1 KORINTUS 2
2
Ḇaḇe ḇararyas Kristus marmar ḇyedi ro apropya
2:1-5
1Naek srar! Rofafisu yaramufa ḇe mko, ma yaḇaryas faro mko ro Allah aw ḇyena, supswan ine rosai sifawi ḇaim na, yawawos kuker fawawi snonkakuḇa. Yawawos kuker fawawi supswan ineḇa kako. 2Snar yakara namuk kwar mboi rofyor ayaisya fnoḇek mko, nari yawawos ro roi onoḇa, mboi roi ḇekur Yesus Kristus marmar ḇyedi ro apropya. 3#Kis. 18:9Rofafisu ayaisya kuker mko, yaryarḇa ma yamkakḇo yaradai. 4Ḇape ḇararyas yaḇaryas faro naek srar, yaḇaryas na kuker fawawi snonkakuḇa. Mboi yaḇaryas na kuker nyan ḇeḇair papoik ro Allah Rur ḇyedi monda. Naek srar mkomam roi nane kwar. 5Yafrur rarirya insa kakyar naek srar mkoḇena faro Allah nḇeknam ro fawawi snonkakuḇa, mboi nḇeknam ro Allah papoik ḇyedi.
Allah fawawi ḇyena
2:6-16
6Inja rariso wer, rofandu kankenem snonkaku rur sena nsambraḇ kwar, sikada yawawos ro ḇaḇefawawinanemya. Ḇape ḇaḇefawawinanem ine ḇaḇefawawinanem ro supswanḇa, oroḇaido ḇaḇefawawinanem bena papoik ro awar ine, nari papoik sena napromes. 7Ḇape fawawi nanem yakofen inekada ḇaḇefawawinanem ro Allah. Ḇaḇefawawinanem ani supswan ine sifawi iḇa ma iyokef, ḇape Allah fyasosi kwar, faro ḇaḇeaski koḇedi, ḇepon ro supswan ine ḇyeḇefrur ḇaimya. 8Snonkaku oso ḇaḇeri ro ḇeyuf papoik ro awar ine sifawi ḇaḇefawawinanem ineḇa. Snar rofyor sifawi ikada, nari spaiepen Manseren ḇeḇye syadi aniḇa. 9#Yes. 64:4Ḇape snar sfas ro Refo radine,
“Faro snonkaku ḇeswar Allah, Allah fyasos roi ono kwar
snonkakusya smam roḇa simnaf ḇaim ro snonkaku, ma nek ḇaim ro snonkaku sisnesna.”
10Ḇape Allah fyasna na kwar maḇe ko, kuker Rur ḇyedi. Allah Rur ḇyedi kyukeḇ roiḇebor kam, isof ro Allah aw ḇyena ḇeyokef kako. 11Snar ḇefawi kankenem snonkaku isoine rur snonkaku ani bardi, inke? Rarirya faro Allah kako. Ḇefawi Allah kankenem ḇyedi isoine Allah Rur ḇyedi ḇardi! 12Ma Allah ḇyuk ḇeko, rur ro supswan ineḇa mboi Allah Rur ḇyedi, insa kofawi roiḇebor kam Allah ḇyukma ḇeko na.
13Rarirya, rofyor nkoḇaryas roi ḇekur Allah, faro snonkaku ḇena Allah Rur ḇyedi, nkoḇaryas imnis kakara snonkakuḇa, mboi nkoso Allah Rur ḇyedi moḇ fyarkor raya. 14Snonkaku ḇena Allah Rur ḇyediḇa, nari saksma rosai Rurya fyasna naḇa. Snar faro snonkaku ani, roi sikofen anna namnis ḇaḇefawawi royoḇa monda. Snonkaku ani ifawi naḇa, snar roiḇebor anna skara na ro ḇar Rurya. 15Snonkaku ḇena Allah Rur ḇyedi ifawi kankunes ro roiḇebor kam, ḇape iḇardi snonkaku oso myamkir iba kako. 16#Yes. 40:13Snar sfas ro Refo radine,
“Mansei nari ifawi Manseren kakara ḇyena?
Ma mansei nari ḇekofen farkori?”
Ḇape kona Kristus kakara ḇyena!
