SADEONG 10
10
Sambeangan makabi kaadilan
1Bulaando Ikoo moodon oh Temeneno
tukon sapit doi tempo mai susaan?
2Tukon nababanggalan komian molokis pipiike komian motalalais;
batadikenemo yanila tositak luwedoi napotalong susungo.
3Komian lokis bukalo konuano tentang konaminomotian molokis,
komian modoko kutuke tukon akienggene ko Temeneno.
4Komian mobaladosa aki napusinggene naikon ko Temeneno,
Sabab nabanggaalan yana pikikene baikon ko Mian Bisa akiyo.
5Komian lokis malaat hasil doi sasaibino konalimang lalomo,
yana aki natingoniiyo kai mangalatikene ko Temeneno Naukum
tukon pandang enteng sasaibino konamusuh.
6Konabantilano doi noano lalomo, “Yaku aki naikon kugagal,
tukon dakutulu-tulunan pokakana komian moaki natubo lokis.”
7 #
Rm. 3:14
Yana banggadudul kutuke, ancame tukon batipu,
konabantilan-bantilan moono mosikitan tukon kulokisan.
8-9Yana basookon doi kampung-kampung
sulano nakateyo komian moakiyo konasalah.
Bunokai singa yana montotiili doi mosolot lalomo
papateekene komian moakimo nabukuan.
Yana tedenge komian motalalais doi lipu moaki nalame,
yana sokuwo tukon tandane bulenggene.
10Yana toutuku, batotobo momosoku;
yana otuwenge komian tukon pakisaayo.
11Konapopikikon, “Komian Bisa toliminggenemo tukon akimo naperhatikanggene;
polong posidutukon yana akimo nakitaaku!”
12Kokondongokai, Temeneno ukumemokai komian molokis!
Nenekekai komian mopiniipik!
13Bulaando komian molokis banggadudul mototulaiyo ko Mian Bisa
tukon pikikene ko Mian Bisa moaki naikon naukume?
14Bai Ikoo kitayomo;
Ikoo perhatikanggene kokasusaan tukon sakisaa,
tukon sidutu batotobo sulano mutulunge.
Mian moakimo nabukuan sarakanggene kobutongo doi-Koo
Ikoo sidutu tulungiyo komian motalalais.
15Lotoyomokai komian lokis tukon modurhaka nakakuasaan;
ukumemokai yanila sabab napo kakabai
polong yanila akimo nabarani.
16 Temeneno maparenta tuuk sidutu posidutukon;
bangsa-bangsa moaki natingoniyo Yana
akan lenyap luwedoi Nabuta.
17 Temeneno, Ikoo molongol mian motinotulai nasambeang
tukon kabukuanggene konoanoila.
18Kopau tuboon tukon mian mopiniipik Ikoo belayo konaperkara,
sulano naakio komian mootokutio yanila.
Currently Selected:
SADEONG 10: LAIBGZ
Highlight
Copy
Compare
Share
Want to have your highlights saved across all your devices? Sign up or sign in
