkik, inobatne dek mende eti yamagiyigik, kagako dogolik, akoni taʼbokogonat inake kinoba enagogo erogat kagako dogono o. 15Akoni nen kit amberek weyagat kinakonem, onggo-onggo weyagarinakidek dogolik, kit-kit kinake inom, akoni taʼbokogonat inake inom, pano kagako dogusak mendeat nggogot disi dogono o.
16Kinakla arlenggen kasi mondok dogono o. 17Sembayan kunik-kunik yisi mondok dogono o. 18Allah akla nen,
“Kit Kristus Yesus kinom kunik dogolik, yi mende ndi mende taʼbokogonat pasik an keyagi watnako dogusak o,” yiluk ambaligogo eti paga, esigit dilugat kagako dogono o. 19Allah Agurengge ane sebelogo ʼbigik, 20Allah wene at Agurengge nen inakla nggagalogo yogisiligogo mende eti kinakla kai digik, kagako dogogup o. 21Yi mende ndi mende waganuwogoluk,
“Yi pano, yi weyak,” yiluk kinakla nen walkalok, pano mende kalogat, kininggi aʼbetogo pago dogolik, 22weyak mende yi weyak ndi weyak kagarigogi kalok, taʼbokogonat kagakidek dogono o.
23Esigit diluk werekma, at Allah ninendainggen kambugut dinaligogo mende etnogo nen, kinebe abirat enggaerek ake ʼbakalok dogowak o. Werekma, ninewe Endaganggok ebe wagonem, kinendainggen inom, kinebe inom, kinobabut inom, wene kinoba ʼbusak mondok dek nggaʼberek werekma wisuwak nen, at nenat pakisek dogowak o. 24At ninombae Endaganggok Allah ninayonggo ʼbisike mende etnogo nen,
“Esigit diluk kagat kinabigin,” yiluk abok yoknisiligogo ndak-ndagat kagarigogo etnogo nen pakisek dogoluk, eberogonat kagat kinabiginat o.
25Nagarlagi nirugi o. Nit ninake sembayan yisi dogono o.
26Kit nen,
“Paulus agarlagi inom nen keyagi esigit diluk watkinaka o,” yiluk, Allah aʼburi dogolik inobabut kagarigogi kagat, kinagarlagi kinirugi Allah aʼburi mende amberek taʼbokogonat keyagi panorogo warinabik lano o. 27Wene kolal mbalogo laʼbi wago mende eti kinagarlagi kinirugi Allah aʼburi mende amberek taʼbokogonat inil oba endaga wenasubagik nen yiluk nane obatnerogo ninewe Endaganggok endaga mbalogo yokisigi o. 28Ninewe Endaganggok Yesus Kristus obabut pano etnogo nen panorogo pakisek dogowak o.
Currently Selected:
1Tesalonika 5: DNA
Highlight
Copy
Compare
Share
Want to have your highlights saved across all your devices? Sign up or sign in
1Tesalonika 5
5
“Ninewe Endaganggok wagonem, elokoma nggarelogo ʼbiluk dogusak,” yiluk yogisasike wene
1-2Nagarlagi nirugi o. Akoni amberek ininggi abusak waganuwogoluk kibanggo inonggodegat werekma wirigogi kak, ninewe Endaganggok wisigin etinem esigit dilugat werekma wisigin yiluk, kit dikogo kiniluat werek o. Eti paga, an nen,
“Etinem kagat lasigin, yinem kagat lasigin,” yiluk kolal mbalogo kinoba laʼbi wisusak dek o. 3Akoni nen,
“Nit pano laʼbukogo werek o,” yiluk, yisi nggorlegat, kumi ineyagi inaburla mende inonggodegat werekma inebe endaginabusak ndak-ndakma ineyak kenet weyak warigogi kak, esigit dilugat it inonggodegat werekma weyagarinakonem lo dukusak erlok dek asigin o. 4Mende, nagarlagi nirugi o. Kit o amummo dogolepma, akoni inonggodegat werekma ininggi abusak waganuwogoluk wagonem inagut liligogi kak, etinem kit kinonggodegat werekma kinagut lalep o. Mende, kit o amummo werek dek eti paga, kinagut lausak dek o. 5Akoni o dinggagane liya paga dogoligogi kak, kit taʼbokogonat liya eti indewerek mendeat werek o. Nit o kibanggo amummo dogoligogi kak, eti mende indewerek werek ʼbuk. Dek o. 6Eti paga, it amberek noge negen yiligogi eti nit esigit diluk yisi dogusak erlok dek o. At te, ninobabut kwalogo dogolik, ninendainggen enggerlogoat doguwok o. 7Akoni noge yiligogi eti kibanggoneat noge yiligogi o. Nen, anggur enggen ambusu nalok kunu-gunu negen arigogi eti kibanggoneat nalok kunu-gunu arigogi o. 8Mende, nit o liya paga werek mende yi, ninobabut kwalogo dogusak. Ninobabut kwalogo dogolik akoni amberek nen inasunogo yiluk sin inobake paga yirigogi kak, ninendainggen Allah oba panggot diluk dogolik, akoni inebe inaʼbuwarogo werek eti mendeat yikigik, inunggulowakma ninasunogo yiluk inunggulagiye aʼbet mende dangguligogi kak, Allah nen ndilogo panot ninabigin yiluk, ninakla pano werek eti mendeat dangguligik, kagako doguwok o. 9Allah akla agaga nit ninoba ʼbiluk weyagat ninabigiluk mik ninakike dek. At te, ninewe Endaganggok Yesus Kristus nen ndilogo panot ninabuwagaluk mikninakike o. 10At Yesus ebe nit ninake ninom niniluk mondok doguwogoluk watlagikesik nen, yabunggane wisigin eti ninebe watlatlukmo wisigin a? Niniluk werekma wisigin a. Pano arlek. At ebe witluk, ninom niniluk mondok dogogun o. 11Eti paga, kit yogondak ya kagarigogi kagat, kit-kit kinasuk wat-wat yigik, kinendainggen ago wat-wat yigik, kagako dogono o.
