Matyu 7
7
Muih ūk lani yulwi yamnin awas yulni
(Lk 6:37-38, 41-42)
1“Manna muih ūk lani kidika yulwi yayamwinih, Papang yaklau manna yakat lamana yamnin awas yulni. 2Bahang manna lawa muih ūk balna yakat amput lanina yamtamana kat Papang yaklau kaput lamana yamna karang ki; dawak ais kau kulta talnama kat, Papang yaklau bik kidika kau manakulwi talna karang.#Mk 4:24. 3¿Ais yulni man wirahma minikpa yakat dibasta kana kidika talamanh, man mamakpa yakat pan sar as kana kidika laih talas data? 4Dawak man palni mamakpa yakat pan sar as dutaman kat, ¿amput man wirahma yakat kalyulmayah: ‘Yatang kat mamakpa kau dibasta kana kidika yakkuh’? 5¡Sins dis muihni!, man mamakpa yakat pan sar kana kidika tatuna yaktah, dawak kaput laih man yaknam sip karang man wirahma minikpa yakat dibasta kana kidika.
6“Papang dini yakna balna kidika sul balna yakat diayawinih, manna namangna kauh yaklauwi mana kasninna awas yulni. Dawak manna kimanapala yaringni minit nunuhni balna kidika kusih balna yakat ruruhmwinih, atakninna awas yulni.
Yulnin, walnin dawak dūr yakat yulnin
(Lk 11:9-13; 6:31)
7“Manna yultanauh dawak Papang yaklau manawang; waltanauh dawak yaktanama; dūr yakat yultanauh dawak apahna karang. 8Kat yulwa muihni kidika laih duwi; dawak walwa muihni kidika laih yakwi;#Dt 4:29; 2 Cr 15:2-15; Jr 29:13. dawak dūr yakat yulwa kidika laih apahwi.
9“¿Ais manna kaupak as sip katpah walanibis yaklau plawar busna yulwakat kipala kalana atnin? 10¿Kidik awasbik waspa dini yulwakat bil kalana atnin? 11Bahang manna dutni muihni mana kidika, walamanabis balna yakat di yayamni balna manah diata mana kat, ¡manna Papangmana kisang kau sak kidika yaklau ampus palni di yayamni diawarangyah kalyuyulwa muihni balna yakat!#Jn 14:13-14; 15:7,16; 16:23-24; 1 Jn 3:21-22; 5:14-15.
12“Kaput bahang, manna muih balna yakat yamtanauh ūk balna yaklau manna yakat manayamna atnin kultamana kaput;#Lc 6:31. kat adika kuduh lā yaklau dawak prapit balna uhulna yakat bik yamnin yuyulwa kidika.
Dūr dibin kidika
(Lk 13:24)
13“Dūr dibin munah awanauh. Kat disnin dūrni dawak tani kidika balna laih pirihta nunuhni ki dawak ahni panunuhni ki, dawak muih balna mahni bik kidika balna yakut kakawi; 14kaunah sangka atnin dūrni dawak tani kidika laih dibinina ki dawak bik kanin dadasni ki, dawak muih bulah palni walwi yayakwi.#Sal 1:6; Pro 4:18-19.
Pan kidika minik munah amanglawi
(Lk 6:43-44)
15“Manna amung talnauh alas yulyang muihni balna Papang yulni yulnin kukulwa kidika yakat. Witingna laih sīp kapat kalwi manna yakat aiwi, kaunah kulninna pasyakat laih sihm nawah pauni anyang balna kapat ki. 16Manna amanglanamna sip ki witingna di yayamwa balna kidika munah, kat wain dawak ani damni minik balna kidika wakal balna paskaupak minik yayakwas ki. 17Kaput bahang, pan yayamni balna bitik kidika minik yayamni manah yayakwi, kaunah pan dutni kidika laih minik bik dutni yakwi. 18Pan yamni kidika laih sip minit dutni yakwas ki, dawak pan dutni bik sip minik yamni yakwas ki. 19Pan dudutni minik yamni yayakwas balna kidika laih, dakwi kuh yakat ruhmwi.#Mt 3:10; Lc 3:9. 20Kaput bahang manna amanglatanama witingna di yayamwa balna kidika karak.#Mt 12:33.
