Esdras 10
10
Sau ūk yayalni balna kat kangwi yayakna
1Esdras witing Papang ūni yakat limbabahwi minit yulwi yulni balna yakwi yulwa sakkat, Israel muihni balna mahni, ahal, yayal dawak walabis balna kauna witingna bik sihm dalani dakawi kaidabangdai kidika, witing yaihnit yakat kalududuhna dai. 2Bahang Jehiel walanibis dawak Elam sulani Secanías yaklau Esdras yakat kalyulna: “Yangna laih mayang maPapangki yakat barangni awas yangna dai, kat nisan ūk balna Papang yakat kukulwas yayalni balna karak kaldunayangna dai bahang; kaput kaunah, Israel niningyakat laih baisa tahanin lani kidika sakki. 3Yangna pramis alahwanaki ki yalkina balna pa ūk kaupak kidika dawak walaninabis balna kidika kauna sihmukna atnikna, man dawak muih ūk balna karak Dawan lani yakat rispik yamta yul yanasumaltamana kidika kaput yamna atnin yulni. 4Lawah, kat adika dini laih man yamnam dini ki; yangna lawik tingmasut laihtanaki ki. Kulnam dulautah dawak wark alahwah.”
5Bahang Esdras kalni kau yaklau dawi sumalyang balna dawak libait balna taninatuna balna yakat dawak Israel muihni balna bitik yakat bik pramis kulna nuhni as diyamna, witing pranimis kat yamna atninna kidika; dawak witingna laih pramis kalalahna dai. 6Usnit kat Esdras laih Papang ūni kaupak kalahwi Eliasib walanibis Johanán payahwa pāni yakat kiuna dai, kidika pāni yakat di as bik kaswas dawak bik diwas payahna dai, kat pa ūk kau laihwi duwi uiwa kat nawatwi aina balna kidika yaklau dutni yayamwa kat uba kulnin bukna dai kidika yulni.
7Usnit kat Judá yakat dawak Jerusalén yakat muih balna bitik yakat diyuyulna dai, laihwi pa ūk kau duwi uiwakat nawatwi aina muihni balna kidika bitik Jerusalén yakat kaluduhna atninna yulni. 8Tunan muihni balna dawak yul sumalyang balna witingna yuyulna kaput, angdika muihni ma bas ana kidika yakat kiwas karang kat, witing dini balna kidika dakyakna karang dawak muih laihwi pa ūk kau duwi uiwakat nawatwi aina balna tawannina bin kidika kaupak bik kangwi yakna karang. 9Kaput bahang, waiku tiaskauarungka kawak ma 20 laihwa yakat Judá dawak Benjamín ahalni balna bitik kalududuhna dai Jerusalén yakat, yuldarang kat ma bas pasyakat. Witingna bitik laih Papang ūni kau muih kalududuhwa pāni yakat yalalahna dai, diyukwīnah dutni yayamna kidika dawak was lauwa kidika yulni bik. 10Bahang sumalyang Esdras kalni kau yaklau dawi diyulna:
—Manna laih dutni yamnamana sau ūk yayalni balna karak kalduta, dawak kaput karak Israel pātni kidika bik baisa nuhni yamnamana. 11Kaput bahang, manna muihmanabararak balna Papangnina Dawan muhni yakat lāih alahwanauh manna dutni yamnamana kidika dawak Dawan kulnin lani kidika yamtanauh. Muih balna Papang yakat kukulwas balna kidika kaupak dawak sau ūk yayalni balna kidika kaupak bik naikau alahwanauh.
12Dawak muih balna bitik parasni yuyulna:
—Agha, yamtanaki ki man lawa yamnin yanayulma kidika. 13Kaunah uba palni mahni yangna dawak was bik lauwa kidika laihwatwas ki; baisa kidika minityakat, ta bamak yakat watnikna laih sip awaski, kat adika dini laih ma as dawak bik ma bu dini awaski, kat dutni yamnayangna kidika laih mahni palni yangna. 14Baisa yamni karangki yangna takinatuna balna kidika yangna pakina yakat wawatwarang kat, dawak yangna tawankina nunuhni balna yakat muih balna yalalahwa kidika dawak sau ūk yayalni balna karak kalduduna kidika bik ma as atangkat man tawanma nuhni tanituna balna karak kalpakwi aiwang, adika yulni Papangkina annin nuhni kidika yangna kaupak naikau kalahwarang kat.
