Matyu 6
6
Jisas yaklau sumalwiwark yayamni balna kidika yulni
1“Manna Papang ayangni nuhni yamnin warkni kidika muih balna muhnina yakat yayamwinih ūk balna kidika talninna yulni manah.#Mt 23:5. Kaput yamtanama kat, Papangmana kisang kau sak kidika warkmana minit manawas karang ki.
2“Kidika bahang, man lawa dukih diawa muihni balna yakat ilp diataman kat, muih balna muhnina yakat yakwi yulwinih, sins dis muihni balna yayamwa kaput Papang yulni sumamalwa ūni balna yakat dawak ta balna yakat bik, muih balna kidika yaklau yamni diyuyulna atninna yulni. Yang lawik barangni manayultayang kidika karak manna warkmana minit kidika dutamana. 3Man lawa muih dukih diawa muihni balna yakat ilp diataman kat, man karak kaltalyang yamniman kidika yakat bik kalyulwinih; 4malni kau yamtah. Dawak man Papangma malni kau yamtang kat talwa kidika yaklau man warkma minit kidika mawarang ki.#6.4 Tingkau ulna kidika minit kau lakwi: tawan muihni balna muhnina yakat.
Jisas yaklau sumalwiamput makat yulni kidika
(Lk 11:2-4)
5“Manna mamatna yulta mana kat, sins dis muihni balna kapat laih atwinih, Papang yulni sumamalwa ūni yakat dawak muih kalududuhwa pāni sipintang yakat yaklauwi minitna yuyulwa kidika muih balna ditalna atnin yulni manah.#Lc 18:10-14. Yang lawik barangni manayultayang kidika karak manna warkmana minit kidika dutamana. 6Kaunah man, mamat yulta man kat, payahtaman pāni yakat awa dūr putta Papangma man karak sak kidika yakat mamat yultah. Dawak Papangma di malnikau yamtangkat matalwa kidika yaklau warkma minit kidika mawarang.
7“Dawak mamat yulta man yakat yul dauh balna kidika lamwi yulwinih, Papang yakat kukulwas muihni balna yayamwa kaput, witingna mahni yuyulwarang kat Papang yaklau baisa didakawarang ti kukulwa kidika. 8Manna laih witingna kapat atwinih, kat manna Papangmana laih baisa kalyultas mana kau nuki manna ais dukih manawa kidika. 9Manna laih aput mamatna yulnamna ki:
‘Mayang maPapangki kisang kau sakman kidika,
man ayangma laih holi kulna kidika.
10Man king āwaman sauni kidika kaiwang.
Man kulnam lani kidika sau akat yamtah,
kisang yakat yamtaman kaput.
11Warmani kasnikna dini dukih yanawa kidika yanatah.#Pro 30:8-9.
12Yangna dutni yamnayangna kidika datang kat diswang,
sihm yangna lawik dutnina datiningkat disna kaput
dutni yanayayamna muihni balna yakat.
13Matraikitalnin pas yakat maiāwinih,
kaunah dutni kidika kaupak mailaihta yaktah.’#6.13 Tingkau ulna kidika minitkau lakwi: King kawa lani, parasni, alasnina yaksihn kidika ban karang. Kaput kawang.
14“Kat manna lawa dutni manayayamna muihni balna yakat dutnina kidika datanangkat diswarang kat, manna Papangmana kisang kau sak kidika yaklau manna dutmana kidika bik dawak diswarang; 15Kaunah manna lawa ūk balna dutnina kidika datanang kat diswas karang laih, Papangmana yaklauwi bik manna dutmana#Mk 11:25-26. kidika dawak diswas karang ki.
Jisas yaklau sumalwiyuh wauhnin yulni kidika
16“Manna di kastas yuh wauhtamana kat, muhmana kidika kulnamna bukna kapat laih atwinih, sihm sins dis muihni balna kapat, kulninna bukna kapat yayamwa kidika muih balna yaklau yuh wawauhwi diatnin yulni. Barangni manayultayang kidika karak manna uman warkmana minit dutamana. 17Man, di kastas yuh wauhma kat, muhma kidika suhta dima balna kidika yamni kalyamtah, 18muih balna kidika amanglaninna awas yulni man yuh wauhtaman kidika. Man Papangma karak raumana kidika manah amanglawarang ki, dawak witing yaklau man warkma minit kidika mawarang ki.