Currently Selected:
1 KORINTUS 2: LAIBHW
Highlight
Share
Copy
Want to have your highlights saved across all your devices? Sign up or sign in
1 KORINTUS 2
2
Ḇaḇe ḇararyas Kristus marmar ḇyedi ro apropya
2:1-5
1Naek srar! Rofafisu yaramufa ḇe mko, ma yaḇaryas faro mko ro Allah aw ḇyena, supswan ine rosai sifawi ḇaim na, yawawos kuker fawawi snonkakuḇa. Yawawos kuker fawawi supswan ineḇa kako. 2Snar yakara namuk kwar mboi rofyor ayaisya fnoḇek mko, nari yawawos ro roi onoḇa, mboi roi ḇekur Yesus Kristus marmar ḇyedi ro apropya. 3#Kis. 18:9Rofafisu ayaisya kuker mko, yaryarḇa ma yamkakḇo yaradai. 4Ḇape ḇararyas yaḇaryas faro naek srar, yaḇaryas na kuker fawawi snonkakuḇa. Mboi yaḇaryas na kuker nyan ḇeḇair papoik ro Allah Rur ḇyedi monda. Naek srar mkomam roi nane kwar. 5Yafrur rarirya insa kakyar naek srar mkoḇena faro Allah nḇeknam ro fawawi snonkakuḇa, mboi nḇeknam ro Allah papoik ḇyedi.
Allah fawawi ḇyena
2:6-16
6Inja rariso wer, rofandu kankenem snonkaku rur sena nsambraḇ kwar, sikada yawawos ro ḇaḇefawawinanemya. Ḇape ḇaḇefawawinanem ine ḇaḇefawawinanem ro supswanḇa, oroḇaido ḇaḇefawawinanem bena papoik ro awar ine, nari papoik sena napromes. 7Ḇape fawawi nanem yakofen inekada ḇaḇefawawinanem ro Allah. Ḇaḇefawawinanem ani supswan ine sifawi iḇa ma iyokef, ḇape Allah fyasosi kwar, faro ḇaḇeaski koḇedi, ḇepon ro supswan ine ḇyeḇefrur ḇaimya. 8Snonkaku oso ḇaḇeri ro ḇeyuf papoik ro awar ine sifawi ḇaḇefawawinanem ineḇa. Snar rofyor sifawi ikada, nari spaiepen Manseren ḇeḇye syadi aniḇa. 9#Yes. 64:4Ḇape snar sfas ro Refo radine,
“Faro snonkaku ḇeswar Allah, Allah fyasos roi ono kwar
snonkakusya smam roḇa simnaf ḇaim ro snonkaku, ma nek ḇaim ro snonkaku sisnesna.”
10Ḇape Allah fyasna na kwar maḇe ko, kuker Rur ḇyedi. Allah Rur ḇyedi kyukeḇ roiḇebor kam, isof ro Allah aw ḇyena ḇeyokef kako. 11Snar ḇefawi kankenem snonkaku isoine rur snonkaku ani bardi, inke? Rarirya faro Allah kako. Ḇefawi Allah kankenem ḇyedi isoine Allah Rur ḇyedi ḇardi! 12Ma Allah ḇyuk ḇeko, rur ro supswan ineḇa mboi Allah Rur ḇyedi, insa kofawi roiḇebor kam Allah ḇyukma ḇeko na.
13Rarirya, rofyor nkoḇaryas roi ḇekur Allah, faro snonkaku ḇena Allah Rur ḇyedi, nkoḇaryas imnis kakara snonkakuḇa, mboi nkoso Allah Rur ḇyedi moḇ fyarkor raya. 14Snonkaku ḇena Allah Rur ḇyediḇa, nari saksma rosai Rurya fyasna naḇa. Snar faro snonkaku ani, roi sikofen anna namnis ḇaḇefawawi royoḇa monda. Snonkaku ani ifawi naḇa, snar roiḇebor anna skara na ro ḇar Rurya. 15Snonkaku ḇena Allah Rur ḇyedi ifawi kankunes ro roiḇebor kam, ḇape iḇardi snonkaku oso myamkir iba kako. 16#Yes. 40:13Snar sfas ro Refo radine,
“Mansei nari ifawi Manseren kakara ḇyena?
Ma mansei nari ḇekofen farkori?”
Ḇape kona Kristus kakara ḇyena!
Currently Selected:
:
Highlight
Share
Copy
Want to have your highlights saved across all your devices? Sign up or sign in