SADEONG 11
11
Temeneno tampat soopan
1Tuuk mokotuaiyo konanyanyian. Daud na Sadeong.
Yaku soop doi Temeneno;
akiyo kotakoso mobantil doi yaku,
“Salamatenemokai kobutomu
bunokai tomisi mobenga doi bunggul.
2Sabab komian lokis tidekene kona pana batango
tukon konoikene konapana matano
mopasanggene doi tampat mokalipookan
doi mian-mian mojujur.
3Kalu komasarakat naatulan kalangkabut
komian monondok akimo nabukuan.”
4Ko Temeneno daanon doi Nabonuwa mo moliyous,
kona kursi batomundoan daano doi surgaa.
Yana palatikanggene kobangkapi
tukon toiyomo saibino konapo perbuatan.
5 Temeneno udio komian monondok tukon mian molokis,
yana misikitene komian moyase naikon lakukene kobapakisawan.
6Mian molokis nainukum tukon balaa,
tukon aung, belerang tukon mombul mookopule.
7Sabab Temeneno monondok tukon adil,
yana mamasikene komian kona kokubai momonondok;
komian mojujur naikon kitayo tukon tingoniyo ko Temeneno.
Currently Selected:
SADEONG 11: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
