Matyu 5
5
Asang yakat kilwi sumalna kidika
1Jisas laih muih mahni kidika talwi, asang yakat kilwi yalahna dai. disainipil balna kidika laih witing yaihnit yakat uina dai, 2dawak Jisas yaklau yulwi disumalna dai, aput yulwinah:
Muih al as rahm yulna yulni kidika
(Lk 6:20-23)
3“Yamni palni ki angdika muihni balna amanglalawa kidika spiritnina dukih diawa kat, kat Papang king kawa sauni kidika laih witingna dinina bahang.
4“Yamni palni ki kulninna bukna#Is 57:18; 61:2. balna kidika, kat Papang yaklau walanina awarang bahang.
5“Yamni palni ki buknin lani duduwa muihni balna kidika,#Sal 37:11. kat Papang yaklau sau dianin pramis kalahna kidika duduwarang bahang.
6“Yamni palni ki yuh dawak was dinitnabuh#Pro 9:5; Is 55:1-2. kapat yayamwa balna kidika, Papang yaklau yamnin yulwa yakat, witing yaklau diawarang bahang dukih diawa dini balna kidika.
7“Yamni palni ki muih ūk balna yakat miniknakun tatalwa balna kidika, kat Papang yaklau witingna yakat miniknakun ditalwarang bahang.
8“Yamni palni ki kulninna maisihni dis#Sal 24:3-4. balna kidika, kat witingna laih Papang tatalwarang bahang.
9“Yamni palni ki kulnin aslah#Pro 12:20. lani dukih diawa balna kidika, kat Papang walanibis balna karang bahang.
10“Yamni palni ki Papang yaklau yamnin yulwa yakat yayamwakat diuhuiwa muihni balna kidika,#1 Pi 3:14. kat Papang king kawa sauni kidika witing duwarang bahang.
11“Yamni palni ki manna yakat muih dutni mana yulwi dutni manayayamwarang kat, dawak yang yulki alas satni bitik karak bik alas manayuyulwarang kat.#1 Pi 4:14. 12Alasna alahwa ismangnalak awanauh, kat mamatna nuhni as dutanama ki kisang yakat; bahang sihm kaput bik manna#2 Cr 36:16; Ap.w 7:52. tamatnakauh prapit balna yalalahna dai kidika yakat usnitna uhuina dai.
Kuma dawak sau yaringni kidika
(Mk 9:50; Lk 14:34-35)
13“Manna laih adika sauni kumani mana. Kaunah kuma kidika wilamni dis karang kat, ¿amput auhni duwarangyah? Kidika laih dunin dini awas kalna, kaput bahang ahni yakat ruhmyaktang kat muih balna kidika atatakwi.#Mk 9:50; Lc 14:34-35.
14“Manna laih adika sauni yaringni mana.#Jn 8:12; 9:5. Asang tuna yakat tawan nuhni as pakkidika sip yakmaldas ki. 15Awas as kidika sip dahlwi baks pasyakat awas ki; baisa laih maluihni#Mk 4:21; Lc 8:16; 11:33. yakat ilwi ū pasyakat muih bangkidika bitik yaringni talna atninna yulni. 16Sihm kidika kaput, manna awas mana kidika bik datanang yaringni dahlwang muih balna muhnina yakat, manna yamni yamtamana kidika yakat talwi witingna yaklau manna Papangmana kisang#1 Pi 2:12. kau sak kidika yakat ayangni tanit nuhni yayamwang.
Jisas laih lā yulni kidikayulwi sumalwi
17“Manna kukulwinih yang laih lā balna kidika dawak prapit balna sumamalna kidika witni kat putna aiwanayang; yang witni kat putna aiwasyang, kaunah aiwanayang tannika rahm kidika manayulna atnik.#5.17 Tannika rahm kidika manayulna atnik: Y.y. yamwi papatni. 18Bahang yang barangni manayultayang kisang balna dawak sau kidika ban karang kat, lā kidika kaupak likna as dawak ulna as bik yakwas karang ki, angkat mani kalahwarang balna kidika bitik kalahwarang kat.#Lc 16:17. 19Kidika bahang, wais kat lā balna kidika kaupak dibindauh karang bik kidika yakat dakawi yamwas karang kat, dawak muih balna yakat disumalwakat dakakawas karang kat, witing kidika Papang king kawa sauni yakat dibindauh kalkulna karang ki. Kaunah wais kat kidika yakat dakawi dawak muih ūk balna yakat bik disumalwakat witing yamwa kapat yayamwarang kat Papang king kawa sauni kidika yakat nuhni kalkulna karang ki. 20Kat yang manna yakat manayultayang, Papang yaklau yamnin yulna kaput yamta lā ulyang balna dawak parisi balna yakat bik minitnatang bayaktas awanama kat, Papang king kawa sauni kidika yakat awas awanama ki.
