Salmos 53
53
Muih al dutni yamwa kidika
(Sal 14)
Coro sumalniyang kaupak, siknis yulni. Devid yaklauwi sumalna kidika.
1Tapdadas balna kidika kukulwi Papang diski:
bitik laih witingna dutni yayamna,
dutni kidika yayamna;
¡muih as bik diski yamni yamnin kidika!#Sal 10:4,11; 73:11.
2Makau kisang kidika kaupak Papang talwi muih al yakat
di amanglawa balna kidika bangpa
Papang yakat walwa muihni kidika.
3Kaunah bitik laih ta didisna,
bitik laih kapapat dutni kakalna.
¡Muih as bik diski yamni yamnin kidika!
¡As bik diski!#Rom 3:10-12.
4Dutni yamyang balna kidika, di amanglalawas ki,
yang tawanki yakat kakaswa muihni balna kidika laih sihm muih as dikaswa kapat kakaswi.
5Yamaduwak kalyuknin dini diski,
kaunah witingna yamaduduwak diyukwarang,
kat Papang yaklauwi waihla balna wakalnina kidika kalawak ruhmwi.
Papang yaklauwi damukwa bahang, muih niningna kakarana karang.
6¡Yamni karang Sayan asangni kaupak,
Israel laihwi yaknin kidika kaiwarang kat!
Papang yaklauwi witing tawanni suerniti kidika satuk wirlawarang kat,
Jacob sulani balna kidika alasna duduwarang,
Israel tawanni balna bitik.
Currently Selected:
Salmos 53: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
