3 Musa 26
26
Pasu-pasu bai kalak simerpenguèi
(5 Ms. 7:12-24, 28:1-14)
1 #
3 Ms. 19:4; 2 Ms. 20:4; 5 Ms. 5:8, 16:21-22, 27:1 Nina Jahowa mo, “Ulang mo bahan kènè gana-ganaen barang pejengjengken cuman-cuman barang tihang ba- tu merokir ukum lako isembah. Aku ngo Jahowa Dèbatamu. 2Rayaken mo ari Sabat dekket ari raya ari raya agama janah hormati mo bekas sinihujuken lako menembah Aku. Aku ngo Jahowa.
3 #
5 Ms. 11:13-15
Mula ikenggeluhken kènè ngo pati-patinKu dekket iuèi kènè perèntahKu, 4roh mo Kubaing udan i tikkina, asa iberèken tanoh idi hasilna janah merbuahi suan-suanen. 5Merlempit ganda mo hasil jumamu, asa enggo kessa jupa katikana lako memuat buah anggur, tong dèng kènè memuat pagè. Janah enggo kessa dapet katikana lako mardang, tong dèng ma kènè muati buah anggur. Cukup mo pangaen ndènè janah oda kadè kurang i nagerri ndènè.
6Kujaga mo kènè i nagerri ndènè asa ndorok kènè lenek meddem janah oda lot barang isè pè kebiaren. Kupetumpat mo karina binatang pengago sinirambah i nagerri ndènè i, janah oda nè lot geraha i nagerri ndènè. 7Tertaluken kènè mo musuh-musuh ndènè; 8lima kalak kènè ndorok menaluken seratus kalak janah merkitè seratus kalak kènè sanggup lako menaluken sipuluh ribu kalak. 9Kupasu-pasu mo kènè janah Kubaing nterrem pinempar ndènè. Barang kadè sienggo Kupadanken bai ndènè tuhu-tuhu ngo i Kupesaut. 10Mertènjun-tènjun mo hasil juma ndènè, gabè bias mo pangaen ndènè sitahun. Janah dèng ma terpaksa mo kènè mengokal pagè usang sitadingna dèng asa lot bekkas memennep pagè rimbaru siniperani ndènè. 11Merian i tengah-tengah ndènè mo Aku ibas Undung-undungKu, janah oda Kutulak kènè. 12#2 Kor. 6:16 Kudengani mo kènè; Aku gabè Dèbata ndènè janah kènè gabè bangsangKu. 13Aku ngo Jahowa Dèbata ndènè, simengarak kènè mbungkas i Mesir nai asa ulang nèngè gabè hamba kènè. Enggo Kutaluken kuasa simenèndes kènè, janah Kubaing kènè gabè jelma terjujung lupona.”
Hukum bai kalak siso merpenguèi
(5 Ms. 28:15-68)
14 #
5 Ms. 28:15-68
Nina Jahowa mo, “Mula oda idengkohken kènè Aku janah oda iulaken kènè siKudokken, 15mula ilausi kènè padan siKubahan dekket kènè janah oda nggèut menguèi ketentuen-ketentuen dekket ha- toren-hatorenKu, 16Kuhukum mo kènè. Kupesempa mo olpek taba kènè, sakit dekket panè-panè siso terpemalum, gabè pètung mo mata ndènè, janah ndersa mo nggelluh ndènè. Menuani ngo kènè tapi oda ipangan kènè hasilna, kumarna merrohen mo musuh ndènè menaluken kènè dekket mengkeriken barang kadè isuan kènè. 17Kuhukum mo kènè, gabè italuken musuh-musuh ndènè mo kènè janah irajai kalak simengketce- goken kènè. Gabè buradan kalohon mo kènè gabè mperrus mo kènè, kasi pè oda lot kalak simenjalang.