Jisas yaklau sumalwidaukalnin yulni kidika
(Lk 12:57-59)
21“Manna dakanamana muihmanabararak balna yakat diyuyulna kidika: ‘Muih iwinih,#Ex 20:13; Dt 5:17. bahang wais kat muih iwarang laih daunin yakat wirlana karang ki.’ 22Kaunah yang lawik manayultayang wais kat witing wirahni al yakat kulnin daukalwarang laih,#5.22 Tingkau ulna balna kidika minitkau lakwi: pini kaupak. daunin yakat wirlana karang ki. Wais kat wirahni yakat dutni kalyamwarang laih, lā yamyang tunan nunuhni balna kidika yaklau lani yayamna karang ki; dawak wais kat wirahni yakat dutni palni kalyamwarang laih, kuh kidika witing dini karang ki.
23“Kaput bahang, man wirahma dutni makulwa kidika sakripais busnin pāni yakat minit dis kalanin dini kidika duyawalikman kat ismangkatwarang kat, 24sakripais busnin pāni muhnit yakat minit dis kalanin dini kidika data tatuna yawa wirahma kidika yakat kulnin aslah lani kidika dutah. Bahang kaput laih man sip awama sakripais busnin pāni yakat nawatta yawa minit dis kalanin dini kidika kalana atnam.
25“Muih as yaklau la yakat madutik yawakuhti yamwarang kat, witing karak yulbauta talah baisa ma dutaman yakat, wihta tingni yakat mahawas tanit kauh; kaput awas karang laih, wihta kidika yaklau guardia balna tingnina yakat mahawakat silak ūni yakat mahawarang. 26Barangni mayultayang man kidika pāni kaupak alahwas awama lalahma bin witni kidika lautas awama kat.
Jisas yaklau sumalwila bahnin yulni kidika
27“Manna dakanamana muhnilau kau yulna kidika: ‘M an marid lani bahwinih.’#Ex 20:14; Dt 5:18. 28Kaunah yang lawik manayultayang angdika muihni yal as yakat dukih kaltalwa kidika, witing isning yakat uman la bahna kidika yalni karak.
29“Kaput bahang, man mamakpa tingpal niningkauh kidika yaklau mayamwakat dutni yamtaman kat, yakta man kaupak naikau ruhmtah; baisa yamni ki man muihma nuhni dakni aslah disma kat, muihma nuhni bitik kuh#Mt 18:9; Mk 9:47. yakat ruhmwarang kidika karak dawakat. 30Dawak man tingmapal kidika yaklau mayamwakat dutni yamtaman kat, dakta man kaupak naikau ruhmtah; baisa yamni ki man muihma nuhni dakni aslah disma kat, muihma nuhni bitik kuh yakat ruhmwarang kidika karak dawakat.#Mt 18:8; Mk 9:43.
Jisas yaklau sumalwimarid kaldakwi kalahnin lani kidika
(Mt 19:9; Mk 10:11-12; Lk 16:18)
31“Muhnilau kau bik yulna: ‘Angdika muihni yaklau yalni kaupak kaldakwi kalahwarang kat, kaldakwi kalahna#Dt 24:1-4; Mt 19:7; Mk 10:4. wauhnitaya as kalana atnin ki.’ 32Kaunah yang lawik manayultayang muih al as yaklau yalni kidika kaupak dakwi kalahwarang kat, la munah kalduduwas lani yamwas karang bik, yal kidika la bahnin sipki. Dawak wais kat muih yal as alni karak kaldakwi kalahna kat duwa kidika alni bik la bahwi.#Mt 19:9; Mk 10:11-12; Lc 16:18; 1 Kor 7:10-11.