15-16Laihwi pa ūk kau duwi uina muihni balna bitik kidika laih kaput yamnin yuyulna dai, kaunah Asael walanibis Jonatán dawak Ticva walanibis Jahazías kidika balna laih kaput yamni kidika yuyulwas dai, kidika balna yakat ilp diayana dai Mesulam dawak libait muihni Sabetai karak. Bahang sumalyang Esdras yaklau muih ahal buas wal'yakwi ayangnina kat kat pakna dai, kidika balna laih walaninabis balna taninatuna balna dai, dawak waiku salap kawak ma tatuna yakat walwi yakna muihni balna bitik kidika kalpakwi la yamnin pāni kidika yayamna dai la balna kidika kat kat laihwi talna atnin yulni. 17Dawak waiku tatuna kawak ma tatuna yakat laih muih ahal balna lanina bitik kidika yamwi saran lalaihna dai sau ūk yayalni balna karak kalduduna dai kidika.
18Sumalyang balna witingna sau ūk yayalni balna karak kalduduna kat yayakna dai kidika laih, adika balna dai:
Josadac walanibis Josué sulani balna dawak wanaihni balna kaupak laih: Maasías, Eliezer, Jarib dawak Gedalías, 19witingna laih barangni palni pramis yayamna dai yalnina balna kidika sihmukna atninna dawak witingna minit dis kalanin dini sīp almuk as duahaina dai witingna dutnina yulni.
20Imer sulani balna kaupak laih: Hanani dawak Zebadías.
21Harim sulani balna kaupak laih: Maasías, Elías, Semaías, Jehiel dawak Uzías.
22Pasur sulani balna kaupak laih: Elioenai, Maasías, Ismael, Natanael, Jozabad dawak Elasa.
23Libai sulani balna kaupak laih: Jozabad, Simei, Kelaía (yuldarang kat, Kelita), Petaías, Judá dawak Eliezer.
24Unbauyang balna sulanina kaupak laih: Eliasib.
Dūr maintalyang balna sulanina kaupak laih: Salum, Telem dawak Uri.
25Israel muihni balna sihm kidika lani yakat bangdai kidika laih adika balna dai:
Paros sulani balna kaupak laih: Ramía, Jezías, Malquías, Mijamín, Eleazar, Malquías dawak Benaía.
26Elam sulani balna kaupak laih: Matanías, Zacarías, Jehiel, Abdi, Jeremot dawak Elías.
27Zatu sulani balna kaupak laih: Elioenai, Eliasib, Matanías, Jeremot, Zabad dawak Aziza.
28Bebai sulani balna kaupak laih: Johanán, Hananías, Zabai dawak Atlai.
29Bani sulani balna kaupak laih: Mesulam, Maluc, Adaía, Jasub, Seal dawak Ramot.
30Pahat-moab sulani balna kaupak laih: Adna, Quelal, Benaía, Maasías, Matanías, Bezaleel, Binuy dawak Manasés.
31Harim sulani balna kaupak laih: Eliezer, Isías, Malquías, Semaías, Simeón, 32Benjamín, Maluc dawak Semarías.
33Hasum sulani balna kaupak laih: Matenai, Matata, Zabad, Elifelet, Jeremai, Manasés dawak Simei.
34Bani sulani balna kaupak laih: Madai, Amram, Uel, 35Benaía, Bedías, Queluhi, 36Vanías, Meremot, Eliasib, 37Matanías, Matenai, Jaasai.
38Binuy sulani balna kaupak#10.38 Sulani balna kaupak: kaput kapat ulna ki. Hibru kau laih dawak Bani dawi. laih: Simei, 39Selemías, Natán, Adaía, 40Macnadebai, Sasai, Sarai, 41Azareel, Selemías, Semarías, 42Salum, Amarías dawak José.
43Nebo sulani balna kaupak laih: Jeiel, Matatías, Zabad, Zebina, Jadau, Joel dawak Benaía.
44Adika muihni balna bitik kidika witingna sau ūk yayalni balna karak kalduduna dai, kaunah yayal balna kidika dawak walaninabis balna kauna nawatwi sihmumukna dai.#10.44 Kaunah yayal balna kidika...sihmumukna dai: grik kau ulna kidika laih kaput yulwi. Hibru kau laih dawak witingna kaupak yayal bik bang dai, dawak witingna ahal balna yaklau walaninabis ahana dai.
Currently Selected:
Esdras 10: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
