Nehemías 4
4
Waihla balna yaklauwi sarahni yayamna
1 # S.b. 4:1-23 kidika laih S.b. 3:33—4:17 kat kidika simh ki hibru kau ulna kidika.Daklana balna dai kidika wattik dulautik yamtiningkat, parasni anna Sanbalat dakawi, dawak mahka laih Ju muihni balna yakat sarahni yulna dai, 2dawak diyulna, wanaihni balna muhnina yakat, dawak Samaria ahalni kalbauyang balna yakat bik: “¿Ais kaldakakawih Ju balna yuh dauyang balna kidika? ¿Witingna kukulwakatpah watdi dādakat sakripais busna atnin? ¿Kidika awaskat warkni kidika ma aslah yamwi dadawarang? ¿Dawak bahwi uhna kidika kaupak di wisam as yayakwarang kukulwih, kipala busna balna kidika kaupak?”
3Yaihnit yakat sakdai Amón muihni as ayangni Tobías, dawak witingbik minit yakat lakwi aput yulna: “Talnauh daklana balna watwi yayamwa kidika: ¡Wassala yal as kidika minit yakat kilwarangkat, sipki bahwi sauyakat bukna atnin!”
Nehemías minit yulna
4Kaput dawak, yang mikit yulnayang aput: “Mayang Mapapangki: dakah, aput sarahni yanayuyulwa kidika. Yamtangkat nikingnakauh yuyulwa kidika witingna minitna yakat kiwang, dawak waihla tingni yakat bukwang, kaput laih pa ūk yakat laihwi dukiuna karang. 5Witingna dutnina kidika datang disnin-awas ki, dawak man muhma tani kaupak bik yakwinih, kat tawan daklana balna dai kidika watwi laihwi dulauwi yayamwa muihni balna yakat uhusna bahang.”
Waihla balna yāyamnin kukulna kidika
6Kaput laih ban daklana balna kidika yamdi mawana, papusdak dulaunamayang dai. Muih balna kidika kulninna bitik wark kalalahna. 7Kauna Sanbalat, Tobías, árabes balna, Amón muihni balna, dawak Asdod muihni balna, witingna dakakawak, Jerusalén daklana balna kidika ban yamtik yawiningkat, sulihni balna kidika mahka puttiningkat parasni kulninna daukakalna, 8witingna aslah kalpapakna, Jerusalén niningnayakat kalbauna atnin, kaput yamwi witingna watwi daukalpamna atnin. 9Kaput dawak Papangkina yakat mikitna yulnayangna, dawak maintalnin ānayangna pukta madah, kidika laih nakitna dakna atnin witingna niningnayakat. 10Judá muihni balna kidika yuyulwa dai: “Trukyang balna kidika parasninadis sangka dadauwi, kat bahwi uhna balna kidika mahni palni bahang, mayang laih sip-awas mayang daklana adika watwi laihwi dulauwi yamna atnin.”
11Yangna waihkinala balna kidika kukulna dai, yangna amanglatas awanaki, dawak bik yangna di talas awanaki, kaput laih bilkinalalauwi yanaihiwak wark balna kidika laihwatna atnin. 12Kauna Ju muihni balna witingna yaihnitna yakat yalalahna balna kidika wat wat aiwi yanayuyulna, kidika muihni balna aiwi nikingna kauh kalbabauwarang ki, 13dawak paknayang, muih balna kidika kalwanaih balna manah kalpakwi daklana piningyakat kana atnin sau nining yakat, daklana sulihni yakat duwi kana atnin, isparah langsa, sibang. 14Talingkat yamaduduwak, lawik yulnayang muih nunuhni balna yakat, kabamint muihni balna yakat, kaput bik tawan muihni balna bitik yakat: “Yamaniduduwinih, ismangna-aitanauh, Dawan laih nuhni ki, dawak bik yamadangni ki, wanaihmana balna yulnina kalbautanauh, walamanabis ahal, yayal, yalmana balna dawak ūmana balna yulni kalbautanauh.”