Jisas yaklau sumalwipramis lani yulni balna kidika
33“Manna muihmanabararak balna yakat diyuyulna kidika bik dakanamana: ‘Dawan yakat di kalana atnam pramis#Lv 19:12; Nm 30:2; Dt 23:21. yamnaman kidika yamwas laih atnah.’ 34Kaunah yang lawik manayultayang manna di as yakat bik yulta pramis yayamwinih. Kisang kidika yakat yulta pramis yayamwinih, kat kidika laih Papang tronni bahang; 35sau kidika yakat bik yulta pramis yayamwinih, kat kidika laih witing kalni balna#Is 66:1; Mt 23:22; Jm 5:12. atakwa pāni bahang; Jerusalén kidika yakat bik yulta pramis yayamwinih, kat kidika laih king#Sal 48:2. nuhni kidika tawanni nuhni bahang. 36Manna tunamana kidika kat bik yulta pramis yayamwinih, kat manna laih bas as kidika pihni dawak sani bik yamnamna sip awas mana bahang. 37Manna ‘agha’ tinamakat, kaput yamtanauh; ‘dikah’ tinama kat kaput yayamwinih, kat adika kaupak naikau kalahnin kidika laih dutni ki.
Jisas yaklau sumalwibiriwi yamnin yulni kidika
(Lk 6:29-30)
38“Manna muhnilau kau yulna kidika dakanamana: ‘Biri minikpa biri minikpa dawak biri anani biri anani.’#Ex 21:24; Lv 24:20; Dt 19:21. 39Kaunah yang lawik manna yakat manayultayang: Muih as yaklau dutni mayamwakat niningkauh yaklauwinih; nawatkauh laih, muih as yaklau muhma labanni yakat mawiswakat, ūk#Lm 3:30. kidika bik kalatang kat mawiswang. 40Muih as yaklau la mahawi prakma kidika madakyaknin yamwarang kat, kalmuknam dini kidika bik datang kat dukiwang. 41Mataihwi di trukta kilómetro as yawah matwarang kat, minit lakta kilómetro ūk yawah. 42muih as yaklau di mayulwakat Kalatah; dawak muih as yaklau di as wayaki mayulwakat kalawas atnah.
Manikingkauh yaklalauwa muihni balna yakatdalani talnin kidika
(Lk 6:27-28, 32-36)
43“Manna muhnilaukau yulna kidika bik dakanama: ‘Man kaltalyang yamni#Lv 19:18. man yakat dalani kaltalah, dawak man namangkauh yaklauwa muihni yakat laih dutni kaltalah.’ 44Kaunah yang lawik manayultayang: Manna namangnakauh yaklalauwa muihni balna yakat dalani ditalnauh,#5.44 Tingkau ulna kidika laih minitkau lakwi: Dutni manayuyulwa yakat yamni diyultanauh, yamni diyamtanauh dutni manakukulwa balna yakat. dawak witingna yakat uhuiwa muihni balna#5.44 Tingkau ulna kidika laih minitkau lakwi: mana uhuswa kidika. kidika yulni mamatna yultanauh. 45Kaput laih manna Papangmana kisang kau sakkidika walanibis balna awanama; bahang witing yaklau yamwakat ma kidika muih dudutni balna dawak muih yayamni balna kidika minitna yakat bik kalahwi, dawak was kidika bik muih bararangni dawak bararangni awas balna minitna yakat bik lauwi. 46Kat manna yakat dalani manatatalwa muihni balna yakat manah dalani talnama kat, ¿warkmana minit ais dutanamayah? Roma dini tunan minit dadakwa muihni balna kat bik kaput yayamwaski. 47Dawak manna wirahmana balna yakat manah parastamana kat, ¿kidika minit yakat ais yamtamahn? Papang yakat kukulwas muihni balna kat bik kaput yayamwaski. 48Manna barangni awanauh, Papangmana kisang kau sak kidika barangni#Lv 11:44-45; 19:2; Dt 18:13. kapat.
