Matyu 10
10
Jisas yaklau apostel balna 12 kidikawalwi yakna
(Mk 3:13-19; Lk 6:12-16)
1Jisas yaklau disainipil balna 12 kidika yakat diyulwa kat uina, dawak parasnina diana spirit dudutni balna yakat kangwi yakna atninna dawak siknis dalalani balna bitik yakat bik yamna atninna yulni.
2Adika balna ki apostel balna 12 ayangnina kidika: tatuna kidika laih Saiman, ayangni ūk kau laih Pita, dawak wirahni Andru; Sibidi walanibis balna Jims dawak wirahni Jan kauna; 3Felipe dawak Bartolomé; Tomás dawak Matyu, Roma dini tunan minit yakwādai kidika; Alfeo walanibis Jims, dawak Tadeo kauna; 4Rahmni yulni kalbauyang Saiman, dawak Judas Iscariote, Jisas yakat malni kau pāt yakat āna kidika.
Jisas yaklau disainipil balna yakatdisihwi Papang king kawa sauniyulni kidika yulna atninna
(Mk 6:7-13; Lk 9:1-6)
5Jisas yaklau disaipil 12 balna adika disihna dai adika yulni balna disumalwi dawi: “Papang yakat kukulwas muihni balna saunina yakat laih uiwinih dawak Samaria tawanni balna yakat bik kakawinih; 6kaunah Israel tawanni sīpni balna didisna yakat yawanauh. 7Manna yawanauh dawak makau kisang kau king kanin sauni kaiwi ulisna yulni kidika yultanauh. 8Siknis muihni balna yakat sikninanis kaupak yamni diyamtanauh, muih dauna balna kidika dulautanauh, pilau duyang muihni balna pilaunina kidika klin yamtanauh dawak spirit dudutni balna kidika bik kangta yaktanauh. Manna laih adika parasni adika minit dis dunamana; kidika bahang manna warkmana minit laih kukulwinih.
9“Gol, lalah dawak bras bik duwi uiwinih 10ta yakat kasnin dini bik duwi uiwinih. Buhni kalahnin asnina, sus dawak tulnah bik duwi uiwinih, kat wark muihni kidika laih di kasna atnin rahmni duwa bahang.#1 Kor 9:14; 1 Tim 5:18.
11“Manna tawan as kidik awas bik tawan dibindauh as kau yawanama kat, manna yamni talamana muihni as walta ūni yakat awanama angdika mani kidika kaupak yawanama mani kat. 12Kidika ūni yakat awanama kat, muih balna bangkidika yakat diparastanama. 13Kidika ūni muihni balna yakat man kulnin aslah lani diataman kidika dunin muihni balna karang kat, man kulnin aslah lani dukih mawa kidika kaput karang; kaunah kulnin aslah lani dunin muihni balna awas karang laih, man dukih mawa kaput awas karang. 14Dawak kulnin aslah lani kidika dunin yuyulwas dawak bik dakanin dukih diawas karang kat, kidika ūni kidik awas kat kidika tawanni kaupak alahwa kalmana kau sau yahamni manalaihna kidika usyaktanama.#Ap.w 13:51. 15Barangni manayultayang, la yamnin mani yakat kidika tawanni minit yakat wah bukwarang kidika laih baisa dutni karang ki Sodoma dawak Gomorra sauni balna kidika karak dawakat.#Lc 10:4-12. ,#Gn 19:24-28; Mt 11:24.
Dangnit kaupak uhuiwa lani balna
16“¡Talnauh! Yang lawik manasihtayang sihm sīp balna kapat nawah pauni balna pasyakat.#Lc 10:3. Bahang manna laih sihm bil balna sinsnina sirihni kapat awanauh, dawak mamaknakunni sihm buhtuku kapat bik awanauh. 17Manna amungtalnauh, kat la tingni yakat mana ahawarang ki, dawak bik Papang yulni sumamalwa ūni balna yakat bik manawiwiswarang ki 18dawak kabamint kayang balna dawak king balna muhnina yakat bik manaduwi uiwarangki yang yulki; kaput laih manna sip awanama yang yulki yulnamna witingna dawak Papang yakat kukulwas muihni balna muhnina yakat bik. 19Kaunah la yakat manaduwi uiwarang mani kat, manna kulwi kalbabauwinih ais yulnamna kidika dawak bik amput yulnamna kidika, kat yulbautanama minitni yakat, yul balna kidika laih Papang yaklau manawarang ki. 20Bahang manna laih yulbautas awanamaki, kaunah manna Papangmana Spiritni kidika yaklau yulbauwarang ki.#Mk 13:9-11; Lc 12:11-12; 21:12-15.
