Salmos 54
54
Minityulwi Papang yakat ilp yulwa kidika
Coro sumalniyang kaupak, paswi yakisdinin dini balna. Devid yaklauwi sumalna, Zif muihni balna Saúl yakat uiwi kalyulna: “¿Mayang mapasking akat Devid yakmaldas yah?”#1 Sam 23:19; 26:1.
1¡Yalaihta yaktah, Papangki, man ayangma kau!
¡Nakitdaktah man parasma kau!
2Yadakah, yang Papangki, mikityultayang kidika;
tapama yuta dakah, yang yulki balna yakat,
3muih kulninna dutni anyang balna kidika,
nikingkauh yaklalauna, bahang yaīnin yayamwi.
¡Witingna, Papang kidika yaihnitna yakat duduwas ki!#Sal 86:14.
4Kaput kaunah Dawan ilp yāwi;
dawak sangkika bik yāwak sangka yang.
5-6Witing yamwakat, waihkila balna dutnina kidika
witing silp minitna yakat kiuna karang.
¡Dismuktah Dawan, man laih barangniman!
Yang man yakat sakripais māki kulnin bitik kau#Nm 15:3.
man ayangma nuhni yamki, kat man laih yamniman bahang.
7Kat kulnik kaida balna kidika bitik kaupak laihta yaknaman bahang
dawak talnayang waihkila balna yakat minitna bayayakna kat.
Currently Selected:
Salmos 54: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
