1 KORINTUS 5
5
Sasar farbuk ro jemaat
5:1-13
1 #
Ul. 22:30
Kaku ḇeri yasma sikofen ḇadir kwar rofandu mko ono sisya sifrur sasar farbuk ḇesyadadi; rofandu mko ono sisya sifrur sasar farbuk kuker sna ḇefan sesi. Snonkaku ḇefawi Manseren ḇasya kako sakfrur roi ḇeradineḇa! 2Rariryano mkomarares mko. Iḇye syadi mkosnemna nfafardun ma mkosasyar rofandu mko snonkaku ḇefrur rariryasya. 3-4Ro ḇar baken yaḇinkwanbur mko, ḇape ro ḇar rurya aya isya rofandu mko. Inja, yamarisen yafrur imnis aya isya rofandu mko, “Kuker snonsnon Manseren Yesus Kristus, yafasna faro snonkaku ḇefrur kwar fararur ḇeyarwarem ḇerarirya, nari sismai samamyai!” Rofafisu naek srar mkofanjur ma aya isya rofandu mko kuker rur ayedi, ma kuker papoik ro Manseren koḇedi Yesus, 5naek srar koḇuk snonkaku ani faro Ibirisya insa snon ani baken ḇyedi imar ma rarirya rur ḇyedi isma koreri ro fafisu Manseren ifyaferma werya.
6 #
Gal. 5:9
Rosai mkomararesya, roi ḇeḇyeḇa rirya! Naek srar mkofawi kwar wos sarḇer ine, “Mur kermkun ifrur fa terigu amek nakam napisen!” 7#Kel. 12:5Mkosawen ḇepon mur ḇekwar ani, isoine mur ḇesasar, insa mkomnis terigu amek ḇebabo, ḇesren ro mur sasar ḇekwar anna. Snar munara Paskah koḇedi ḇyeḇerak kwar: Kristus imnis domba Paskah koḇedi, ḇyeḇekaruk kwar. 8#Kel. 13:7; Ul. 16:3 Inja mkorama kofrur munara koḇedi kuker mamami ḇepisenḇa, isoine mamami ḇefasna saranden ma roi nakam ḇefrur marisen Allah. Mboi kofrur awer munara Paskah ani kuker mamami ḇefamnai kuker mur ḇekwar, isoine mur sasar ma ḇeḇarḇor.
9Ro syap ḇepon ayedi, yafas ḇadir kwar faro mko insa mkokenem awer kuker snonkaku ḇefrur farbukya. 10Snonkaku ḇefrur farbuk roḇa ḇenandip roḇa ḇeyankarkar roḇa ḇesyom amfyanir ḇefawi Allah ḇasya siso yakofensya! Snar rofyor naek binkwanbur si, nari wasasayarbur supswan ine. 11Moḇ yakara raya isoine, naek wakenem awer kuker snonkaku ḇekarem mankundiḇe Kristen, ḇape snonkaku ani ifrur farbuk, roḇa inandip, roḇa isyom amfyanir, roḇa imarisen donef snonkaku ḇese, roḇa ḇemasaser, roḇa wer ḇekarawraw. Mkokain mkananus awer si kako!
12-13 #
Ul. 13:5, 17:7 Yaḇe mankara faro snonkaku ḇeḇe Kristen ḇasya, fararur ayedisyaḇa. Allah mankundi iso nari ḇeḇe mankara farosi. Ḇape faro kina jemaat, mkofawiḇake jemaatya mankundi ḇeḇemankara farosi? Snar ro Refo sfas radine, “Mkopampum snonkaku ḇeḇarḇorsya rofandu mko.”
Currently Selected:
1 KORINTUS 5: LAIBHW
Highlight
Share
Copy
Want to have your highlights saved across all your devices? Sign up or sign in
1 KORINTUS 5
5
Sasar farbuk ro jemaat
5:1-13
1 #
Ul. 22:30
Kaku ḇeri yasma sikofen ḇadir kwar rofandu mko ono sisya sifrur sasar farbuk ḇesyadadi; rofandu mko ono sisya sifrur sasar farbuk kuker sna ḇefan sesi. Snonkaku ḇefawi Manseren ḇasya kako sakfrur roi ḇeradineḇa! 2Rariryano mkomarares mko. Iḇye syadi mkosnemna nfafardun ma mkosasyar rofandu mko snonkaku ḇefrur rariryasya. 3-4Ro ḇar baken yaḇinkwanbur mko, ḇape ro ḇar rurya aya isya rofandu mko. Inja, yamarisen yafrur imnis aya isya rofandu mko, “Kuker snonsnon Manseren Yesus Kristus, yafasna faro snonkaku ḇefrur kwar fararur ḇeyarwarem ḇerarirya, nari sismai samamyai!” Rofafisu naek srar mkofanjur ma aya isya rofandu mko kuker rur ayedi, ma kuker papoik ro Manseren koḇedi Yesus, 5naek srar koḇuk snonkaku ani faro Ibirisya insa snon ani baken ḇyedi imar ma rarirya rur ḇyedi isma koreri ro fafisu Manseren ifyaferma werya.
6 #
Gal. 5:9
Rosai mkomararesya, roi ḇeḇyeḇa rirya! Naek srar mkofawi kwar wos sarḇer ine, “Mur kermkun ifrur fa terigu amek nakam napisen!” 7#Kel. 12:5Mkosawen ḇepon mur ḇekwar ani, isoine mur ḇesasar, insa mkomnis terigu amek ḇebabo, ḇesren ro mur sasar ḇekwar anna. Snar munara Paskah koḇedi ḇyeḇerak kwar: Kristus imnis domba Paskah koḇedi, ḇyeḇekaruk kwar. 8#Kel. 13:7; Ul. 16:3 Inja mkorama kofrur munara koḇedi kuker mamami ḇepisenḇa, isoine mamami ḇefasna saranden ma roi nakam ḇefrur marisen Allah. Mboi kofrur awer munara Paskah ani kuker mamami ḇefamnai kuker mur ḇekwar, isoine mur sasar ma ḇeḇarḇor.
9Ro syap ḇepon ayedi, yafas ḇadir kwar faro mko insa mkokenem awer kuker snonkaku ḇefrur farbukya. 10Snonkaku ḇefrur farbuk roḇa ḇenandip roḇa ḇeyankarkar roḇa ḇesyom amfyanir ḇefawi Allah ḇasya siso yakofensya! Snar rofyor naek binkwanbur si, nari wasasayarbur supswan ine. 11Moḇ yakara raya isoine, naek wakenem awer kuker snonkaku ḇekarem mankundiḇe Kristen, ḇape snonkaku ani ifrur farbuk, roḇa inandip, roḇa isyom amfyanir, roḇa imarisen donef snonkaku ḇese, roḇa ḇemasaser, roḇa wer ḇekarawraw. Mkokain mkananus awer si kako!
12-13 #
Ul. 13:5, 17:7 Yaḇe mankara faro snonkaku ḇeḇe Kristen ḇasya, fararur ayedisyaḇa. Allah mankundi iso nari ḇeḇe mankara farosi. Ḇape faro kina jemaat, mkofawiḇake jemaatya mankundi ḇeḇemankara farosi? Snar ro Refo sfas radine, “Mkopampum snonkaku ḇeḇarḇorsya rofandu mko.”
Currently Selected:
:
Highlight
Share
Copy
Want to have your highlights saved across all your devices? Sign up or sign in