Kisang yakat di minit nunuhni balnabangkidika
(Lk 12:33-34)
19“Manna sau akat dimana balna kidika ududuhwinih, banibil kaswa kidika dawak di balna didiswa kidika#Jm 5:2-3. dawak bik di malyang muihni balna kawi di mamalwa kidika. 20Nawatkauh laih makau kisang yakat dimana balna kidika uduhtanauh, banibil kaswas kidika dawak di balna didiswas kidika dawak di malyang muihni balna bik kawi di mamalwas kidika. 21Bahang angkat man dima sak karang kidika, kidika yakat man ismang kidika sak karang.
Muih muihni nuhni awasni kidika
(Lk 11:34-36)
22“Mamikpa balna kidika laih sihm mamuihki nuhni awasni kapat ki; kaput bahang, man mamakpa balna kidika yayamni kat, man muihma nuhni kidika bitik laih yaringni karang; 23kaunah man mamakpa balna kidika dudutni laih, man muihni nuhni kidika bitik laih puksani karang. Dawak man muihma yakat yaringni dutaman kidika puksani laih, ¡puksani kidika laih ampus palni puksani karang yah!
Papang dawak lalah karak
(Lk 16:13)
24“Muih as bik sip daniwan bu dini yamwas ki, kat as kidika yakat dutni kalkulwi dawak ūk kidika yakat laih yamni kalkulwarang bahang, kidik awas bik as yakat barangni karang dawak ūk yakat laih dutni kalyamwarang bahang. Papang yakat dawak sau ritsni balna kidika karak libitdi sip warkni yamdas ki.
Papang laih walanibis balna yakatmaintalwi
(Lk 12:22-31)
25“Kaput bahang yang lawik manna yakat manayultayang: Manna kulwi kalbabauwinih kasta dawak dita sangka atnamna kidika yulni, dawak asna āwanamna kidika yulni bik kulwi kalbabauwinih. ¿Man sangmaka kidika kauh tanit nuhni awasyah kasnin dini kidika karak dawak muihma nuhni kidika kauh tanit nuhni awasyah asna kidika karak? 26Manna talnauh di lawani balna wing yakat awawaihwa kidika: di dahwi minik yayakwas ki dawak di minik balna kidika di punin ūni balna yakat bik pupuwaski; kaput kaunah, manna laih Papangmana kisang kau sak kidika kaupak kasnin dini manawi. ¡Dawak manna laih di lawani balna kidika karak baisa nunuhni mana! 27Kaput bik, muih as yaklau uba palni kulwi kalbauwarang bik, ¿witing sangnika kidika amput dawi naini yamwarangyah awar as yakat?#6.27 ¿Witing sangnika kidika...awar as yakat?: satuk wirlanin sipki: ¿amput metro papusbah minit kau naini kalwarangyah?
28“¿Dawak ais yulni manna asna yulni kulta kalbautamanah? Yamni talnauh di dahnin pāni balna yakat amput dipulu balna bararakwa kidika: wark kalalahwas ki dawak kaninna dini bik bibiwaski. 29Kaput kaunah, manna yakat manayultayang king Salomón kat bik, asnina yamni#1 Re 10:4-7; 2 Cr 9:3-6. kidika balna kapat kāwasdai. 30Bahang dibasta di dahnin pāni yakat sak kidika dawak yahan mani kat di busnin pāni yakat busyamwarang kidika yakat Papang yaklau kaput yamni kalyamwa kat, ¡manna rahm kulnin lani kultas muihni mana yakat laih rahmni bitik duwi asmanana mana ānakarang ki! 31Kaput bahang manna aput yulta kulwi kalbabauwinih: ‘¿Ais kasdarangyah?’ kidik awaskat ‘¿Ais didarangyah?’ kidik awaskat ‘¿Ais kau asna mahawarangyah?’ 32Adika dini balna kuduh yaklau yayamwakat Papang yakat kukulwas muihni balna kulwi kalbabauwa kidika, kaunah manna laih Papangmana as kisang yakat dutamana kidika witing nuki manna ais dini dukih manawa kidika. 33Kaput bahang, manna Papang king kawa sauni yakat yamni dakanauh Papang ais yamnin yulwa kidika, dawak manna laih adika dini balna bik bitik dutanama. 34Manna yahan mani dini kidika yulni kulwi kalbabauwinih, kat yahan mani laih ma sak karang ki kulwi kalbauna atnin yulni. Ma balna bitik kidika laih witing silp tranibil balna mahni palni kidika duwi.#Sal 55:22; 1 Pi 5:7.