15Yangna waihkinala balna kidika dakakana, yangna ridi alahwanayangna kalbauna atnin, dawak Papang yaklauwi witingna warknina kidika dauh yamna, kaput dawak wattik pakina, pakina yawanayangna, daklana balna kidika yamna atnin. 16Kidika kaupak wark kalahyang ahal balna papuswayah kidika wark yayamwa dai, dawak papuswayah ūk kidika laih kalbaunin dini langsa, nanitna daknin dini, sibang, las, kalbaunin prakni duwi maintatalwa dai. Tunan muihni balna kidika Judá muihni balna yakat kasak ilp diayawa dai, 17daklana yamwa bangkidika yakat. Di trukyang balna kidika ban trurukna, kauna tingnina as wark yayamna, dawak tingnina ūk kidika laih kalbaunin dini kidika duduwa dai. 18Dawak wark muihni balna kidika bitik baninamak yakat isparah sisitna dai, dawak yaihkit yakat laih trumpit puhyang kidika sakdai, 19kat yang lawik diyulnayang dai muih nunuhni balna yakat, kabamint muihni balna yakat, dawak tawan muihni balna yakat “Wark kidika laih nuhni palni ki, bahang mayanglaih sahdi malahwana ki daklana kidika yakat, naikau, naikau. 20Kaput bahang trumpit puhwak dakanamakat, aiwa kaluduhtanama yangna karak, dawak mayang Mapapangki kidika kalbauna karang mayaihkit yakat.”
21Kaput laih yangna mapiris kaupak masan kat wark alahwining kat muih papuswayah balna kidika witingna tingnina yakat langsa duwi maintatalwa dai. 22Baisa minit yakat kidika mani, muih balna yakat diyulnayang dai, muih bitik laih payahna atnin Jerusalén pasyakat, kaput laih pukta yakat matakit dakna atnin, dawak madah yakat laih wark kalahna atnin. 23Baisa minit yakat, yang wanaihki balna, dawakat tingkisut lalaihwa muihni balna, kaput bik maintalyang muihni balna yaihkit yakat bangdai kidika bik, yangna parakkina yaktas yangna dai dawak yangna bitik laih tingnina yakat langsa duduwadai.#4.23 Bitik laih...langsa duduwadai: kaput ulna kidika yamni kapat ki. Hibru kau laih witingna bitik laih waspa yakat bik langninasa duduwadai.
Currently Selected:
Nehemías 4: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Nehemías 4
4
Waihla balna yaklauwi sarahni yayamna
1 # S.b. 4:1-23 kidika laih S.b. 3:33—4:17 kat kidika simh ki hibru kau ulna kidika.Daklana balna dai kidika wattik dulautik yamtiningkat, parasni anna Sanbalat dakawi, dawak mahka laih Ju muihni balna yakat sarahni yulna dai, 2dawak diyulna, wanaihni balna muhnina yakat, dawak Samaria ahalni kalbauyang balna yakat bik: “¿Ais kaldakakawih Ju balna yuh dauyang balna kidika? ¿Witingna kukulwakatpah watdi dādakat sakripais busna atnin? ¿Kidika awaskat warkni kidika ma aslah yamwi dadawarang? ¿Dawak bahwi uhna kidika kaupak di wisam as yayakwarang kukulwih, kipala busna balna kidika kaupak?”
3Yaihnit yakat sakdai Amón muihni as ayangni Tobías, dawak witingbik minit yakat lakwi aput yulna: “Talnauh daklana balna watwi yayamwa kidika: ¡Wassala yal as kidika minit yakat kilwarangkat, sipki bahwi sauyakat bukna atnin!”
Nehemías minit yulna
4Kaput dawak, yang mikit yulnayang aput: “Mayang Mapapangki: dakah, aput sarahni yanayuyulwa kidika. Yamtangkat nikingnakauh yuyulwa kidika witingna minitna yakat kiwang, dawak waihla tingni yakat bukwang, kaput laih pa ūk yakat laihwi dukiuna karang. 5Witingna dutnina kidika datang disnin-awas ki, dawak man muhma tani kaupak bik yakwinih, kat tawan daklana balna dai kidika watwi laihwi dulauwi yayamwa muihni balna yakat uhusna bahang.”