Muih bitik kidika Papang king kawasauni yakat kakawas karang ki
(Lk 13:25-27)
21“ ‘Dawan, Dawan’ yatwa muihni balna bitik kidika, Papang king kawa sauni yakat kakawas karang ki, kaunah yang Papangki kisang kau sak kidika yakat kulnin lani yayamwa muihni balna kidika manah kakawarang ki. 22Kidika mani yakat muih mahni palni yayuyulwarang: ‘Dawan, Dawan, man yulma kidika yulnamayang dai dawak man ayangma kau spirit dudutni balna kang'yaknayangna dai dawak man ayangma kau bik taldas dini balna mahni palni yamnayangna dai.’ 23Kaunah yang lawik nangnitnalanayang karang: ‘Wat as bik manatalasyang dai; ¡dutni yamyang muihni balna yang kaupak naikau alahwanauh!’#Sal 6:8.
Ū rahni bu kidika
(Mk 1:22; Lk 6:47-49)
24“Kaput bahang, angdika muihni yang yultayang kidika dakawi yamwarang kat, kidika laih sihm sins duyang alni as kipala minit yakat ūni pakna dai kidika kapat ki. 25Was launa, was balna kidika nunuhni ana dawak wing balna kidika ū yakat laihna; kaunah ū kidika bukwasdai, kat ūni kalni kidika laih kipala minit yakat āna dai kidika yulni. 26Kaunah angdika muihni yang yultayang kidika dakawi yamwas kidika laih, kidika laih sihm muih al as sins dis kauhmak minit yakat ūni pakna dai kidika kapat ki. 27Was launa, was balna kidika nunuhni ana, wing pararasni wauhna dawak ū kidika laih sau yakat bukna dai. ¡Daukalna nuhni palni dai!”
28Jisas yulbauwi dana mani kat, muih balna bitik kidika yamni tatalna dai witing amput sumalwa kidika, 29kat witing laih parasni bitik karuk yamwadai kidika yulni, lā sumalniyang balna yayamwadai kidika kaput laih awas.#Mk 1:22; Lc 4:32.
Currently Selected:
Matyu 7: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Matyu 7
7
Muih ūk lani yulwi yamnin awas yulni
(Lk 6:37-38, 41-42)
1“Manna muih ūk lani kidika yulwi yayamwinih, Papang yaklau manna yakat lamana yamnin awas yulni. 2Bahang manna lawa muih ūk balna yakat amput lanina yamtamana kat Papang yaklau kaput lamana yamna karang ki; dawak ais kau kulta talnama kat, Papang yaklau bik kidika kau manakulwi talna karang.#Mk 4:24. 3¿Ais yulni man wirahma minikpa yakat dibasta kana kidika talamanh, man mamakpa yakat pan sar as kana kidika laih talas data? 4Dawak man palni mamakpa yakat pan sar as dutaman kat, ¿amput man wirahma yakat kalyulmayah: ‘Yatang kat mamakpa kau dibasta kana kidika yakkuh’? 5¡Sins dis muihni!, man mamakpa yakat pan sar kana kidika tatuna yaktah, dawak kaput laih man yaknam sip karang man wirahma minikpa yakat dibasta kana kidika.
6“Papang dini yakna balna kidika sul balna yakat diayawinih, manna namangna kauh yaklauwi mana kasninna awas yulni. Dawak manna kimanapala yaringni minit nunuhni balna kidika kusih balna yakat ruruhmwinih, atakninna awas yulni.
Yulnin, walnin dawak dūr yakat yulnin
(Lk 11:9-13; 6:31)
7“Manna yultanauh dawak Papang yaklau manawang; waltanauh dawak yaktanama; dūr yakat yultanauh dawak apahna karang. 8Kat yulwa muihni kidika laih duwi; dawak walwa muihni kidika laih yakwi;#Dt 4:29; 2 Cr 15:2-15; Jr 29:13. dawak dūr yakat yulwa kidika laih apahwi.