Currently Selected:
Matyu 5: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Matyu 5
5
Asang yakat kilwi sumalna kidika
1Jisas laih muih mahni kidika talwi, asang yakat kilwi yalahna dai. disainipil balna kidika laih witing yaihnit yakat uina dai, 2dawak Jisas yaklau yulwi disumalna dai, aput yulwinah:
Muih al as rahm yulna yulni kidika
(Lk 6:20-23)
3“Yamni palni ki angdika muihni balna amanglalawa kidika spiritnina dukih diawa kat, kat Papang king kawa sauni kidika laih witingna dinina bahang.
4“Yamni palni ki kulninna bukna#Is 57:18; 61:2. balna kidika, kat Papang yaklau walanina awarang bahang.
5“Yamni palni ki buknin lani duduwa muihni balna kidika,#Sal 37:11. kat Papang yaklau sau dianin pramis kalahna kidika duduwarang bahang.
6“Yamni palni ki yuh dawak was dinitnabuh#Pro 9:5; Is 55:1-2. kapat yayamwa balna kidika, Papang yaklau yamnin yulwa yakat, witing yaklau diawarang bahang dukih diawa dini balna kidika.
7“Yamni palni ki muih ūk balna yakat miniknakun tatalwa balna kidika, kat Papang yaklau witingna yakat miniknakun ditalwarang bahang.
8“Yamni palni ki kulninna maisihni dis#Sal 24:3-4. balna kidika, kat witingna laih Papang tatalwarang bahang.
9“Yamni palni ki kulnin aslah#Pro 12:20. lani dukih diawa balna kidika, kat Papang walanibis balna karang bahang.
10“Yamni palni ki Papang yaklau yamnin yulwa yakat yayamwakat diuhuiwa muihni balna kidika,#1 Pi 3:14. kat Papang king kawa sauni kidika witing duwarang bahang.
11“Yamni palni ki manna yakat muih dutni mana yulwi dutni manayayamwarang kat, dawak yang yulki alas satni bitik karak bik alas manayuyulwarang kat.#1 Pi 4:14. 12Alasna alahwa ismangnalak awanauh, kat mamatna nuhni as dutanama ki kisang yakat; bahang sihm kaput bik manna#2 Cr 36:16; Ap.w 7:52. tamatnakauh prapit balna yalalahna dai kidika yakat usnitna uhuina dai.
Kuma dawak sau yaringni kidika
(Mk 9:50; Lk 14:34-35)
13“Manna laih adika sauni kumani mana. Kaunah kuma kidika wilamni dis karang kat, ¿amput auhni duwarangyah? Kidika laih dunin dini awas kalna, kaput bahang ahni yakat ruhmyaktang kat muih balna kidika atatakwi.#Mk 9:50; Lc 14:34-35.
14“Manna laih adika sauni yaringni mana.#Jn 8:12; 9:5. Asang tuna yakat tawan nuhni as pakkidika sip yakmaldas ki. 15Awas as kidika sip dahlwi baks pasyakat awas ki; baisa laih maluihni#Mk 4:21; Lc 8:16; 11:33. yakat ilwi ū pasyakat muih bangkidika bitik yaringni talna atninna yulni. 16Sihm kidika kaput, manna awas mana kidika bik datanang yaringni dahlwang muih balna muhnina yakat, manna yamni yamtamana kidika yakat talwi witingna yaklau manna Papangmana kisang#1 Pi 2:12. kau sak kidika yakat ayangni tanit nuhni yayamwang.
