Matyu 14
14
Jan muih wassiyang muihni dauna kidika
(Mk 6:14-29; Lk 9:7-9)
1Kidika mani yakat, Herod witing Galilea yakat king kāwadai kidika, Jisas yulni yuyulwa kat dakana, 2dawak witing dini yamyang balna yakat diyulna: “Kidika laih Jan muih wassiyang yaklauna kidika ki. Kidika yulni witing taldas dini yamnin parasni kidika duwi.”
3Kat Herod yaklau yamna dai Jan kidika laihwi silak yakat ana atnin. Kidika laih witing wirahni al Pilip yalni Herodías yulni kaput yamna dai, 4bahang Jan yaklau Herod yakat kalyulna dai: “Man yalma atnin dunam sip awas ki.”#Lc 3:19-20. ,#Lv 18:16; 20:21.
5Herod, witing Jan yakat ikuhti kulwa dai kidika, witing muih balna yamaninaduwadai, kat muih balna bitik laih rahm kukulwadai kidika yulni Jan laih prapit as dai kidika. 6Kaunah Herod witing batahn dana mani laihwa yakat, Herodías walanibis yal kidika kalahwi ubuna dai muih balna diyulwa kat uina kidika muhnina yakat, dawak Herod laih uba palni dukih kalana dai kidika ubuna kidika yulni 7bahang Papang ayangni usnit yakat pramis kalyamna dai witing ais yulwarang kidika kalana atnin. 8Bahang witing nanangni ais kalyulna kidika Herod yakat kalyulna dai:
—Jan muih wassiyang tunani kidika di lakwi kasnin dini as kau lakta yatah.
9Adika yulni dakana kat Herod laih kulnin bukna dai; kaunah muih diyulwa kat uina balna kidika muhnina yakat pramis as yamna dai kidika yulni, sihwa kat kiuna dai kalana atninna. 10Bahang Jan kidika silak ūni yakat tunani daknin dipakna dai; 11usnit kat di lakwi kasnin dini as kau laksakwi uiwi kalalana dai muih yal yakat dawak yal kidika yaklau nanangni tingni yakat kalana dai.
12Jan usnit uiyang balna kidika laih ui'kawi Jan muihni nuhni kidika duwi uiwi nununa dai; usnit kat Jisas yakat uiwi kalyuyulna dai.
Jisas yaklau muih 5,000 kidikabalna yakat dibayahwi
(Mk 6:30-44; Lk 9:10-17; Jn 6:1-14)
13Kidika yulni Jisas dakana kat, kidika kaupak witing alas kuring as kau kiuna dai, pa as naikau. Kaunah muih balna kidika laih amanglawi tawan balna kidika kaupak kalahwi kalkau uhuina dai. 14Jisas witing kuring kidika kaupak yaklakna mani kat, muih mahni kidika talna dai; witingna yakat miniknakun ditalwi siknis muihni balna yakat sikninanis kaupak yamni diyamna dai. 15Uman puklakwa kidika yulni, disainipil balna kidika laih witing yaihnit yakat uiwi kalyuyulna:
—Uman ma kakiuna, dawak adika pāni bik nai palni ki. Muih balna kidika uman sihmuktang kat uiwang, tawan dibinina yakat uiwi kasnin dini bakanna atninna.
16Jisas yaklau nangnitnalana:
—Ais yulni witingna uiwarangyah; manna lawa witingna yakat kasnin dini diatanauh.
17Witingna yaklau nangnitlalana:
—Yangna laih plawar busna singka dawak waspa dini bu kidika manah dutayangna.
18Jisas yaklau diyulna:
—Akat duaita yatanauh.
19Bahang muih balna mahni kidika yakat diyulwa kat sihrsihr yakat yalalahna dai. Usnit kat plawar busna singka kidika dawak waspa dini bu kidika duwi, kisang yakat talwinah blis yamna dai dawak plawar busna balna kidika bahwi disaipil balna yakat diana dai muih balna kidika yakat diana atninna. 20Muih balna bitik kidika laih kaswi isningnalak dana dai; yayahni balna watna kidika ududuhna kat di punin dini kapatnah manah 12 yayakna dai. 21Muih di kakasna balna kidika manah laih muih ahal tausin singka dai, muih yayal dawak walabis balna kidika laih banawi kukulwasdai.
Jisas laih was minit yakat lapakna
(Mk 6:45-52; Jn 6:16-21)
22Kidika usnit kat, Jisas yaklau disainipil balna yakat diyulna dai kuring yakat kawi witingna tatuna dakyaklana atninna lakun nakas yakat witing laih muih balna kidika sihmukwakat. 23Jisas witing muih balna kidika sihmukna mani kat, asang as kau witing alas kilwi minit yulna dai. Puklakna mani kat, kidika pāni yakat witing alas sakdai, 24dawak kuring kidika laih uman sau buhni kaupak naikau kalahwi kiuna dai. Was lalamwa balna kidika laih kuring yakat manah laihwadai, kat wing kidika laih muhnitna kaupak wauhwadai kidika yulni. 25Payahlanin manah yakat Jisas witing was minit munah lapakwi kiuna dai witingna bangkidika niningna yakat. 26Disaipil balna kidika witingna Jisas was minit yakat lapakwakat tatalna mani kat, witingna muihsakdauwi sararahna dai:
—¡Muih dauna wayani as ki!