21“Muih balna yaklau wirahnina ahal balna kidika daunin tingni yakat ahawarang, dawak papang balna kidika laih walaninabis balna kidika daunin tingni yakat ahawarang; dawak walabis balna kidika laih papangnina niningna kauh yaklauwi ihiwarang.#Mk 13:12; Lc 21:16. 22Muih bitik manna yakat dutni manayayamwarang yang yulki;#Mt 24:9; Mk 13:13; Lc 21:17. kaunah angdika muihni witni kat barangni yaklauwarang kidika laih kallaihwi yakna karang ki.#Mt 24:13; Mk 13:13. 23Tawan nuhni as kau manauhuiwarang kat, tawan nuhni ūk iranauh; kat barangni manayultayang muih Walanibis al kidika laih manna Israel tawanni nunuhni balna kidika baisa awaihlatasmana kat kaiwarang ki.
24“Disaipil as bik sumalyang minit yakat awas ki,#Lc 6:40. dawak di yamyang as bik witing daniwan minit yakat awaski.#Jn 13:16; 15:20. 25Disaipil kidika laih witing sumalniyang kapat kalwarang laih takat aitani kaldakawarang ki, dawak di yamyang muihni kidika laih witing daniwan kapat kalwarang laih takat aitani kaldakawarang ki. Ū tanituna yakat Beelzebú#Mt 9:34; 12:24; Mk 3:22; Lc 11:15. kalatwarang kat ¿witing walanibis balna yakat laih amput diyuyulwarangyah?
Wais yakat yamanidunin kidika
(Lk 12:2-7)
26“Bahang manna muih balna yakat yamaninaduduwinih. Kat di as bik malni yakat diski amanglana atnin, dawak di as bik malni awaski amanglana atnin.#Mk 4:22; Lc 8:17. 27Yang lawik puksani yakat manayultayang kidika, manna lawa madah yakat yultanauh; dawak malni kau manayultayang kidika laih, ū tuna balna yakaupak sarahta yultanauh. 28Muihni nuhni yakat ihiwa balna yakat laih yamaninaduduwinih, kaunah sangka ban atnin yakat laih sip di as bik yayamwaski, kaunah yamanidutanauh, manainin sip kidika, muihma nuhni, dawak ban atnin yakat madispamwarang kidika.
29“¿Uhbinina bu kidika lalah dadasni as minit bakakanwas yah? Kaput bik, kidika balna kaupak as bik sau yakat bukwas ki manna Papangmana kulnin lani awas kat. 30Manna namangnakauh laih, basmana kidika witing yaklau muihmana kat kat kulwi talna ki. 31Kaput bahang manna yamaduduwinih: manna laih uhbinina mahni karak manna kauh nunuhni man.
Jisas yakat amanglalawa muihni balna kidikamuih ahal balna muhnina yakat
(Lk 12:8-9)
32“Muih as yaklau yang ilpki yulwi lāih yakwarang kat muih balna muhnina yakat, yang bik witing ilpni yulki ki yang Papangki makau kisang kau sakkidika muhni yakat; 33kaunah muih balna muhnina yakat yang yatalasyang tarang laih, yang bik witing kidika talasyang yulki ki yang Papangki makau kisang kau sak kidika muhni yakat.#2 Tim 2:12.