18Mula enggo irasai kènè karina hukum tapi oda dèng kènè patu-taba Aku, Kutambahi mo hukum bai ndènè pitu kali lempit. 19Jukkat kalohon ngo kènè, tapi Kupetunduk mo kènè. Oda mo roh udan, asa gabè kerrang-kerring tanoh ndènè janah mpihir bagè bessi. 20Karina kelejaen ndènè oda lot gunana, kumerna oda nèngè memerrè hasil tanoh ndènè janah oda nèngè merbuah suan-suanen ndènè.
21Mula dak tong dèng kènè mengalo Aku janah oda uè tunduk bangKu, makin Kutambahi mo hukum bai ndènè pitu kali lempit nai. 22KarahenKu mo binatang-binatang penjerngem i rambah i nai mi tengah-tengah ndènè. Jerngemmen binatang-binatang i mo dukak-dukak ndènè, memunuhi pinakan ndènè dekket mendungi kènè, gabè makin situk mo bilangen ndènè janah gabè melongo mo dalan silot i nagerri ndènè.
23Mula enggo ibellus kènè karina hukumen idi tong dèng ma oda idengkohken kènè Aku, tapi dak tong dèng mengalo taba Aku, 24Kuajar mo kènè janah Kuhukum mo kènè pitu kali lempit mpiahna ibas sienggona i nai. 25Kupemasa mo geraha i tengah-tengah ndènè lako menghukum kènè kumerna enggo ilausi kènè perpadanenKu dekket kènè. Janah mula tumpu kènè i kuta ndènè lako menulusi percilèndungen, Kupemasa mo sakit siso tertambaren, gabè terpaksa mo kènè merkinisohna taba musuh ndènè. 26Kerri mo bekkel ndènè, nai sipuluh daberru pellin sada ketaring nai ngo kessa iperluken mahan bekkas merdakan pangaen silot bai kalak i. Ipella mo pangaen idi tercituk janah enggo kessa ipangan kènè i, dak tong dèng ngo iakap kènè melèhè.
27Mula enggo ibellus kènè karina hukumen idi tapi tong dèng ma ialo kènè Aku janah oda uè kènè tunduk baKu, 28melaga mo Aku mengajar kènè, janah menghukum kènè pitu kali lebih mpiah daripada sienggona idi nai. 29Kelèhèen mo kènè, gabè ipangani kènè mo dukak-dukak ndènè sendiri. 30Kugargar mo karina bekkas pemèlèen ndènè sinibabo delleng, mengerumpakken langgaten-langgaten bekkas penutungen dahupa ndènè, janah mengambongken bangkè-bangkè ndènè mi babo sembahen-sembahen ndènè sienggo merumpak idi. Kerna moyang atèngKu, 31Kuobah mo kuta ndènè gabè tading ter- ulang, Kurontasken mo bekkas pemèlèen ndènè janah oda kujalo nè pèlèen ndènè. 32Kupetumpat mo karina nagerri ndènè, gabè tersengget mo karina musuh ndènè simenabansa mengidah ntengamna simegargar i. 33Kupemasa mo geraha i nagerri ndènè janah Kupesompar-baèrken kènè mi nagerri ni dèba. Terulang mo juma ndènè, janah kuta ndènè ibelli gabè terulang. 34-35Sinderrang bagidi, tikan terbuang i nagerri musuh-musuh ndènè kènè, tanoh siso nung ibelli kènè mentadi tikan i iani kènè dèng, gabè terulang mo janah gabè lot tikkina mentadi.
36Dengngan-dengngan ndènè simerian i buangen i nagerri ndèba, Kubaing buradan kalohon gabè mperrus mo kalak i kumarna sora bulung-bulung isempul angin sambing pè. Mperrus mo kènè tosè bagè sinilet-let tikan geraha, nai merjembaen mo, tukasi pè oda lot musuh i gembar ndènè. 37Mperrus mo kènè janah mersiberpaen sisada dekket sisada nai, tukasi pè oda lot simenjalang. Janah oda teralo kènè musuh-musuh ndènè. 38Matè mo kènè i buangen ibinasaken i nagerri musuh-musuh ndènè. 39Pasi-pasi ndènè singgelluhna dèng i nagerri musuh ndènè ndersa mo iakap kumerna dosa ndènè sendiri dekket kumerna dosa empung ndènè.