Wene ilugun oba arat inasuk wakik, keyagi warinakik, kagakike wene
12Nagarlagi nirugi o. Kineugi pakisek werek eti, ninewe Endaganggok nen mendiyasikemo dogolik, kit kinake inobatnerogo kagakik, kinasuk wakik, kagarigogi eti paga, irat inapma dogolik, kinane inalon palogo yogisasi dogono o. 13It esigit diluk kagarigogi eti paga, kinakla nen,
“Irat nineugi inalon palogo doguwok o,” yiluk ambasi dogolik, inebe inaʼbuwarogo dogono o. Inaʼbuwarogo dogolik, kit-kit kinom dambukogo panorogo kagako dogono o.
14Nagarlagi nirugi o. Kit nen, it amberek yabu waganuʼbuk ininggi waganu weyak mende eti inasuk wakik, inayuk weyak mende eti inakla nggagalkik, inobatne dek mende eti yamagiyigik, kagako dogolik, akoni taʼbokogonat inake kinoba enagogo erogat kagako dogono o. 15Akoni nen kit amberek weyagat kinakonem, onggo-onggo weyagarinakidek dogolik, kit-kit kinake inom, akoni taʼbokogonat inake inom, pano kagako dogusak mendeat nggogot disi dogono o.
16Kinakla arlenggen kasi mondok dogono o. 17Sembayan kunik-kunik yisi mondok dogono o. 18Allah akla nen,
“Kit Kristus Yesus kinom kunik dogolik, yi mende ndi mende taʼbokogonat pasik an keyagi watnako dogusak o,” yiluk ambaligogo eti paga, esigit dilugat kagako dogono o. 19Allah Agurengge ane sebelogo ʼbigik, 20Allah wene at Agurengge nen inakla nggagalogo yogisiligogo mende eti kinakla kai digik, kagako dogogup o. 21Yi mende ndi mende waganuwogoluk,
“Yi pano, yi weyak,” yiluk kinakla nen walkalok, pano mende kalogat, kininggi aʼbetogo pago dogolik, 22weyak mende yi weyak ndi weyak kagarigogi kalok, taʼbokogonat kagakidek dogono o.
23Esigit diluk werekma, at Allah ninendainggen kambugut dinaligogo mende etnogo nen, kinebe abirat enggaerek ake ʼbakalok dogowak o. Werekma, ninewe Endaganggok ebe wagonem, kinendainggen inom, kinebe inom, kinobabut inom, wene kinoba ʼbusak mondok dek nggaʼberek werekma wisuwak nen, at nenat pakisek dogowak o. 24At ninombae Endaganggok Allah ninayonggo ʼbisike mende etnogo nen,
“Esigit diluk kagat kinabigin,” yiluk abok yoknisiligogo ndak-ndagat kagarigogo etnogo nen pakisek dogoluk, eberogonat kagat kinabiginat o.
25Nagarlagi nirugi o. Nit ninake sembayan yisi dogono o.
26Kit nen,
“Paulus agarlagi inom nen keyagi esigit diluk watkinaka o,” yiluk, Allah aʼburi dogolik inobabut kagarigogi kagat, kinagarlagi kinirugi Allah aʼburi mende amberek taʼbokogonat keyagi panorogo warinabik lano o. 27Wene kolal mbalogo laʼbi wago mende eti kinagarlagi kinirugi Allah aʼburi mende amberek taʼbokogonat inil oba endaga wenasubagik nen yiluk nane obatnerogo ninewe Endaganggok endaga mbalogo yokisigi o. 28Ninewe Endaganggok Yesus Kristus obabut pano etnogo nen panorogo pakisek dogowak o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in