Salmos 50
50
Papang laih wihta as la kat yamwi
Asaf salnimo.
1Dawan laih, dawan balna Papangnina kidika, witing yulbauna;
sau kau yalalahwa muihni balna yakat yuldibauna
makilwa kaupak makawa kat.
2Papang yaringni kidika kalahwi Sayan kaupak,
tawan nuhni as aitani yaksihni kidika.
3Mayang Mapapangki kidika kaiwi, kauna ap laih kaiwas ki:
witing tanit yakat kuhpau as, di balna buswi disyamnin kidika kaiwi
dawak yaihnit awaihdak kidika alwana parasni manah ki.
4Mayakaupak, Papang yaklauwi kalyulwi makau kisang yakat, dawak sau yakat bik
witing tawanni lāni yamwarang kidika niningna kāna atnin:
5“Yang kau barangni balna kidika uduhtanauh,
yang kau pramis yayamna muihni balna kidika
yang kau sakripais yamna atnin yulni.”
6Dawak makau kisang kidika yaklauwi yulna ki Papang laih wihta as barangni ki.
7“Dakah Israel, yang tawanki;
di kidika bitik lāih yakki man namang yakat.
¡Yang laih man Papangmayang! ¡Yang laih man Papangmayang!
8Yang kau sakripais bustaman kidika danin mayultasyang
man nining yamtaman kidika yang kau.
9Man tumaruh almuk wahma kidika yatah mayultasyang,
dawak man kutsma balna bik,
10kat asangpas dini balna bitik kidika yang diki,
dawak asang balna kau turuh balna bik sihm kaput ki;
11dawak asang pas balna kau uhu balna kidika bik yang diki balna,
dawak asangpas kau di balna mahni sakkidika bitik.
12Yang yuh yāwakat, man yak mayultas awaki,
kat sau adika bitik yang diki, paskau di balna bangkidika bitik.
13¿Yang turuh muihni kastayang katpah,
kidika awaskat kuts āni ditayang katpah?
14¡Man Papang yakat di kalataman kidika yamni karang;
man pramamis kat yamtah Papang yakat!
15Man kulnam kaidak yayultah;
bahang kaput laih malaihtik yakki, dawak man ayangki nuhni yamma.”
16Kauna muih dutni yakat laih papang yaklauwi kalyulwi:
“¿Man wais rahmma manayah yang laki balna kidika yakta yulna atnam
kidika waiskat prakimis kidika yulna atnam,
17yang lawik barangni mayamki kidika dukih mawas kat
yang yulki balna bik dauh kultaman?
18Di malyang kidika yamni laihta dutaman,
¡muih di dutni yamyang balna karak kalpaktaman!
19Dutni yamnin dawak alas yulna atnin bik
man tuma dawak kungmamak balna bik uluhna ki.
20Man wanaihma yakat ayangni dutni yamtaman;
¡man wirahma palni yakat bik niningkauh ustaman!
21Kidika dini balna bitik yamnaman, kaunah yang ap danayang dai;
man kulnaman laih yang adika man kapatyang.
Kauna mamuhki kidika biri pakdarang mani kat yulma kidika yakna awaki,
¡launa balna kidika bitik laih malaihna awaki!
22“Adika dini yamni amanglatanauh,
manna Papang yakat damatnakahwa kidika,
kidika awaskat yang lawik mana istik bistik uduhki
dawak muih as bik dis karang manalaihwi yakna atnin:
23Waiskat yang akat tingkih lani yawa kidika, ayangki nuhni yamwi.
¡Yang lawik laihtik yaktayang, angdika muihni tikpas yakat lik kidika!”
Currently Selected:
Salmos 50: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Salmos 50
50
Papang laih wihta as la kat yamwi
Asaf salnimo.
1Dawan laih, dawan balna Papangnina kidika, witing yulbauna;
sau kau yalalahwa muihni balna yakat yuldibauna
makilwa kaupak makawa kat.
2Papang yaringni kidika kalahwi Sayan kaupak,
tawan nuhni as aitani yaksihni kidika.
3Mayang Mapapangki kidika kaiwi, kauna ap laih kaiwas ki:
witing tanit yakat kuhpau as, di balna buswi disyamnin kidika kaiwi
dawak yaihnit awaihdak kidika alwana parasni manah ki.
4Mayakaupak, Papang yaklauwi kalyulwi makau kisang yakat, dawak sau yakat bik
witing tawanni lāni yamwarang kidika niningna kāna atnin:
5“Yang kau barangni balna kidika uduhtanauh,
yang kau pramis yayamna muihni balna kidika
yang kau sakripais yamna atnin yulni.”
6Dawak makau kisang kidika yaklauwi yulna ki Papang laih wihta as barangni ki.
7“Dakah Israel, yang tawanki;
di kidika bitik lāih yakki man namang yakat.
¡Yang laih man Papangmayang! ¡Yang laih man Papangmayang!
8Yang kau sakripais bustaman kidika danin mayultasyang
man nining yamtaman kidika yang kau.
9Man tumaruh almuk wahma kidika yatah mayultasyang,
dawak man kutsma balna bik,
10kat asangpas dini balna bitik kidika yang diki,
dawak asang balna kau turuh balna bik sihm kaput ki;
11dawak asang pas balna kau uhu balna kidika bik yang diki balna,
dawak asangpas kau di balna mahni sakkidika bitik.
12Yang yuh yāwakat, man yak mayultas awaki,
kat sau adika bitik yang diki, paskau di balna bangkidika bitik.
13¿Yang turuh muihni kastayang katpah,
kidika awaskat kuts āni ditayang katpah?
14¡Man Papang yakat di kalataman kidika yamni karang;
man pramamis kat yamtah Papang yakat!
15Man kulnam kaidak yayultah;
bahang kaput laih malaihtik yakki, dawak man ayangki nuhni yamma.”
16Kauna muih dutni yakat laih papang yaklauwi kalyulwi:
“¿Man wais rahmma manayah yang laki balna kidika yakta yulna atnam
kidika waiskat prakimis kidika yulna atnam,
17yang lawik barangni mayamki kidika dukih mawas kat
yang yulki balna bik dauh kultaman?
18Di malyang kidika yamni laihta dutaman,
¡muih di dutni yamyang balna karak kalpaktaman!
19Dutni yamnin dawak alas yulna atnin bik
man tuma dawak kungmamak balna bik uluhna ki.
20Man wanaihma yakat ayangni dutni yamtaman;
¡man wirahma palni yakat bik niningkauh ustaman!
21Kidika dini balna bitik yamnaman, kaunah yang ap danayang dai;
man kulnaman laih yang adika man kapatyang.
Kauna mamuhki kidika biri pakdarang mani kat yulma kidika yakna awaki,
¡launa balna kidika bitik laih malaihna awaki!
22“Adika dini yamni amanglatanauh,
manna Papang yakat damatnakahwa kidika,
kidika awaskat yang lawik mana istik bistik uduhki
dawak muih as bik dis karang manalaihwi yakna atnin:
23Waiskat yang akat tingkih lani yawa kidika, ayangki nuhni yamwi.
¡Yang lawik laihtik yaktayang, angdika muihni tikpas yakat lik kidika!”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998