Currently Selected:
Matyu 6: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Matyu 6
6
Jisas yaklau sumalwiwark yayamni balna kidika yulni
1“Manna Papang ayangni nuhni yamnin warkni kidika muih balna muhnina yakat yayamwinih ūk balna kidika talninna yulni manah.#Mt 23:5. Kaput yamtanama kat, Papangmana kisang kau sak kidika warkmana minit manawas karang ki.
2“Kidika bahang, man lawa dukih diawa muihni balna yakat ilp diataman kat, muih balna muhnina yakat yakwi yulwinih, sins dis muihni balna yayamwa kaput Papang yulni sumamalwa ūni balna yakat dawak ta balna yakat bik, muih balna kidika yaklau yamni diyuyulna atninna yulni. Yang lawik barangni manayultayang kidika karak manna warkmana minit kidika dutamana. 3Man lawa muih dukih diawa muihni balna yakat ilp diataman kat, man karak kaltalyang yamniman kidika yakat bik kalyulwinih; 4malni kau yamtah. Dawak man Papangma malni kau yamtang kat talwa kidika yaklau man warkma minit kidika mawarang ki.#6.4 Tingkau ulna kidika minit kau lakwi: tawan muihni balna muhnina yakat.
Jisas yaklau sumalwiamput makat yulni kidika
(Lk 11:2-4)
5“Manna mamatna yulta mana kat, sins dis muihni balna kapat laih atwinih, Papang yulni sumamalwa ūni yakat dawak muih kalududuhwa pāni sipintang yakat yaklauwi minitna yuyulwa kidika muih balna ditalna atnin yulni manah.#Lc 18:10-14. Yang lawik barangni manayultayang kidika karak manna warkmana minit kidika dutamana. 6Kaunah man, mamat yulta man kat, payahtaman pāni yakat awa dūr putta Papangma man karak sak kidika yakat mamat yultah. Dawak Papangma di malnikau yamtangkat matalwa kidika yaklau warkma minit kidika mawarang.
7“Dawak mamat yulta man yakat yul dauh balna kidika lamwi yulwinih, Papang yakat kukulwas muihni balna yayamwa kaput, witingna mahni yuyulwarang kat Papang yaklau baisa didakawarang ti kukulwa kidika. 8Manna laih witingna kapat atwinih, kat manna Papangmana laih baisa kalyultas mana kau nuki manna ais dukih manawa kidika. 9Manna laih aput mamatna yulnamna ki:
‘Mayang maPapangki kisang kau sakman kidika,
man ayangma laih holi kulna kidika.
10Man king āwaman sauni kidika kaiwang.
Man kulnam lani kidika sau akat yamtah,
kisang yakat yamtaman kaput.
11Warmani kasnikna dini dukih yanawa kidika yanatah.#Pro 30:8-9.
12Yangna dutni yamnayangna kidika datang kat diswang,
sihm yangna lawik dutnina datiningkat disna kaput
dutni yanayayamna muihni balna yakat.
13Matraikitalnin pas yakat maiāwinih,
kaunah dutni kidika kaupak mailaihta yaktah.’#6.13 Tingkau ulna kidika minitkau lakwi: King kawa lani, parasni, alasnina yaksihn kidika ban karang. Kaput kawang.
14“Kat manna lawa dutni manayayamna muihni balna yakat dutnina kidika datanangkat diswarang kat, manna Papangmana kisang kau sak kidika yaklau manna dutmana kidika bik dawak diswarang; 15Kaunah manna lawa ūk balna dutnina kidika datanang kat diswas karang laih, Papangmana yaklauwi bik manna dutmana#Mk 11:25-26. kidika dawak diswas karang ki.
Jisas yaklau sumalwiyuh wauhnin yulni kidika
16“Manna di kastas yuh wauhtamana kat, muhmana kidika kulnamna bukna kapat laih atwinih, sihm sins dis muihni balna kapat, kulninna bukna kapat yayamwa kidika muih balna yaklau yuh wawauhwi diatnin yulni. Barangni manayultayang kidika karak manna uman warkmana minit dutamana. 17Man, di kastas yuh wauhma kat, muhma kidika suhta dima balna kidika yamni kalyamtah, 18muih balna kidika amanglaninna awas yulni man yuh wauhtaman kidika. Man Papangma karak raumana kidika manah amanglawarang ki, dawak witing yaklau man warkma minit kidika mawarang ki.