Jisas laih lā yulni kidikayulwi sumalwi
17“Manna kukulwinih yang laih lā balna kidika dawak prapit balna sumamalna kidika witni kat putna aiwanayang; yang witni kat putna aiwasyang, kaunah aiwanayang tannika rahm kidika manayulna atnik.#5.17 Tannika rahm kidika manayulna atnik: Y.y. yamwi papatni. 18Bahang yang barangni manayultayang kisang balna dawak sau kidika ban karang kat, lā kidika kaupak likna as dawak ulna as bik yakwas karang ki, angkat mani kalahwarang balna kidika bitik kalahwarang kat.#Lc 16:17. 19Kidika bahang, wais kat lā balna kidika kaupak dibindauh karang bik kidika yakat dakawi yamwas karang kat, dawak muih balna yakat disumalwakat dakakawas karang kat, witing kidika Papang king kawa sauni yakat dibindauh kalkulna karang ki. Kaunah wais kat kidika yakat dakawi dawak muih ūk balna yakat bik disumalwakat witing yamwa kapat yayamwarang kat Papang king kawa sauni kidika yakat nuhni kalkulna karang ki. 20Kat yang manna yakat manayultayang, Papang yaklau yamnin yulna kaput yamta lā ulyang balna dawak parisi balna yakat bik minitnatang bayaktas awanama kat, Papang king kawa sauni kidika yakat awas awanama ki.
Jisas yaklau sumalwidaukalnin yulni kidika
(Lk 12:57-59)
21“Manna dakanamana muihmanabararak balna yakat diyuyulna kidika: ‘Muih iwinih,#Ex 20:13; Dt 5:17. bahang wais kat muih iwarang laih daunin yakat wirlana karang ki.’ 22Kaunah yang lawik manayultayang wais kat witing wirahni al yakat kulnin daukalwarang laih,#5.22 Tingkau ulna balna kidika minitkau lakwi: pini kaupak. daunin yakat wirlana karang ki. Wais kat wirahni yakat dutni kalyamwarang laih, lā yamyang tunan nunuhni balna kidika yaklau lani yayamna karang ki; dawak wais kat wirahni yakat dutni palni kalyamwarang laih, kuh kidika witing dini karang ki.
23“Kaput bahang, man wirahma dutni makulwa kidika sakripais busnin pāni yakat minit dis kalanin dini kidika duyawalikman kat ismangkatwarang kat, 24sakripais busnin pāni muhnit yakat minit dis kalanin dini kidika data tatuna yawa wirahma kidika yakat kulnin aslah lani kidika dutah. Bahang kaput laih man sip awama sakripais busnin pāni yakat nawatta yawa minit dis kalanin dini kidika kalana atnam.
25“Muih as yaklau la yakat madutik yawakuhti yamwarang kat, witing karak yulbauta talah baisa ma dutaman yakat, wihta tingni yakat mahawas tanit kauh; kaput awas karang laih, wihta kidika yaklau guardia balna tingnina yakat mahawakat silak ūni yakat mahawarang. 26Barangni mayultayang man kidika pāni kaupak alahwas awama lalahma bin witni kidika lautas awama kat.
Jisas yaklau sumalwila bahnin yulni kidika
27“Manna dakanamana muhnilau kau yulna kidika: ‘M an marid lani bahwinih.’#Ex 20:14; Dt 5:18. 28Kaunah yang lawik manayultayang angdika muihni yal as yakat dukih kaltalwa kidika, witing isning yakat uman la bahna kidika yalni karak.
29“Kaput bahang, man mamakpa tingpal niningkauh kidika yaklau mayamwakat dutni yamtaman kat, yakta man kaupak naikau ruhmtah; baisa yamni ki man muihma nuhni dakni aslah disma kat, muihma nuhni bitik kuh#Mt 18:9; Mk 9:47. yakat ruhmwarang kidika karak dawakat. 30Dawak man tingmapal kidika yaklau mayamwakat dutni yamtaman kat, dakta man kaupak naikau ruhmtah; baisa yamni ki man muihma nuhni dakni aslah disma kat, muihma nuhni bitik kuh yakat ruhmwarang kidika karak dawakat.#Mt 18:8; Mk 9:43.
Jisas yaklau sumalwimarid kaldakwi kalahnin lani kidika
(Mt 19:9; Mk 10:11-12; Lk 16:18)
31“Muhnilau kau bik yulna: ‘Angdika muihni yaklau yalni kaupak kaldakwi kalahwarang kat, kaldakwi kalahna#Dt 24:1-4; Mt 19:7; Mk 10:4. wauhnitaya as kalana atnin ki.’ 32Kaunah yang lawik manayultayang muih al as yaklau yalni kidika kaupak dakwi kalahwarang kat, la munah kalduduwas lani yamwas karang bik, yal kidika la bahnin sipki. Dawak wais kat muih yal as alni karak kaldakwi kalahna kat duwa kidika alni bik la bahwi.#Mt 19:9; Mk 10:11-12; Lc 16:18; 1 Kor 7:10-11.
