Cantares 1
1
1Yul damni tanit yayamni ulna kidika Salomón.#1.1 Salomón: satuk wirlanin sip kidika: Salomón ayangni yakat yakwi uhulna.,#1 Re 4:32; Cnt 3:9-11.
Unbauna tatuna
Yal
2¡Kungmamak kau yaumtah!
Yaumta yasalaptaman kidika laih tanit damni ki wain karak dawakat,
3manangkitak yakat walapni palni ki kalkahtaman dini kidika,
man ayangma laih di walapni utuhna.
¡Kidika bahang yayal balna kidika dalani matatalwi!
4¡Sirihni yaduyawah!
¡King, man payahtaman pāni yakat yaduyawah!
Coro
Man karak laih albu alasna mawarang;
makulnik yakat dudarang, wakaihta umtaman kidika wain kapat tanit.
¡Kapat bahangpa yayal dalani matatalwa kidika!
Yal
5Jerusalén yayalni balna,
yang ukitak laih sani ki, kaunah nuhni yaksihn yang;
saniyang sihm cedar ūni lababanni kapat,
nuhni yaksihn yang sihm Salomón winnidar asnina balna kapat.
6Yang saniyang kidika laih talwinih,
ukitak, ma daihni busna kidika yakat bik.
Wirahki ahal balna nikingkauh ahanna
dawak wain yamak maintalnin yapapakna,
¡dawak yang wain ki yamak palni kidika maintalas danayang!
7Yayultah, sangkika kau dalaniman kidika,
¿angkat sīpma balna duyawang di kakaswih?
¿angkat duyawang ururupwih matunak kidika?
¿Ampadawak pini awaihyang muihni kapat lik-awakiyah,#1.7 Pini awaihwyang muihni: sarakau uhulna kidika kaput yulwi. Hibru kau laih yulwi kalmukna (tunan muknin dini kau).
man karak kaltalyang yamni balna tingninalau yaihnit yakat?
Coro
8Man amanglatasman kat,
nunuhni yaksihn balna pasyakat nuhni yaksinh man kidika,
sīp balna uina munah yawah
sīp maintalyang balna ūnina labanni yaihnit yakat.
Al
9Man laih yang diki man, dalani matalayang kidika,
Fero kārni mumurwa aniras balna sasani kapat man.
10¡Muhma kihnimak kidika ampat yaksasihn yah
atai kidika walsah yakat!
¡Damamak kidika amput yaksihnyah
alah alahtaman kidika kipala dahlwa balna!
11¡Alahnin dini kidika gol karak yamtik maki
lalah minit yakat iltik birtik maki!
Yal
12King kidika tibil yakat yalahwakat,
yang kalkahtayang dini walapni kidika purnimanah dawi.
13Yang dalani talayang alni kidika laih pan yani walapni kapat ki
yang taki walsah kau sakkidika.
14Dalani talayang alni kidika laih sihm alheña puluni kapat ki
En-gadi kau wainni yamak balna kidika.
Al
15¡Ampat nuhni yaksihnmahn, dalani matalayang man kidika,
ampat nuhni yaksihnmahn!
¡Mamakpa kidika laih buhtuku bu ki!
Yal
16¡Amput nuhni yaksihnmahn, dalani matalayang alni
ampat nuhni yaksihnmahn!
Al
¡Dibasta sangni kidika laih mayang malangwinin pāni!
17Suhun kidika balna laih ūni lani balna,
dawak ūni minit yakat mukna kidika laih awas pauni.
Currently Selected:
Cantares 1: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998