Kisang yakat di minit nunuhni balnabangkidika
(Lk 12:33-34)
19“Manna sau akat dimana balna kidika ududuhwinih, banibil kaswa kidika dawak di balna didiswa kidika#Jm 5:2-3. dawak bik di malyang muihni balna kawi di mamalwa kidika. 20Nawatkauh laih makau kisang yakat dimana balna kidika uduhtanauh, banibil kaswas kidika dawak di balna didiswas kidika dawak di malyang muihni balna bik kawi di mamalwas kidika. 21Bahang angkat man dima sak karang kidika, kidika yakat man ismang kidika sak karang.
Muih muihni nuhni awasni kidika
(Lk 11:34-36)
22“Mamikpa balna kidika laih sihm mamuihki nuhni awasni kapat ki; kaput bahang, man mamakpa balna kidika yayamni kat, man muihma nuhni kidika bitik laih yaringni karang; 23kaunah man mamakpa balna kidika dudutni laih, man muihni nuhni kidika bitik laih puksani karang. Dawak man muihma yakat yaringni dutaman kidika puksani laih, ¡puksani kidika laih ampus palni puksani karang yah!
Papang dawak lalah karak
(Lk 16:13)
24“Muih as bik sip daniwan bu dini yamwas ki, kat as kidika yakat dutni kalkulwi dawak ūk kidika yakat laih yamni kalkulwarang bahang, kidik awas bik as yakat barangni karang dawak ūk yakat laih dutni kalyamwarang bahang. Papang yakat dawak sau ritsni balna kidika karak libitdi sip warkni yamdas ki.
Papang laih walanibis balna yakatmaintalwi
(Lk 12:22-31)
25“Kaput bahang yang lawik manna yakat manayultayang: Manna kulwi kalbabauwinih kasta dawak dita sangka atnamna kidika yulni, dawak asna āwanamna kidika yulni bik kulwi kalbabauwinih. ¿Man sangmaka kidika kauh tanit nuhni awasyah kasnin dini kidika karak dawak muihma nuhni kidika kauh tanit nuhni awasyah asna kidika karak? 26Manna talnauh di lawani balna wing yakat awawaihwa kidika: di dahwi minik yayakwas ki dawak di minik balna kidika di punin ūni balna yakat bik pupuwaski; kaput kaunah, manna laih Papangmana kisang kau sak kidika kaupak kasnin dini manawi. ¡Dawak manna laih di lawani balna kidika karak baisa nunuhni mana! 27Kaput bik, muih as yaklau uba palni kulwi kalbauwarang bik, ¿witing sangnika kidika amput dawi naini yamwarangyah awar as yakat?#6.27 ¿Witing sangnika kidika...awar as yakat?: satuk wirlanin sipki: ¿amput metro papusbah minit kau naini kalwarangyah?
28“¿Dawak ais yulni manna asna yulni kulta kalbautamanah? Yamni talnauh di dahnin pāni balna yakat amput dipulu balna bararakwa kidika: wark kalalahwas ki dawak kaninna dini bik bibiwaski. 29Kaput kaunah, manna yakat manayultayang king Salomón kat bik, asnina yamni#1 Re 10:4-7; 2 Cr 9:3-6. kidika balna kapat kāwasdai. 30Bahang dibasta di dahnin pāni yakat sak kidika dawak yahan mani kat di busnin pāni yakat busyamwarang kidika yakat Papang yaklau kaput yamni kalyamwa kat, ¡manna rahm kulnin lani kultas muihni mana yakat laih rahmni bitik duwi asmanana mana ānakarang ki! 31Kaput bahang manna aput yulta kulwi kalbabauwinih: ‘¿Ais kasdarangyah?’ kidik awaskat ‘¿Ais didarangyah?’ kidik awaskat ‘¿Ais kau asna mahawarangyah?’ 32Adika dini balna kuduh yaklau yayamwakat Papang yakat kukulwas muihni balna kulwi kalbabauwa kidika, kaunah manna laih Papangmana as kisang yakat dutamana kidika witing nuki manna ais dini dukih manawa kidika. 33Kaput bahang, manna Papang king kawa sauni yakat yamni dakanauh Papang ais yamnin yulwa kidika, dawak manna laih adika dini balna bik bitik dutanama. 34Manna yahan mani dini kidika yulni kulwi kalbabauwinih, kat yahan mani laih ma sak karang ki kulwi kalbauna atnin yulni. Ma balna bitik kidika laih witing silp tranibil balna mahni palni kidika duwi.#Sal 55:22; 1 Pi 5:7.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998