SADEONG 17
17
Mian mo akiyo konasala nasambeang
1Daud nasambeang.
Lengelekai koalalonggu yaku makabi kaadilan,
perhatikanggenekai daku sambeang motutuu, oh Temeneno.
2Sanaangkai mobelayo daku perkara
sabab Ikoo toiyo oila komo bisa.
3Kalu Ikoo ujiyo konoanggu
tukon Ikoo lubat moondosukaku doi tempo popook,
naikon laataku baikon totubo konoanggu,
dakubantilan pokokonoi tukon dakupikiran.
4Yaku lakukene oila komupinarentakon
tukon aki kuloloiyo koloon mopinakisaa.
5Yaku sidutu tubo loingiyo Komuotunggul
tukon aki kuisa luwedoi Yana.
6Yaku uwang doi-Koo, oh Mian Bisa,
sabab Ikoo timbiliyaku;
perhatikanyakukai
tukon lengelekai daku banti-bantilan.
7Tudoikanakukai komuseang mominasaindinggon
sabab Ikoo salamatene komian mosoop doi-Koo,
doi yanila lisuko aman luwedoi musuh napolobosian.
8Pialaakukai pokakana komata-Mu batuno,
saakanakukai doi kapilo-Mu suukano kusoop
9luwedoi mian molokis napolobosi.
Yaku linubotii musuh moiyase akateaku;
10yanila aki natoiyo komaasi
tukon napo basalita babanggaal.
11Yanila maju molawanaku tukon yanila tokuuniaku,
moumbolii todanan sulano napo lubangaku.
12Yanila pokakana kosinga moiyase sokuwo kona musuh,
singa tabono pepete doi lipu motosookon.
13Kokondongokai, oh Temeneno,
lawanekai daku musuh tukon lungguyomokai yanila.
Salamatanakubai tukon Musabel
luwedoi mian molokis napolobosi.
14Sodiyakukai luwedoi mian-mian
moatambune kobuat doi dunia.
Ukumekai yanila tukon bala-balaa
molapamo Kusadiakene tuuk yanila.
Sodiiyomokai konapo pau tumbu nainukum koidan.
15Bai yaku naikon mbalenge Ikoo,
sabab akiyo daku salah.
Doi tempo kubangunan,
Komudaanoan kubaiyo konoanggu laba-laba.
Currently Selected:
SADEONG 17: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