9“¿Ais manna kaupak as sip katpah walanibis yaklau plawar busna yulwakat kipala kalana atnin? 10¿Kidik awasbik waspa dini yulwakat bil kalana atnin? 11Bahang manna dutni muihni mana kidika, walamanabis balna yakat di yayamni balna manah diata mana kat, ¡manna Papangmana kisang kau sak kidika yaklau ampus palni di yayamni diawarangyah kalyuyulwa muihni balna yakat!#Jn 14:13-14; 15:7,16; 16:23-24; 1 Jn 3:21-22; 5:14-15.
12“Kaput bahang, manna muih balna yakat yamtanauh ūk balna yaklau manna yakat manayamna atnin kultamana kaput;#Lc 6:31. kat adika kuduh lā yaklau dawak prapit balna uhulna yakat bik yamnin yuyulwa kidika.
Dūr dibin kidika
(Lk 13:24)
13“Dūr dibin munah awanauh. Kat disnin dūrni dawak tani kidika balna laih pirihta nunuhni ki dawak ahni panunuhni ki, dawak muih balna mahni bik kidika balna yakut kakawi; 14kaunah sangka atnin dūrni dawak tani kidika laih dibinina ki dawak bik kanin dadasni ki, dawak muih bulah palni walwi yayakwi.#Sal 1:6; Pro 4:18-19.
Pan kidika minik munah amanglawi
(Lk 6:43-44)
15“Manna amung talnauh alas yulyang muihni balna Papang yulni yulnin kukulwa kidika yakat. Witingna laih sīp kapat kalwi manna yakat aiwi, kaunah kulninna pasyakat laih sihm nawah pauni anyang balna kapat ki. 16Manna amanglanamna sip ki witingna di yayamwa balna kidika munah, kat wain dawak ani damni minik balna kidika wakal balna paskaupak minik yayakwas ki. 17Kaput bahang, pan yayamni balna bitik kidika minik yayamni manah yayakwi, kaunah pan dutni kidika laih minik bik dutni yakwi. 18Pan yamni kidika laih sip minit dutni yakwas ki, dawak pan dutni bik sip minik yamni yakwas ki. 19Pan dudutni minik yamni yayakwas balna kidika laih, dakwi kuh yakat ruhmwi.#Mt 3:10; Lc 3:9. 20Kaput bahang manna amanglatanama witingna di yayamwa balna kidika karak.#Mt 12:33.
Muih bitik kidika Papang king kawasauni yakat kakawas karang ki
(Lk 13:25-27)
21“ ‘Dawan, Dawan’ yatwa muihni balna bitik kidika, Papang king kawa sauni yakat kakawas karang ki, kaunah yang Papangki kisang kau sak kidika yakat kulnin lani yayamwa muihni balna kidika manah kakawarang ki. 22Kidika mani yakat muih mahni palni yayuyulwarang: ‘Dawan, Dawan, man yulma kidika yulnamayang dai dawak man ayangma kau spirit dudutni balna kang'yaknayangna dai dawak man ayangma kau bik taldas dini balna mahni palni yamnayangna dai.’ 23Kaunah yang lawik nangnitnalanayang karang: ‘Wat as bik manatalasyang dai; ¡dutni yamyang muihni balna yang kaupak naikau alahwanauh!’#Sal 6:8.
Ū rahni bu kidika
(Mk 1:22; Lk 6:47-49)
24“Kaput bahang, angdika muihni yang yultayang kidika dakawi yamwarang kat, kidika laih sihm sins duyang alni as kipala minit yakat ūni pakna dai kidika kapat ki. 25Was launa, was balna kidika nunuhni ana dawak wing balna kidika ū yakat laihna; kaunah ū kidika bukwasdai, kat ūni kalni kidika laih kipala minit yakat āna dai kidika yulni. 26Kaunah angdika muihni yang yultayang kidika dakawi yamwas kidika laih, kidika laih sihm muih al as sins dis kauhmak minit yakat ūni pakna dai kidika kapat ki. 27Was launa, was balna kidika nunuhni ana, wing pararasni wauhna dawak ū kidika laih sau yakat bukna dai. ¡Daukalna nuhni palni dai!”
28Jisas yulbauwi dana mani kat, muih balna bitik kidika yamni tatalna dai witing amput sumalwa kidika, 29kat witing laih parasni bitik karuk yamwadai kidika yulni, lā sumalniyang balna yayamwadai kidika kaput laih awas.#Mk 1:22; Lc 4:32.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998