27Kaunah Jisas yaklau yul dibauwi aput diyulna:
—¡Kulnamna dadasni dutanauh, yang, yamaduduwinih!
28Bahang Pita yaklau nangnitlana:
—Dawan, rahm man kat, yayultang kat was minit munah yawakuh man sakman kat.
29Jisas yaklau kalyulna:
—Aiwah.
Bahang Pita laih kuring kaupak yaklakwi was minit munah lapakwi kiuna dai Jisas sakdai kidika niningyakat. 30Kaunah wing parasni wauhwa kidika dakana mani kat, yamaduna dai; dawak was pasyakat kakiwa kidika yulni, sarahwi yulna:
—¡Dawan, yalaihta yaktah!
31Kidika minitni yakat, Jisas yaklau Pita tingni yakat laihwi, kalyulna:
—¡Rahm kulnin lani dibindauh palni dutaman! ¿Ais yulni rahm kultasman daih?
32Witingna kuring pasyakat kakawak kat laih, wing kidika laihwatna dai. 33Bahang kuring pasyakat bangdai kidika balna witingna Jisas muhnit yakat limbabahwi kalyuyulna:
—¡Rahm palni man laih Papang Walanibisman!
Jisas laih Genesaret sauni yakatsiknis muihni balna kidika yakatsikninanis kaupak yamni diyamna
(Mk 6:53-56)
34Lakun kidika dakyaklawi Genesaret sauni yakat uiwi kakana dai. 35Kidika sauni muihni balna laih Jisas kidika amangnilalana, dawak yul kidika laih kidika sauni bitik yakat kawi yaklana dai. Siknis muihni balna kidika duwi uiwi kalalawadai, 36dawak kalni dinit bukwi kalyuyulwadai kalmukwa dini sutni kidika manah bik dawakat laihna atninna; dawak kalmukwa dini sutni yakat lalaihwa muihni balna bitik laih, sikninanis kaupak yamni diyamwadai.
Currently Selected:
Matyu 14: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Matyu 14
14
Jan muih wassiyang muihni dauna kidika
(Mk 6:14-29; Lk 9:7-9)
1Kidika mani yakat, Herod witing Galilea yakat king kāwadai kidika, Jisas yulni yuyulwa kat dakana, 2dawak witing dini yamyang balna yakat diyulna: “Kidika laih Jan muih wassiyang yaklauna kidika ki. Kidika yulni witing taldas dini yamnin parasni kidika duwi.”
3Kat Herod yaklau yamna dai Jan kidika laihwi silak yakat ana atnin. Kidika laih witing wirahni al Pilip yalni Herodías yulni kaput yamna dai, 4bahang Jan yaklau Herod yakat kalyulna dai: “Man yalma atnin dunam sip awas ki.”#Lc 3:19-20. ,#Lv 18:16; 20:21.
5Herod, witing Jan yakat ikuhti kulwa dai kidika, witing muih balna yamaninaduwadai, kat muih balna bitik laih rahm kukulwadai kidika yulni Jan laih prapit as dai kidika. 6Kaunah Herod witing batahn dana mani laihwa yakat, Herodías walanibis yal kidika kalahwi ubuna dai muih balna diyulwa kat uina kidika muhnina yakat, dawak Herod laih uba palni dukih kalana dai kidika ubuna kidika yulni 7bahang Papang ayangni usnit yakat pramis kalyamna dai witing ais yulwarang kidika kalana atnin. 8Bahang witing nanangni ais kalyulna kidika Herod yakat kalyulna dai:
—Jan muih wassiyang tunani kidika di lakwi kasnin dini as kau lakta yatah.
9Adika yulni dakana kat Herod laih kulnin bukna dai; kaunah muih diyulwa kat uina balna kidika muhnina yakat pramis as yamna dai kidika yulni, sihwa kat kiuna dai kalana atninna. 10Bahang Jan kidika silak ūni yakat tunani daknin dipakna dai; 11usnit kat di lakwi kasnin dini as kau laksakwi uiwi kalalana dai muih yal yakat dawak yal kidika yaklau nanangni tingni yakat kalana dai.
12Jan usnit uiyang balna kidika laih ui'kawi Jan muihni nuhni kidika duwi uiwi nununa dai; usnit kat Jisas yakat uiwi kalyuyulna dai.
