1Tesalonika 3
3
1Nit kit kinake ninendainggen sebelusak erlok dek agama nen, men ambogo. Nit o Atena yoma ninarligat dogogun o. 2-3Werek nggorlek, at ninagot Timotius, pano wene Kristus kagakike wene etnogo ninomat, Allah pasik yogisilik noko lago mende etnogo, akoni nen yi aik ndi aik kagat kinabigogi eti paga, kit kinendainggen Kristus oba panggot disigip mende aborlok yunogo yiluk, kinendainggen ago watkinakik, kinasuk wakik, kagako dogowagaluk kinoba laʼbi wago o. Yi aik ndi aik kagat ninabigogi eti, Allah nen nit ninake akla ambasi dogolik,
“Esigit diluk kagat kinako dogogun,” yiluk yisike kagat kagat ninabigogi eti, kiniluat o. 4Nit alebagik kit ninom dogolik,
“Yabunggane yi aik ndi aik kagat ninako dogogunat o,” yiluk, yokisasugu etnogo ndak-ndagat kagat ninabigogi eti kinilu o. 5Eti paga, at Iblis ninakla nggagaligogo mende etnogo nen kinakla nggagali wisumo, nit nen kit kinake sereyak-moreyak kagako lagagu etnogo we yugunat wirlikogo kagat lasu naʼit o, yiluk nendainggen pisik dogolik, sebelusak erlok dek agama nen,
“Inendainggen Kristus oba panggot diluk werek a? Dek a,” yiluk at Timotius nen kinaren mbaliluk nen, yoknisi wisuwagaluk, kinoba laʼbi wagi o.
6Nen, at Timotius kinoba laʼbi wagima waga etnaga, yogondak iyogoba ninoba wagasik nen, kit kinendainggen Kristus oba panggot diluk dogolik, akoni amberek inaʼbuwarogo kagako lagap mende eti, yoknisigik, nit nen,
“It inelokonggen ninilenggen iyelep o,” yiluk warlok ambasi lago kak, kit nen esigit dilugat ninoba eberek mondok dogolik.
“It inobabut pano etnogo ninilenggen iyelep o,” yiluk, ambasi lagap mende eti yoknisa wagama nen, ninakla arlenggen kiligogi o. 7Nagarlagi nirugi o. Nit yi aik ndi aik wiyik-weyakogo kagat ninako nggorlegat, kit kinendainggen Kristus oba panggot diluk werek eti paga, kit pasik ninakla pano agama werek. 8Esigit diluk dogolik, kit ninewe Endaganggok kinom kunik dogolik, kambukogo mendek werek eti paga, nit nen yogondak ninendainggen aborlok dek pano werek o. 9Nit ninombae Allah il obaat dogolik, kit pasik ninakla arlenggen kasi mondok werek eti paga, Allah keyagi mondok nggokogo wako werekma yabunggane keyagi ninggit diluk wasuʼbuk kagat larigogo. 10Kit kinendainggen Kristus oba panggot disigip mende, awan negen eti paga, nit ninebe kinoba witluk nen kinendainggen yabunggane ago wat dinagi wisuwogoluk, sembayan kit kinake dinggagane kibanggone yisi mondok werek o.
11Nit yabunggane kinoba wisuwogoluk mende, ninombae Allah enggaerek inom, ninewe Endaganggok Yesus inom, imbisak nenat kolak motogo yakniyawak. 12Nit nen kit kinebe kinaʼbuwarogo werek kak, kit nen esigit dilugat kit-kit naʼbuwa-kaʼbuwarogo kagakik, akoni taʼbokogonat inaʼbuwarogo kagakik, nggokogonat inaʼbuwa kasi dogobagik nen yiluk, ninewe Endaganggok nen kinobabut akoni inaʼbuwa kiligogi eti mende oba dukogo omanggi inomat wokisasi dogowak. 13Esigit diluk kagat kinako dogoluk nen, ninewe Endaganggok Yesus enggaerek agoromi inomat wagonem, kinebe ninombae Allah enggaerek ake ʼbiyalok, at il oba wene kinoba dek pano nggaʼberek werekma ʼbikiya wisuwak nen, kinendainggen korlet kinako dogowak o.
