SADEONG 16
16
Sambeang moono manggaan
1Daud na Sadeong.
Dagaiyakukai, oh Mian Bisa,
sabab doi-Koomo daku soopan.
2Yaku bantile, “Ikoomo kai daku Temeneno, daku sanaangan,
akiyo komo lobiyoniiyo Ikoo!”
3Kuodotiiyo komian-mian moliyous doi tano nia;
daku labaan doiyamo podungoli yanila.
4Sodiyomokai komian mososubaiyo kopilogot-pilogot
kona susaano tosungimo.
Aki kuyase basosubakon doi pilogot-pilogot,
tukon aki kuyase mobantile kopai sambuno.
5 Temeneno, Ikoo tolong dakubinakonggukonggon;
Ikoo beekene doi yaku saibino dakupinoelu,
daku tubuan daano doi lima-Mu.
6Tutuu monondok Komupebee doi yaku,
tutuu sananggene konoanggu!
7Yaku nggaale ko Temeneno mootinawaku;
doi popook lalomo konoanggu otunggulaku.
8 #
Kis. R. 2:25-28
Yaku sidutu neneeke ko Temeneno;
Yana daano doilisukonggu, sampe aki natounggot daku maanggaan.
9Tobikon doiya konoanggu laba tukon dakuparasaan sanaang tuuno,
tukon kobutonggu batadei tukon aman.
10 #
Kis. R. 13:35
Sabab Ikoo aki mubatadikanaku momate;
komian Ikoo moseseange aki mubatadikene nasilaka.
11Ikoo tudoikene doiyaku kololoon mololoiyo kotuboan;
tongo doikoo daku malaatan laba-labaan molobian
tukon sanaangan tuuk sidutu-posidutukon.
Currently Selected:
SADEONG 16: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