Jisas yaklau muih 5,000 kidikabalna yakat dibayahwi
(Mk 6:30-44; Lk 9:10-17; Jn 6:1-14)
13Kidika yulni Jisas dakana kat, kidika kaupak witing alas kuring as kau kiuna dai, pa as naikau. Kaunah muih balna kidika laih amanglawi tawan balna kidika kaupak kalahwi kalkau uhuina dai. 14Jisas witing kuring kidika kaupak yaklakna mani kat, muih mahni kidika talna dai; witingna yakat miniknakun ditalwi siknis muihni balna yakat sikninanis kaupak yamni diyamna dai. 15Uman puklakwa kidika yulni, disainipil balna kidika laih witing yaihnit yakat uiwi kalyuyulna:
—Uman ma kakiuna, dawak adika pāni bik nai palni ki. Muih balna kidika uman sihmuktang kat uiwang, tawan dibinina yakat uiwi kasnin dini bakanna atninna.
16Jisas yaklau nangnitnalana:
—Ais yulni witingna uiwarangyah; manna lawa witingna yakat kasnin dini diatanauh.
17Witingna yaklau nangnitlalana:
—Yangna laih plawar busna singka dawak waspa dini bu kidika manah dutayangna.
18Jisas yaklau diyulna:
—Akat duaita yatanauh.
19Bahang muih balna mahni kidika yakat diyulwa kat sihrsihr yakat yalalahna dai. Usnit kat plawar busna singka kidika dawak waspa dini bu kidika duwi, kisang yakat talwinah blis yamna dai dawak plawar busna balna kidika bahwi disaipil balna yakat diana dai muih balna kidika yakat diana atninna. 20Muih balna bitik kidika laih kaswi isningnalak dana dai; yayahni balna watna kidika ududuhna kat di punin dini kapatnah manah 12 yayakna dai. 21Muih di kakasna balna kidika manah laih muih ahal tausin singka dai, muih yayal dawak walabis balna kidika laih banawi kukulwasdai.
Jisas laih was minit yakat lapakna
(Mk 6:45-52; Jn 6:16-21)
22Kidika usnit kat, Jisas yaklau disainipil balna yakat diyulna dai kuring yakat kawi witingna tatuna dakyaklana atninna lakun nakas yakat witing laih muih balna kidika sihmukwakat. 23Jisas witing muih balna kidika sihmukna mani kat, asang as kau witing alas kilwi minit yulna dai. Puklakna mani kat, kidika pāni yakat witing alas sakdai, 24dawak kuring kidika laih uman sau buhni kaupak naikau kalahwi kiuna dai. Was lalamwa balna kidika laih kuring yakat manah laihwadai, kat wing kidika laih muhnitna kaupak wauhwadai kidika yulni. 25Payahlanin manah yakat Jisas witing was minit munah lapakwi kiuna dai witingna bangkidika niningna yakat. 26Disaipil balna kidika witingna Jisas was minit yakat lapakwakat tatalna mani kat, witingna muihsakdauwi sararahna dai:
—¡Muih dauna wayani as ki!
27Kaunah Jisas yaklau yul dibauwi aput diyulna:
—¡Kulnamna dadasni dutanauh, yang, yamaduduwinih!
28Bahang Pita yaklau nangnitlana:
—Dawan, rahm man kat, yayultang kat was minit munah yawakuh man sakman kat.
29Jisas yaklau kalyulna:
—Aiwah.
Bahang Pita laih kuring kaupak yaklakwi was minit munah lapakwi kiuna dai Jisas sakdai kidika niningyakat. 30Kaunah wing parasni wauhwa kidika dakana mani kat, yamaduna dai; dawak was pasyakat kakiwa kidika yulni, sarahwi yulna:
—¡Dawan, yalaihta yaktah!
31Kidika minitni yakat, Jisas yaklau Pita tingni yakat laihwi, kalyulna:
—¡Rahm kulnin lani dibindauh palni dutaman! ¿Ais yulni rahm kultasman daih?
32Witingna kuring pasyakat kakawak kat laih, wing kidika laihwatna dai. 33Bahang kuring pasyakat bangdai kidika balna witingna Jisas muhnit yakat limbabahwi kalyuyulna:
—¡Rahm palni man laih Papang Walanibisman!
Jisas laih Genesaret sauni yakatsiknis muihni balna kidika yakatsikninanis kaupak yamni diyamna
(Mk 6:53-56)
34Lakun kidika dakyaklawi Genesaret sauni yakat uiwi kakana dai. 35Kidika sauni muihni balna laih Jisas kidika amangnilalana, dawak yul kidika laih kidika sauni bitik yakat kawi yaklana dai. Siknis muihni balna kidika duwi uiwi kalalawadai, 36dawak kalni dinit bukwi kalyuyulwadai kalmukwa dini sutni kidika manah bik dawakat laihna atninna; dawak kalmukwa dini sutni yakat lalaihwa muihni balna bitik laih, sikninanis kaupak yamni diyamwadai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998