Currently Selected:
1Tesalonika 3: DNA
Highlight
Copy
Compare
Share
Want to have your highlights saved across all your devices? Sign up or sign in
1Tesalonika 3
3
1Nit kit kinake ninendainggen sebelusak erlok dek agama nen, men ambogo. Nit o Atena yoma ninarligat dogogun o. 2-3Werek nggorlek, at ninagot Timotius, pano wene Kristus kagakike wene etnogo ninomat, Allah pasik yogisilik noko lago mende etnogo, akoni nen yi aik ndi aik kagat kinabigogi eti paga, kit kinendainggen Kristus oba panggot disigip mende aborlok yunogo yiluk, kinendainggen ago watkinakik, kinasuk wakik, kagako dogowagaluk kinoba laʼbi wago o. Yi aik ndi aik kagat ninabigogi eti, Allah nen nit ninake akla ambasi dogolik,
“Esigit diluk kagat kinako dogogun,” yiluk yisike kagat kagat ninabigogi eti, kiniluat o. 4Nit alebagik kit ninom dogolik,
“Yabunggane yi aik ndi aik kagat ninako dogogunat o,” yiluk, yokisasugu etnogo ndak-ndagat kagat ninabigogi eti kinilu o. 5Eti paga, at Iblis ninakla nggagaligogo mende etnogo nen kinakla nggagali wisumo, nit nen kit kinake sereyak-moreyak kagako lagagu etnogo we yugunat wirlikogo kagat lasu naʼit o, yiluk nendainggen pisik dogolik, sebelusak erlok dek agama nen,
“Inendainggen Kristus oba panggot diluk werek a? Dek a,” yiluk at Timotius nen kinaren mbaliluk nen, yoknisi wisuwagaluk, kinoba laʼbi wagi o.
6Nen, at Timotius kinoba laʼbi wagima waga etnaga, yogondak iyogoba ninoba wagasik nen, kit kinendainggen Kristus oba panggot diluk dogolik, akoni amberek inaʼbuwarogo kagako lagap mende eti, yoknisigik, nit nen,
“It inelokonggen ninilenggen iyelep o,” yiluk warlok ambasi lago kak, kit nen esigit dilugat ninoba eberek mondok dogolik.
“It inobabut pano etnogo ninilenggen iyelep o,” yiluk, ambasi lagap mende eti yoknisa wagama nen, ninakla arlenggen kiligogi o. 7Nagarlagi nirugi o. Nit yi aik ndi aik wiyik-weyakogo kagat ninako nggorlegat, kit kinendainggen Kristus oba panggot diluk werek eti paga, kit pasik ninakla pano agama werek. 8Esigit diluk dogolik, kit ninewe Endaganggok kinom kunik dogolik, kambukogo mendek werek eti paga, nit nen yogondak ninendainggen aborlok dek pano werek o. 9Nit ninombae Allah il obaat dogolik, kit pasik ninakla arlenggen kasi mondok werek eti paga, Allah keyagi mondok nggokogo wako werekma yabunggane keyagi ninggit diluk wasuʼbuk kagat larigogo. 10Kit kinendainggen Kristus oba panggot disigip mende, awan negen eti paga, nit ninebe kinoba witluk nen kinendainggen yabunggane ago wat dinagi wisuwogoluk, sembayan kit kinake dinggagane kibanggone yisi mondok werek o.
11Nit yabunggane kinoba wisuwogoluk mende, ninombae Allah enggaerek inom, ninewe Endaganggok Yesus inom, imbisak nenat kolak motogo yakniyawak. 12Nit nen kit kinebe kinaʼbuwarogo werek kak, kit nen esigit dilugat kit-kit naʼbuwa-kaʼbuwarogo kagakik, akoni taʼbokogonat inaʼbuwarogo kagakik, nggokogonat inaʼbuwa kasi dogobagik nen yiluk, ninewe Endaganggok nen kinobabut akoni inaʼbuwa kiligogi eti mende oba dukogo omanggi inomat wokisasi dogowak. 13Esigit diluk kagat kinako dogoluk nen, ninewe Endaganggok Yesus enggaerek agoromi inomat wagonem, kinebe ninombae Allah enggaerek ake ʼbiyalok, at il oba wene kinoba dek pano nggaʼberek werekma ʼbikiya wisuwak nen, kinendainggen korlet kinako dogowak o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in