40Tapi ukum pinempar ndènè iaku ngo dosana dekket dosa empung kalak i sienggo menonja Aku janah mengalo taba Aku, 41gabè Kualo mo kalak i janah Kupelaus kalak i mi buangen mi nagerri musuh-musuh kalak i. Ujungna mula enggo tunduk pinempar ndènè janah enggo mendalani hukumen kumerna dosa dekket pangalo-ngalo kalak i, 42#1 Ms. 17:7-8, 26:3-4, 28:13-14 Kuèngèt mo padanKu dekket si Jakob, si Isak, dekket si Abraham. Kuperimbaru mo padanKu lako memerèken tanoh i bai bangsangKu. 43Tapi kennah lebbè inumari tanoh i ibas pengianna nai, asa ndorok tuhu-tuhu mentadi. Janah kennah lebbè idalani bangsangKu karina hukumen siKudabuh bai kalak i kumerna oda nè menguèi hatoren-hatoren dekket perèntah-perèntahKu. 44Tapi sidekkah merian i nagerri musuh dèng pè kalak i, oda ngo Kutadingken kalak i, barang Kuripasken karina. Kerna mula Kuripasken kalak i, merlapaten ngo i gabè Kuputus perpadanenKu dekket kalak i, keppèken Aku ngo Jahowa, Dèbata kalak i. 45Kuperimbaru nola mo perpadanen sienggo Kubakin dekket empung kalak i, sinderrang Kupacidah kuasangKu bai karina bangsa merkitè menga- rak bangsangKu mbungkas i Mesir nai, asa Aku, Jahowa gabè Dèbata kalak i.”
46Idi mo pati-patien dekket perèntah iberèken Jahowa i babo delleng Sinai, bai si Musa lako bai bangsa Israel.
Currently Selected:
3 Musa 26: LAIBTD
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)
3 Musa 26
26
Pasu-pasu bai kalak simerpenguèi
(5 Ms. 7:12-24, 28:1-14)
1 #
3 Ms. 19:4; 2 Ms. 20:4; 5 Ms. 5:8, 16:21-22, 27:1 Nina Jahowa mo, “Ulang mo bahan kènè gana-ganaen barang pejengjengken cuman-cuman barang tihang ba- tu merokir ukum lako isembah. Aku ngo Jahowa Dèbatamu. 2Rayaken mo ari Sabat dekket ari raya ari raya agama janah hormati mo bekas sinihujuken lako menembah Aku. Aku ngo Jahowa.
3 #
5 Ms. 11:13-15
Mula ikenggeluhken kènè ngo pati-patinKu dekket iuèi kènè perèntahKu, 4roh mo Kubaing udan i tikkina, asa iberèken tanoh idi hasilna janah merbuahi suan-suanen. 5Merlempit ganda mo hasil jumamu, asa enggo kessa jupa katikana lako memuat buah anggur, tong dèng kènè memuat pagè. Janah enggo kessa dapet katikana lako mardang, tong dèng ma kènè muati buah anggur. Cukup mo pangaen ndènè janah oda kadè kurang i nagerri ndènè.