Jisas, sahwi kalahnin lani kidika
(Lk 12:51-53; 14:26-27)
34“Manna kukulwinih yang sau akat aiwanayang kulnin aslah lani duaina atnik; kaunah kalbaunin lani kidika duaina aiwanayang. 35Yang aiwanayang muih al kidika papangni niningyakat ana atnik, walanibis yal kidika laih nanangni niningyakat dawak unisah kidika laih unisah yal muihbarak kidika niningyakat; 36kaput bahang witingna niningna kauh yaklalauwa muihni balna kidika laih sihm witingna wirahnina balna yakauna karang ki.#Mi 7:6.
37“Angdika muihni kat witing papangni kidik awaskat nanangni kauh dalani talwa kidika laih yang karak dawakat, yang diki atnin sip awas ki; angdika muihni witing walanibis al kidik awaskat walanibis yal kauh dalani talwa kidika laih yang karak dawakat, yang diki atnin sip awas ki; 38dawak angdika muihni kat witing panan prihni kidika duwi yang uskit uiwas laih, yang diki atnin sip awas ki.#Mt 16:24; Mk 8:34; Lc 9:23; Jn 12:24. 39Angdika muihni kat witing silp sangnika laihtik yakkuh tarang laih, diswarang ki, kaunah yang yulki sangnika diswarang kidika laih, sangnika laihwi yakwarang ki.#Mt 16:25; Mk 8:35; Lc 9:24; 17:33; Jn 12:25.
Wark minit balna
(Mk 9:41)
40“Angdika muihni manna yakat mana duwa kidika laih, yang yakat yaduwi;#Lc 10:16; Jn 13:20. dawak yang yakat yaduwa kidika laih, yasihna muihni yakat duwi.#Mk 9:37; Lc 9:48. 41Angdika muihni kat prapit as yakat duwarang kat Papang kaupak kaiwa kidika yulni, prapit warkni minit kidika kaput duna karang ki; dawak angdika muihni muih as yamni kat duwarang kat muih yamni kidika yulni, sihm muih yamni warkni minit kalawa kidika kapat duna karang ki. 42Dawak angdika muihni kat adika balna akat was sanni sutak as bik diawarang kat yang uskit uiyang balna kidika yulni, barangni manayultayang kidika muihni laih warkni minit duwarang ki.”
Currently Selected:
Matyu 10: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Matyu 10
10
Jisas yaklau apostel balna 12 kidikawalwi yakna
(Mk 3:13-19; Lk 6:12-16)
1Jisas yaklau disainipil balna 12 kidika yakat diyulwa kat uina, dawak parasnina diana spirit dudutni balna yakat kangwi yakna atninna dawak siknis dalalani balna bitik yakat bik yamna atninna yulni.
2Adika balna ki apostel balna 12 ayangnina kidika: tatuna kidika laih Saiman, ayangni ūk kau laih Pita, dawak wirahni Andru; Sibidi walanibis balna Jims dawak wirahni Jan kauna; 3Felipe dawak Bartolomé; Tomás dawak Matyu, Roma dini tunan minit yakwādai kidika; Alfeo walanibis Jims, dawak Tadeo kauna; 4Rahmni yulni kalbauyang Saiman, dawak Judas Iscariote, Jisas yakat malni kau pāt yakat āna kidika.
Jisas yaklau disainipil balna yakatdisihwi Papang king kawa sauniyulni kidika yulna atninna
(Mk 6:7-13; Lk 9:1-6)
5Jisas yaklau disaipil 12 balna adika disihna dai adika yulni balna disumalwi dawi: “Papang yakat kukulwas muihni balna saunina yakat laih uiwinih dawak Samaria tawanni balna yakat bik kakawinih; 6kaunah Israel tawanni sīpni balna didisna yakat yawanauh. 7Manna yawanauh dawak makau kisang kau king kanin sauni kaiwi ulisna yulni kidika yultanauh. 8Siknis muihni balna yakat sikninanis kaupak yamni diyamtanauh, muih dauna balna kidika dulautanauh, pilau duyang muihni balna pilaunina kidika klin yamtanauh dawak spirit dudutni balna kidika bik kangta yaktanauh. Manna laih adika parasni adika minit dis dunamana; kidika bahang manna warkmana minit laih kukulwinih.
