SADEONG 14
14
Bangkapi nalokisan
(Sadeong 53)
1 #
Rm. 3:10-12
Tuuk mokatuaiyo konyanyian. Daud na Sadeong.
Komian bonggu bantil doi noano lalomo,
“Akio ko Mian Bisa.”
Konapo kokubai lokis tukon minosikiton
akio komo mokubai monondokan.
2Luwedoi surgaa ko Temeneno mbalenge kobangkapi
tuuk umbale komian mo pandoy mo mososubaiyo Yana.
3Bai sasaibino komian konakokubai salamo tukon lusako,
akiyono komeeng komiankai momokubai monondokan.
4Ko Temeneno bantile, “Akikai nasadar domian-mianoo molokis?
Napo tubo tongo lambase Dakumian
tukon aki napo sidutu sambeang doiya-Ku”.
5Komian molokis naikon teali matakut tuno,
sabab ko Mian Bisa eseepe komian moloingiyo doi Yana.
6Komian molokis yase semba-sembange komian motalalais,
bai ko Temeneno teali nasoopan.
7Boliisi luwedoi Sion
nalubat kokasalamatan doi Israel!
Maka Yakub nakaturunan naikon laba-laba
kalunaikon ko Temeneno abalikene Konamian ndondoongo.
Currently Selected:
SADEONG 14: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