6Kujaga mo kènè i nagerri ndènè asa ndorok kènè lenek meddem janah oda lot barang isè pè kebiaren. Kupetumpat mo karina binatang pengago sinirambah i nagerri ndènè i, janah oda nè lot geraha i nagerri ndènè. 7Tertaluken kènè mo musuh-musuh ndènè; 8lima kalak kènè ndorok menaluken seratus kalak janah merkitè seratus kalak kènè sanggup lako menaluken sipuluh ribu kalak. 9Kupasu-pasu mo kènè janah Kubaing nterrem pinempar ndènè. Barang kadè sienggo Kupadanken bai ndènè tuhu-tuhu ngo i Kupesaut. 10Mertènjun-tènjun mo hasil juma ndènè, gabè bias mo pangaen ndènè sitahun. Janah dèng ma terpaksa mo kènè mengokal pagè usang sitadingna dèng asa lot bekkas memennep pagè rimbaru siniperani ndènè. 11Merian i tengah-tengah ndènè mo Aku ibas Undung-undungKu, janah oda Kutulak kènè. 12#2 Kor. 6:16 Kudengani mo kènè; Aku gabè Dèbata ndènè janah kènè gabè bangsangKu. 13Aku ngo Jahowa Dèbata ndènè, simengarak kènè mbungkas i Mesir nai asa ulang nèngè gabè hamba kènè. Enggo Kutaluken kuasa simenèndes kènè, janah Kubaing kènè gabè jelma terjujung lupona.”
Hukum bai kalak siso merpenguèi
(5 Ms. 28:15-68)
14 #
5 Ms. 28:15-68
Nina Jahowa mo, “Mula oda idengkohken kènè Aku janah oda iulaken kènè siKudokken, 15mula ilausi kènè padan siKubahan dekket kènè janah oda nggèut menguèi ketentuen-ketentuen dekket ha- toren-hatorenKu, 16Kuhukum mo kènè. Kupesempa mo olpek taba kènè, sakit dekket panè-panè siso terpemalum, gabè pètung mo mata ndènè, janah ndersa mo nggelluh ndènè. Menuani ngo kènè tapi oda ipangan kènè hasilna, kumarna merrohen mo musuh ndènè menaluken kènè dekket mengkeriken barang kadè isuan kènè. 17Kuhukum mo kènè, gabè italuken musuh-musuh ndènè mo kènè janah irajai kalak simengketce- goken kènè. Gabè buradan kalohon mo kènè gabè mperrus mo kènè, kasi pè oda lot kalak simenjalang.
18Mula enggo irasai kènè karina hukum tapi oda dèng kènè patu-taba Aku, Kutambahi mo hukum bai ndènè pitu kali lempit. 19Jukkat kalohon ngo kènè, tapi Kupetunduk mo kènè. Oda mo roh udan, asa gabè kerrang-kerring tanoh ndènè janah mpihir bagè bessi. 20Karina kelejaen ndènè oda lot gunana, kumerna oda nèngè memerrè hasil tanoh ndènè janah oda nèngè merbuah suan-suanen ndènè.
21Mula dak tong dèng kènè mengalo Aku janah oda uè tunduk bangKu, makin Kutambahi mo hukum bai ndènè pitu kali lempit nai. 22KarahenKu mo binatang-binatang penjerngem i rambah i nai mi tengah-tengah ndènè. Jerngemmen binatang-binatang i mo dukak-dukak ndènè, memunuhi pinakan ndènè dekket mendungi kènè, gabè makin situk mo bilangen ndènè janah gabè melongo mo dalan silot i nagerri ndènè.
23Mula enggo ibellus kènè karina hukumen idi tong dèng ma oda idengkohken kènè Aku, tapi dak tong dèng mengalo taba Aku, 24Kuajar mo kènè janah Kuhukum mo kènè pitu kali lempit mpiahna ibas sienggona i nai. 25Kupemasa mo geraha i tengah-tengah ndènè lako menghukum kènè kumerna enggo ilausi kènè perpadanenKu dekket kènè. Janah mula tumpu kènè i kuta ndènè lako menulusi percilèndungen, Kupemasa mo sakit siso tertambaren, gabè terpaksa mo kènè merkinisohna taba musuh ndènè. 26Kerri mo bekkel ndènè, nai sipuluh daberru pellin sada ketaring nai ngo kessa iperluken mahan bekkas merdakan pangaen silot bai kalak i. Ipella mo pangaen idi tercituk janah enggo kessa ipangan kènè i, dak tong dèng ngo iakap kènè melèhè.
