KIDUNG TUUNO 5
5
Malane
1Yaku lubat doi kuasi, bibian, dinda, daku pangantin,
kupototongikene komuur tukon kurampah-rampah;
kukaane koani papano tukon kodokoto,
kumonginum susu tukon kuanggur paisuno.
Boi-boine
Kaan tukon monginumo, tula-tulando,
monginumokai sampe malangukene kobabianan.
Nyanyian Kosangkapo
Boine
2Yaku moolo, bai konoanggu badagai.
Ndongoliyokai, kubibian moketuke kotataapon.
Malane
Bukayokai kotataapon, dinda, kekasihku,
kumerpati, noanggu natangobosan;
koolunggu mbetak sabab soilu,
kubuuk moono soilu motulo-tulo doipopook.
Boine
3Kulapasemo daku kalambi;
kai naikon kupakeo koidan?
Koainggu lapamo kukumesio,
kai naikon kukodikitio koidan?
4Mbombokono-mbombokon konoanggu
sabab kubibian taaniyomo kotataapon posupato.
5Maka yaku banguno
tukon kubukayo kotataapon tuuk doi kubibian.
Muur seselet luwedoi limano tukon limano sao-saono,
mbetokiyo kobataanian tataapon posupato.
6Kubukayo kotataapon tuuk doi kubibian,
bai yana abalimo tukon tauso.
Yaku poloonggene tuuno kona koalalo;
kuunggolio yana, bai akiyo kotakoso.
Kuuange kosambuno,
bai yana aki natimbane.
7Yaku pinosunggon saibino kopodagai kota;
yanila bobokiyaku tukon pokolonio yaku,
daku selendang yanila alayo tukon pakisayo.
8Manyanyimokai, eh koboiboine Yerusalem,
kalu komuyu posunggene daku bibian,
popitoikenekai doi yana,
baikon yaku masakit pobianggonan.
Boi-boine
9Oilakai komubibian liisiyo kobibian-bibian bailon,
eh boine motambongan tuuno?
Oilakai komubibian liisiyo kobibian-bibian bailon,
sampe ikoo sumboliiyo kami moberjanji?
Boine
10Kubibian tambongan tukon monondok,
monondok doi antara songulo kololoon komian.
11Kooluno buno mosoni, mosoni tulen,
kona buuk kees tukon mopook, mopook buno gagak.
12Komatano bunokai lapatiing doi paisu matano,
lapatiing masaukene kosusu, osulang doi kolam bibilo.
13Pidalino buno rampah asino mobabangi,
kosuungo buno bunga bakung moseseletene komur tulen.
14Kolimano mondok, basosolut mosoni tukon permata,
butongo bunokai gading mobinu-bungai batu nilam.
15Koaino bunokai sudong-sudong marmer moute,
tukon naalas mosoni tulen.
Kooako tambongan pokakana kobunggul-bunggul doi Libanon,
tukon pokakana aras batango.
16Kona basilinganan maamis tuuno,
saibino kolobo doi yana menarik.
Bunomo doiyakai ko bibian tukon kusobat,
eh boi-boine Yerusalem!
Currently Selected:
KIDUNG TUUNO 5: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