9“Gol, lalah dawak bras bik duwi uiwinih 10ta yakat kasnin dini bik duwi uiwinih. Buhni kalahnin asnina, sus dawak tulnah bik duwi uiwinih, kat wark muihni kidika laih di kasna atnin rahmni duwa bahang.#1 Kor 9:14; 1 Tim 5:18.
11“Manna tawan as kidik awas bik tawan dibindauh as kau yawanama kat, manna yamni talamana muihni as walta ūni yakat awanama angdika mani kidika kaupak yawanama mani kat. 12Kidika ūni yakat awanama kat, muih balna bangkidika yakat diparastanama. 13Kidika ūni muihni balna yakat man kulnin aslah lani diataman kidika dunin muihni balna karang kat, man kulnin aslah lani dukih mawa kidika kaput karang; kaunah kulnin aslah lani dunin muihni balna awas karang laih, man dukih mawa kaput awas karang. 14Dawak kulnin aslah lani kidika dunin yuyulwas dawak bik dakanin dukih diawas karang kat, kidika ūni kidik awas kat kidika tawanni kaupak alahwa kalmana kau sau yahamni manalaihna kidika usyaktanama.#Ap.w 13:51. 15Barangni manayultayang, la yamnin mani yakat kidika tawanni minit yakat wah bukwarang kidika laih baisa dutni karang ki Sodoma dawak Gomorra sauni balna kidika karak dawakat.#Lc 10:4-12. ,#Gn 19:24-28; Mt 11:24.
Dangnit kaupak uhuiwa lani balna
16“¡Talnauh! Yang lawik manasihtayang sihm sīp balna kapat nawah pauni balna pasyakat.#Lc 10:3. Bahang manna laih sihm bil balna sinsnina sirihni kapat awanauh, dawak mamaknakunni sihm buhtuku kapat bik awanauh. 17Manna amungtalnauh, kat la tingni yakat mana ahawarang ki, dawak bik Papang yulni sumamalwa ūni balna yakat bik manawiwiswarang ki 18dawak kabamint kayang balna dawak king balna muhnina yakat bik manaduwi uiwarangki yang yulki; kaput laih manna sip awanama yang yulki yulnamna witingna dawak Papang yakat kukulwas muihni balna muhnina yakat bik. 19Kaunah la yakat manaduwi uiwarang mani kat, manna kulwi kalbabauwinih ais yulnamna kidika dawak bik amput yulnamna kidika, kat yulbautanama minitni yakat, yul balna kidika laih Papang yaklau manawarang ki. 20Bahang manna laih yulbautas awanamaki, kaunah manna Papangmana Spiritni kidika yaklau yulbauwarang ki.#Mk 13:9-11; Lc 12:11-12; 21:12-15.
21“Muih balna yaklau wirahnina ahal balna kidika daunin tingni yakat ahawarang, dawak papang balna kidika laih walaninabis balna kidika daunin tingni yakat ahawarang; dawak walabis balna kidika laih papangnina niningna kauh yaklauwi ihiwarang.#Mk 13:12; Lc 21:16. 22Muih bitik manna yakat dutni manayayamwarang yang yulki;#Mt 24:9; Mk 13:13; Lc 21:17. kaunah angdika muihni witni kat barangni yaklauwarang kidika laih kallaihwi yakna karang ki.#Mt 24:13; Mk 13:13. 23Tawan nuhni as kau manauhuiwarang kat, tawan nuhni ūk iranauh; kat barangni manayultayang muih Walanibis al kidika laih manna Israel tawanni nunuhni balna kidika baisa awaihlatasmana kat kaiwarang ki.
24“Disaipil as bik sumalyang minit yakat awas ki,#Lc 6:40. dawak di yamyang as bik witing daniwan minit yakat awaski.#Jn 13:16; 15:20. 25Disaipil kidika laih witing sumalniyang kapat kalwarang laih takat aitani kaldakawarang ki, dawak di yamyang muihni kidika laih witing daniwan kapat kalwarang laih takat aitani kaldakawarang ki. Ū tanituna yakat Beelzebú#Mt 9:34; 12:24; Mk 3:22; Lc 11:15. kalatwarang kat ¿witing walanibis balna yakat laih amput diyuyulwarangyah?