Jisas yaklau sumalwipramis lani yulni balna kidika
33“Manna muihmanabararak balna yakat diyuyulna kidika bik dakanamana: ‘Dawan yakat di kalana atnam pramis#Lv 19:12; Nm 30:2; Dt 23:21. yamnaman kidika yamwas laih atnah.’ 34Kaunah yang lawik manayultayang manna di as yakat bik yulta pramis yayamwinih. Kisang kidika yakat yulta pramis yayamwinih, kat kidika laih Papang tronni bahang; 35sau kidika yakat bik yulta pramis yayamwinih, kat kidika laih witing kalni balna#Is 66:1; Mt 23:22; Jm 5:12. atakwa pāni bahang; Jerusalén kidika yakat bik yulta pramis yayamwinih, kat kidika laih king#Sal 48:2. nuhni kidika tawanni nuhni bahang. 36Manna tunamana kidika kat bik yulta pramis yayamwinih, kat manna laih bas as kidika pihni dawak sani bik yamnamna sip awas mana bahang. 37Manna ‘agha’ tinamakat, kaput yamtanauh; ‘dikah’ tinama kat kaput yayamwinih, kat adika kaupak naikau kalahnin kidika laih dutni ki.
Jisas yaklau sumalwibiriwi yamnin yulni kidika
(Lk 6:29-30)
38“Manna muhnilau kau yulna kidika dakanamana: ‘Biri minikpa biri minikpa dawak biri anani biri anani.’#Ex 21:24; Lv 24:20; Dt 19:21. 39Kaunah yang lawik manna yakat manayultayang: Muih as yaklau dutni mayamwakat niningkauh yaklauwinih; nawatkauh laih, muih as yaklau muhma labanni yakat mawiswakat, ūk#Lm 3:30. kidika bik kalatang kat mawiswang. 40Muih as yaklau la mahawi prakma kidika madakyaknin yamwarang kat, kalmuknam dini kidika bik datang kat dukiwang. 41Mataihwi di trukta kilómetro as yawah matwarang kat, minit lakta kilómetro ūk yawah. 42muih as yaklau di mayulwakat Kalatah; dawak muih as yaklau di as wayaki mayulwakat kalawas atnah.
Manikingkauh yaklalauwa muihni balna yakatdalani talnin kidika
(Lk 6:27-28, 32-36)
43“Manna muhnilaukau yulna kidika bik dakanama: ‘Man kaltalyang yamni#Lv 19:18. man yakat dalani kaltalah, dawak man namangkauh yaklauwa muihni yakat laih dutni kaltalah.’ 44Kaunah yang lawik manayultayang: Manna namangnakauh yaklalauwa muihni balna yakat dalani ditalnauh,#5.44 Tingkau ulna kidika laih minitkau lakwi: Dutni manayuyulwa yakat yamni diyultanauh, yamni diyamtanauh dutni manakukulwa balna yakat. dawak witingna yakat uhuiwa muihni balna#5.44 Tingkau ulna kidika laih minitkau lakwi: mana uhuswa kidika. kidika yulni mamatna yultanauh. 45Kaput laih manna Papangmana kisang kau sakkidika walanibis balna awanama; bahang witing yaklau yamwakat ma kidika muih dudutni balna dawak muih yayamni balna kidika minitna yakat bik kalahwi, dawak was kidika bik muih bararangni dawak bararangni awas balna minitna yakat bik lauwi. 46Kat manna yakat dalani manatatalwa muihni balna yakat manah dalani talnama kat, ¿warkmana minit ais dutanamayah? Roma dini tunan minit dadakwa muihni balna kat bik kaput yayamwaski. 47Dawak manna wirahmana balna yakat manah parastamana kat, ¿kidika minit yakat ais yamtamahn? Papang yakat kukulwas muihni balna kat bik kaput yayamwaski. 48Manna barangni awanauh, Papangmana kisang kau sak kidika barangni#Lv 11:44-45; 19:2; Dt 18:13. kapat.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998