KIDUNG TUUNO 4
4
Malane
1Manisku, ikoo tambongan tuuno,
tutuu ikoo tambongan tuuno.
Matamu taikon doi mukokudung bunokai lapatiing;
mubuuk bunokai mbembe tambuno
motokoluiyo kobunggul-bunggul Gilead.
2Ngolimu moute buno domba tambuno,
mo sodo dinallu tukon sinau;
berpasangan buno domba napau-pau pinga,
meengkai akiyo komo lapus.
3Suumu bibilo bunokai meeng kopita patolo pomemela,
tukon suumu tambongan tuuno.
Pidalomu buno delima saono mobinata,
tosookon taikon doi mukokudung sembeleng.
4Kobulumu buno Daud namenara,
mo binangun tuuk mangabosan sanjata.
Muinoon pokakana soloon ko tombide,
sasaibino kosuludadu pakeyo pongumbas.
5Ko eopomu saono bunokai lua kodonga napau,
kijang napau pinga modaano makaan bulung
doi antara bunga-bunga bakung.
6Yaku yase taus doi bunggulo mur
doi bunggul kamangian,
sampe puul komombuul dowa-dowa,
mo akiyenggene kokolipikon popook.
7Ikoo tambongan tuuno, dakubibian
akiyo kososibolino doi ikoo.
8Maimo nda obulus luwedoi Libanon, dakupangantin,
maimo nda obulus luwedoi Libanon.
Obulusokai luwedoi Amana bunggono,
luwedoi Senir tukon Hermon bunggono,
macan tutul tukon singa natampat dungolan.
9Ikoo tarike konoanggu, dinda, kubasoanan,
ikoo tarike konoanggu tukon mupokita,
tukon permata monondok doi mukalung.
10Mondoko tuuno komu peseang kubibian, dinda, pengantinku,
liisiyo oddoon konamonondokan luwedoi koanggur.
Komu minyak wangi babangi tuuno,
liisiyo sasaibino korampa-rampa kaliangano.
11Daku pangantin, komubantilan-bantilan maamis,
buno dokot moasli tukon susu.
Mupakean pokakana kona babangian ko Libanon Bunggukono.
12Daku bibian doiyamokai koasi mobineton,
asi mobineton, paisu matano mototutup.
13Indaa tubo kodelima batang-batango,
tukon sao-saono momaamis tuuno.
Bunga pacar tukon narwastu,
14narwastu, kunyit, kayung mamis tukon tobu,
tukon rupa-rupa kokamangian batango.
Mur tukon gaharu,
tukon rupa-rupa korampa mopinilimo.
15Paisumatano doi kuasi palapuutene kopaisu motetap
molomba luwedoi Libanon!
Boine
16Puulokai eh kombombuul lembet,
lubatokai, eh kombombuul lalom!
Puulokai doi kuasi,
sodiiomo nababangi posapon.
Boliisi daku bibian nalubat doi naasi,
tukon kaane kosao-saono mo maamis.
Currently Selected:
KIDUNG TUUNO 4: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