Wais yakat yamanidunin kidika
(Lk 12:2-7)
26“Bahang manna muih balna yakat yamaninaduduwinih. Kat di as bik malni yakat diski amanglana atnin, dawak di as bik malni awaski amanglana atnin.#Mk 4:22; Lc 8:17. 27Yang lawik puksani yakat manayultayang kidika, manna lawa madah yakat yultanauh; dawak malni kau manayultayang kidika laih, ū tuna balna yakaupak sarahta yultanauh. 28Muihni nuhni yakat ihiwa balna yakat laih yamaninaduduwinih, kaunah sangka ban atnin yakat laih sip di as bik yayamwaski, kaunah yamanidutanauh, manainin sip kidika, muihma nuhni, dawak ban atnin yakat madispamwarang kidika.
29“¿Uhbinina bu kidika lalah dadasni as minit bakakanwas yah? Kaput bik, kidika balna kaupak as bik sau yakat bukwas ki manna Papangmana kulnin lani awas kat. 30Manna namangnakauh laih, basmana kidika witing yaklau muihmana kat kat kulwi talna ki. 31Kaput bahang manna yamaduduwinih: manna laih uhbinina mahni karak manna kauh nunuhni man.
Jisas yakat amanglalawa muihni balna kidikamuih ahal balna muhnina yakat
(Lk 12:8-9)
32“Muih as yaklau yang ilpki yulwi lāih yakwarang kat muih balna muhnina yakat, yang bik witing ilpni yulki ki yang Papangki makau kisang kau sakkidika muhni yakat; 33kaunah muih balna muhnina yakat yang yatalasyang tarang laih, yang bik witing kidika talasyang yulki ki yang Papangki makau kisang kau sak kidika muhni yakat.#2 Tim 2:12.
Jisas, sahwi kalahnin lani kidika
(Lk 12:51-53; 14:26-27)
34“Manna kukulwinih yang sau akat aiwanayang kulnin aslah lani duaina atnik; kaunah kalbaunin lani kidika duaina aiwanayang. 35Yang aiwanayang muih al kidika papangni niningyakat ana atnik, walanibis yal kidika laih nanangni niningyakat dawak unisah kidika laih unisah yal muihbarak kidika niningyakat; 36kaput bahang witingna niningna kauh yaklalauwa muihni balna kidika laih sihm witingna wirahnina balna yakauna karang ki.#Mi 7:6.
37“Angdika muihni kat witing papangni kidik awaskat nanangni kauh dalani talwa kidika laih yang karak dawakat, yang diki atnin sip awas ki; angdika muihni witing walanibis al kidik awaskat walanibis yal kauh dalani talwa kidika laih yang karak dawakat, yang diki atnin sip awas ki; 38dawak angdika muihni kat witing panan prihni kidika duwi yang uskit uiwas laih, yang diki atnin sip awas ki.#Mt 16:24; Mk 8:34; Lc 9:23; Jn 12:24. 39Angdika muihni kat witing silp sangnika laihtik yakkuh tarang laih, diswarang ki, kaunah yang yulki sangnika diswarang kidika laih, sangnika laihwi yakwarang ki.#Mt 16:25; Mk 8:35; Lc 9:24; 17:33; Jn 12:25.
Wark minit balna
(Mk 9:41)
40“Angdika muihni manna yakat mana duwa kidika laih, yang yakat yaduwi;#Lc 10:16; Jn 13:20. dawak yang yakat yaduwa kidika laih, yasihna muihni yakat duwi.#Mk 9:37; Lc 9:48. 41Angdika muihni kat prapit as yakat duwarang kat Papang kaupak kaiwa kidika yulni, prapit warkni minit kidika kaput duna karang ki; dawak angdika muihni muih as yamni kat duwarang kat muih yamni kidika yulni, sihm muih yamni warkni minit kalawa kidika kapat duna karang ki. 42Dawak angdika muihni kat adika balna akat was sanni sutak as bik diawarang kat yang uskit uiyang balna kidika yulni, barangni manayultayang kidika muihni laih warkni minit duwarang ki.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998