27Mula enggo ibellus kènè karina hukumen idi tapi tong dèng ma ialo kènè Aku janah oda uè kènè tunduk baKu, 28melaga mo Aku mengajar kènè, janah menghukum kènè pitu kali lebih mpiah daripada sienggona idi nai. 29Kelèhèen mo kènè, gabè ipangani kènè mo dukak-dukak ndènè sendiri. 30Kugargar mo karina bekkas pemèlèen ndènè sinibabo delleng, mengerumpakken langgaten-langgaten bekkas penutungen dahupa ndènè, janah mengambongken bangkè-bangkè ndènè mi babo sembahen-sembahen ndènè sienggo merumpak idi. Kerna moyang atèngKu, 31Kuobah mo kuta ndènè gabè tading ter- ulang, Kurontasken mo bekkas pemèlèen ndènè janah oda kujalo nè pèlèen ndènè. 32Kupetumpat mo karina nagerri ndènè, gabè tersengget mo karina musuh ndènè simenabansa mengidah ntengamna simegargar i. 33Kupemasa mo geraha i nagerri ndènè janah Kupesompar-baèrken kènè mi nagerri ni dèba. Terulang mo juma ndènè, janah kuta ndènè ibelli gabè terulang. 34-35Sinderrang bagidi, tikan terbuang i nagerri musuh-musuh ndènè kènè, tanoh siso nung ibelli kènè mentadi tikan i iani kènè dèng, gabè terulang mo janah gabè lot tikkina mentadi.
36Dengngan-dengngan ndènè simerian i buangen i nagerri ndèba, Kubaing buradan kalohon gabè mperrus mo kalak i kumarna sora bulung-bulung isempul angin sambing pè. Mperrus mo kènè tosè bagè sinilet-let tikan geraha, nai merjembaen mo, tukasi pè oda lot musuh i gembar ndènè. 37Mperrus mo kènè janah mersiberpaen sisada dekket sisada nai, tukasi pè oda lot simenjalang. Janah oda teralo kènè musuh-musuh ndènè. 38Matè mo kènè i buangen ibinasaken i nagerri musuh-musuh ndènè. 39Pasi-pasi ndènè singgelluhna dèng i nagerri musuh ndènè ndersa mo iakap kumerna dosa ndènè sendiri dekket kumerna dosa empung ndènè.
40Tapi ukum pinempar ndènè iaku ngo dosana dekket dosa empung kalak i sienggo menonja Aku janah mengalo taba Aku, 41gabè Kualo mo kalak i janah Kupelaus kalak i mi buangen mi nagerri musuh-musuh kalak i. Ujungna mula enggo tunduk pinempar ndènè janah enggo mendalani hukumen kumerna dosa dekket pangalo-ngalo kalak i, 42#1 Ms. 17:7-8, 26:3-4, 28:13-14 Kuèngèt mo padanKu dekket si Jakob, si Isak, dekket si Abraham. Kuperimbaru mo padanKu lako memerèken tanoh i bai bangsangKu. 43Tapi kennah lebbè inumari tanoh i ibas pengianna nai, asa ndorok tuhu-tuhu mentadi. Janah kennah lebbè idalani bangsangKu karina hukumen siKudabuh bai kalak i kumerna oda nè menguèi hatoren-hatoren dekket perèntah-perèntahKu. 44Tapi sidekkah merian i nagerri musuh dèng pè kalak i, oda ngo Kutadingken kalak i, barang Kuripasken karina. Kerna mula Kuripasken kalak i, merlapaten ngo i gabè Kuputus perpadanenKu dekket kalak i, keppèken Aku ngo Jahowa, Dèbata kalak i. 45Kuperimbaru nola mo perpadanen sienggo Kubakin dekket empung kalak i, sinderrang Kupacidah kuasangKu bai karina bangsa merkitè menga- rak bangsangKu mbungkas i Mesir nai, asa Aku, Jahowa gabè Dèbata kalak i.”
46Idi mo pati-patien dekket perèntah iberèken Jahowa i babo delleng Sinai, bai si Musa lako bai bangsa Israel.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)