Waihla balna yāyamnin kukulna kidika
6Kaput laih ban daklana balna kidika yamdi mawana, papusdak dulaunamayang dai. Muih balna kidika kulninna bitik wark kalalahna. 7Kauna Sanbalat, Tobías, árabes balna, Amón muihni balna, dawak Asdod muihni balna, witingna dakakawak, Jerusalén daklana balna kidika ban yamtik yawiningkat, sulihni balna kidika mahka puttiningkat parasni kulninna daukakalna, 8witingna aslah kalpapakna, Jerusalén niningnayakat kalbauna atnin, kaput yamwi witingna watwi daukalpamna atnin. 9Kaput dawak Papangkina yakat mikitna yulnayangna, dawak maintalnin ānayangna pukta madah, kidika laih nakitna dakna atnin witingna niningnayakat. 10Judá muihni balna kidika yuyulwa dai: “Trukyang balna kidika parasninadis sangka dadauwi, kat bahwi uhna balna kidika mahni palni bahang, mayang laih sip-awas mayang daklana adika watwi laihwi dulauwi yamna atnin.”
11Yangna waihkinala balna kidika kukulna dai, yangna amanglatas awanaki, dawak bik yangna di talas awanaki, kaput laih bilkinalalauwi yanaihiwak wark balna kidika laihwatna atnin. 12Kauna Ju muihni balna witingna yaihnitna yakat yalalahna balna kidika wat wat aiwi yanayuyulna, kidika muihni balna aiwi nikingna kauh kalbabauwarang ki, 13dawak paknayang, muih balna kidika kalwanaih balna manah kalpakwi daklana piningyakat kana atnin sau nining yakat, daklana sulihni yakat duwi kana atnin, isparah langsa, sibang. 14Talingkat yamaduduwak, lawik yulnayang muih nunuhni balna yakat, kabamint muihni balna yakat, kaput bik tawan muihni balna bitik yakat: “Yamaniduduwinih, ismangna-aitanauh, Dawan laih nuhni ki, dawak bik yamadangni ki, wanaihmana balna yulnina kalbautanauh, walamanabis ahal, yayal, yalmana balna dawak ūmana balna yulni kalbautanauh.”
15Yangna waihkinala balna kidika dakakana, yangna ridi alahwanayangna kalbauna atnin, dawak Papang yaklauwi witingna warknina kidika dauh yamna, kaput dawak wattik pakina, pakina yawanayangna, daklana balna kidika yamna atnin. 16Kidika kaupak wark kalahyang ahal balna papuswayah kidika wark yayamwa dai, dawak papuswayah ūk kidika laih kalbaunin dini langsa, nanitna daknin dini, sibang, las, kalbaunin prakni duwi maintatalwa dai. Tunan muihni balna kidika Judá muihni balna yakat kasak ilp diayawa dai, 17daklana yamwa bangkidika yakat. Di trukyang balna kidika ban trurukna, kauna tingnina as wark yayamna, dawak tingnina ūk kidika laih kalbaunin dini kidika duduwa dai. 18Dawak wark muihni balna kidika bitik baninamak yakat isparah sisitna dai, dawak yaihkit yakat laih trumpit puhyang kidika sakdai, 19kat yang lawik diyulnayang dai muih nunuhni balna yakat, kabamint muihni balna yakat, dawak tawan muihni balna yakat “Wark kidika laih nuhni palni ki, bahang mayanglaih sahdi malahwana ki daklana kidika yakat, naikau, naikau. 20Kaput bahang trumpit puhwak dakanamakat, aiwa kaluduhtanama yangna karak, dawak mayang Mapapangki kidika kalbauna karang mayaihkit yakat.”
21Kaput laih yangna mapiris kaupak masan kat wark alahwining kat muih papuswayah balna kidika witingna tingnina yakat langsa duwi maintatalwa dai. 22Baisa minit yakat kidika mani, muih balna yakat diyulnayang dai, muih bitik laih payahna atnin Jerusalén pasyakat, kaput laih pukta yakat matakit dakna atnin, dawak madah yakat laih wark kalahna atnin. 23Baisa minit yakat, yang wanaihki balna, dawakat tingkisut lalaihwa muihni balna, kaput bik maintalyang muihni balna yaihkit yakat bangdai kidika bik, yangna parakkina yaktas yangna dai dawak yangna bitik laih tingnina yakat langsa duduwadai.#4.23 Bitik laih...langsa duduwadai: kaput ulna kidika yamni kapat ki. Hibru kau laih witingna bitik laih waspa yakat bik langninasa duduwadai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998